[align=center]
موقف...! ولا بسناه بالله /يا اِنس اُنس ..!
.........................ألِم ألَم بالكوم ..أبي موقف إنساني
ياذا الألم كل ما أجي قلت لي أُنس إنس.
...................ألَم ألِمّ اللي كفى ...!طيب إنساني
يا ظالمه
(..قمة ألم )لو جيت تشكـي للزمـن ظلـم الزمـان
...............أوجيت تشكي الضيق وانته عايشٍ باوسع مدى ..!
(قمة ندم).. لو جيت بتْراهن ولا تجيـب الرهـان
..............أو أنك تحوّش تعـب ويـروح ماحشتـه سـدى
(قمة وهـم).. أن تعتقـد أن البحـر بـر الامـان
.............او تعتقد في هالشتا يفـزع لـك الصيـف بـردا
إسئلني مجرّب( وصفحة رحلتي ) كرت الضمـان
.............مافيه قمّه ماوصلهـا صوتـي ودوّن صـدى..!
"ياظالمه" حبيت أبـارك لـك وصولـي هالمكـان
.........مبروك ...! " نجمك المذلل" في سما همّـه بـدا
"ياظالمه" مِـدّي علـيّ السمـع وإرقينـي حنـان..
.....حتى اليك اشكيك واشكي لك ..(قبـل مـوت النـدا)
مدري تخطفني (الضّنا )والا (الضّنك) وإلا"الهـوان"
...........والا [السهر] والا [السهـد] وإلا تخطفنـي الـرّدى
هيّا نبي ندوّر "علـيّ"...! بكـون والله لـك مـدان
............عجزت...أبي أعثر (عليّ) ...إلقيني وكلّـي فـدا
وان مالقيتيني فدا ..يكفـي (لقيتـك لـي كيـان)
.............شوفي على اغصان الفرح وشلون أتقاطر نـدى
ماحد حكى لك قصتي ..! طيب انا شاهد عيـان
.....................بحكي لك ولاتحزني لو طايـر آهاتـي شـدا
دبّ الألم في كامل أعضائي وصـار الترجمـان
...................من كثر ماحبوه ..(فينـي) أنشـؤا لـه منتـدى
والجفن ماقصـر بعَـد أطلـق لعينـيّ العنـان
......................وتحاشرت كل الدمـوع وودعـت جفنـي عـدا
دمعه (سجينه) تنتظر من حضـرة إغيابـك ليـان
....................تسهر ومفتاح (الفرج) في جيب قلبٍ ماغـدى ..!
حتى سمعـت إن الحـزن يشيـر ليّـه بالبنـان
........................يعربني بسطر الزمـن (بـ الهـم يرفـع مبتـدا)
غرقان ..! (طيفك) منفـرد إبحـارس دمـوعٍ جبـان
.......................غصب آتسرّب كل ما طيفك علـى عينـي عـدا
شوفي بعينك (عاشقك)... هل تذكرينـه كيـف كـان..؟
........................اتأملي في صورته يـوم أنتهـى/ يـوم أبتـدى
قولي لقبك بعتبر كل ماحصـل (كبـوة ) حصـان
.................ياظالمه واللي عطى كل شي خلقـه ثـم ( هـدى)
إن (الأسى) في غيبتك (والتيه) صاروا لـي خـوان
.............................وإنه فـلا حـبٍّ طـرا بعـدك ولا بـالٍ ( هـدا )[/align]
/
