،،، ابن هندي ،،، للحب ذكرى ،،،،
[align=center]السلام عليكم ،،
تحيه طيبه للجميع ،،
لكم مع التحيه ،،،
ولخوي ظافر ابن هندي البرازي السهلي ،،[/align]
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للحب ذكرى في قلوب المحبين=ذكرى تجدد مع مرور الزماني
ذكرى وليفٍ غاب عني من سنين=اللي على القلب المعنا كواني
غالي على قلبي ومن ناس غالين=وش عاد لو صده وبعده عطاني
لا والذي كمله بالملح والزين=ماغيره احدٍ بين حدب المحاني
مرتاعه الخفاق واقصى الشرايين=ويمسي هجوسٍ ماتفارق كياني
غروِ ندر عن زين كل المزايين=شكل وطبيعه مايبيله ضماني
فيه الوقار وفيه هيبت سلاطين=وفيه التغنج ويل حالي خذاني
فيه ،، الحلا ،، والملح ،، والموت بالعين=وليلٍ على الامتان يشعل جناني
انسى الاسامي لاضحك والعناوين=ولامن تحاكا ذقت طعم الحناني
لامن تزفر ثار عطر البساتين=ولامن تكدر ضاق فيني مكاني
واليوم وينه ياعذابي وانا وين=عايش على ذكراه واسهر واعاني
اتلا العهد من عام واحد وعشرين=وذالعام رابع والغضي مالفاني
عايش على ذكراه من حين لاحين=وارحل مع الهاجوس لامن شعاني
يزورني لاقفى من الليل ثلثين=له رهبةٍ بالحلم تعقد لساني
مثل البرازي لاوقف للدخيلين=افزله واقول لا مانساني
ياظافر ابن اسعود والهم همين=همٍ يتل القلب وهمٍ بلاني
ويش العمل يومك من الربع الادنين=يامسندي في وقتي اللي عصاني
[/poem]
[align=center]وسلامتكم[/align]
