ابشركم لقو الشنطه المسروقه
تم بفضل من الله القبض على سارقة الشنطه اللي نفلنا موضوعها لكم بقسم الغربله بعنوان شــــــــــــــــــــــــ ـــــــــــــــــــــــــ نـطه
وقد لقا<<لحد يقراها لقي رجائاً أسمها لقا ..يعني تقرونها لقد لقا الموضوع تفاعل من االاعضاء
وهذا ماحدانا لنضع بين أيديكم تتمة السالفه ونزف لكم بشرى القبض على الطالبه الحراميه ..
اليكم الموضوع وتتمتة وأرجو ان اوفق في توضيح الصوره لكم..
الموضوع السابق
هذي " طالبه " في المدرسه جت وحده
من البنات سرقت شنطتها ( احســن ) شوفو وش سوت
و كتبت اعلان موجه للي سرقت شنطتها وما تركت دعوه مادعتها
" اظن اللي سرقت الشنطه ماتت " او جتها اعاقه مُزمنه
انا راح اكتب الي قالته (( يامن سرقتي حقيبتي في الأمس لا وفقك ربك وان شاء عذبك وطردك من
رحمته خالده مخلده في نار جهنم لا محال وجعلها منزلك ومأو لك وسوء المصير حرق الله قلبك وجسدك
ودب فيه المرض والعلل والطاعون وانفلونزا الطيور فرق الله بينك وبين زوجك ان كنتي متزوجه وعنسك
اذا كنتي عزباء سلط الله عليك من لا يرحمك وصب عليك وابل من العذاب ويهلكك ومن معك ان كان فيك
ذرة من اسلام وايمان بالله اعيديها مكانها ياحراميه ياطرمه كان قلتي انها عجبتك وعطيتك اياها احسن
لك من الحرام ))
........................
تتمه الخبريـــــــــــــــــــ ــــــــــــــــــــــه
توجهت الطالبه المسروقه شنطتها للأداره وبلغت مديرة المدرسه عن فقدها لشنطتها..في حصة الرسم ..
ورداً على سوأل المديره عن قيمة الشنطه أجابت الطالبه بقولها ..غاليه كثيركثيركثيرثم فالت يعني مهو كثير مره مره مره..ولاحضت وحده من الأبلات القديمات أحمرار وجه البنت ..
خصوصاً أن الاداره كان فيها أبلات من دفعت العام ..يعني في نفس سن البنت أللي كانت أكبر الطالبات في صفها ماهو عشانها ترسب لالا بس أبوها مدخلها المدرسه وهي أم عشر..وكان هذا الشي يحرجها لأن البنات اللي معها بالصف مسمياتها أم خمس ويقولن لها من باب السخريه أبوك مسجلك في كرت العائله واللا مطلع لك ترخيص يعني أنها بندق ههههههههه
واللي تقول يابنات أنتبهن لاتتلمسنها يمكن أبوها ناسي فيها طلقه الله يستر لاتثورعلينا واللي تقول شوزن واللي تقول ساكتون ومن هالكلام ألي مايخفى عليكم
المهم بفضل خبرات الأبله التراكميه خلال سنوات عملها الطويله في مجال التعليم ..عرفت أن الشنطه رخيصه وماتحمل السرقه وأن اللي سرقتها تريد شي ماء بداخل الشنطه ..
وبعد توجيه عدد من الاسئله للطالبه صاحبة الشنطه تبين أن الشنطه كان بداخلها جوال البندقيه.. أقصد جوال البنيٌه ..والابله هذي معروفه بحالات ذكاء ( تروح وتجي ..ولحسن حظ البنت في ذاك اليوم ان الذكاء جاي ..خطرت للأبله فكره جهنميه ..بعد ان قالت للطالبه أذا جينا فالصف بقولك ماتدرين ان الجوال ممنوع وأهزئك شوي ..
بس أذا سألتك الجوال على الصامت قولي أيه بس الرسايل ماهي صامته حاطه نغمتها أغنيه.. أوكي قالت البنت اوكي. شك الراوي ان البنت ردت..
المهم راحو للفصل ووفق الخطه المرسومه دارت الاحداث كما ينبغي ..
وبعد شويةحركات ..لأيهام الطالبات بأن الأبله المحترمه ماتدري عن الجوال..
أعترفت البنت بأنها جايبه جوالها عشان أخوها يدق عليها لاجا يأخذها بعد الصرفه
قالت الأبله للطالبات فالصف,,أصصصصص ولا نفس..
بدق على جوال زميلتكم لا وحدة تتحرك من كرسيها أكسر رجلها
طلعت جوالها كم رقمك.. البنت عطتها الرقم ..الأبله يعني دقت >>ماعندها رصيد ..
الأبله حاطته على الصامت يا......<<شتيمه قويه
سكتت الطالبه ولم تنبس ببنت شفه
وتخلبطت الأبله وراحت تطالع فالبنت تبيها تقول على نغمة الرسايل اللي أتفقت معها عليها فالأداره ..
ألأبله ..آآآه بس لوكان الجوال ماهو على الصامت
مره ثانيه.. تقوله الأبله أنتبهي والله ماعاد أكررها آآآآآه لو ماهو على الصامت..
أخ آآآآآخ لو ماأنتي على الصامت يا....<<شتيمه أقوى من اللي قبلها
تذكرت البنت وقالت بخجل ..أيه أيه تذكرت نغمة الرسايل شغاله حاطتها أغنيه ..
الأبله بدم بارد أغنيه!! ماشاء الله
البنت مقادير ياقلب العنا مقادير..
أحلا تقوله الأبله... طلاليه الاخت سكتت البنت ..
الأبله .. وهي تطالع في الطالبات ليه ماحطيتي راح أمشي معاك للاخر.>>على بالها تنكت
ضحكن الطالبات اللي بالفصل إلا بنت الأيه مع أنها حاولت تضحك بس الحمد لله خانتها مشاعرها وماقدرت تضحك.
قالت البنت بحطها بس الله يخليك شوفي وين شنطتي ,,
ألأبله.. بنت الأيه سلامات عسى ماشنطه قصدي عسى ماشر.
بنت الأيه.. هااااه بطني بطني يوجعني ..اكيد يا أبله أكل المقصف ماهو نضيف..>>بتغير الموضوع ..
الأبله..تمشي الهوينا طق طق طق طق باتجاه بنت الأيه .
أسمعي يابنت الأيه الشنطه بعشره ريال وفي روايه خمسطعش وفي روايه عشرين وفي راويه خمسه وعشرين وآخذتها زميلتك بعشرين بعد المكاسر وقلة الحياء.. وأنا أرجح الروايه الأخيره لأن سندها ثقات ولافيهم مدلس ولا وضاع ماعدا وحده.. تقوله ألأبله ..بنت الأيه وش شنطته ...
الأبله وقفي علا حيلك وبلاش كثرة كلااام..
الأبله.. بنت الأيه يابنت أبن ستين أيه طلعي الحقيبه>> مسكت معها فصحى
وبعد مافتشتها لقتها معلقتها في رقبتها ومخليتها تدودل على صدرها؟؟
ايش هذا تقوله الأبله!!؟؟
بنت الأيه..بوقاحه وقواة عين وش ضنك ياأبله تفاح مثلاً واللا برتقال
ورفضت تخلي الأبله تدخل يدها بصدرها عشان ماتلقا الشنطه ..
الأبله خلت الطالبات يمسكن بنت الأيه وطلٌعت الشنطه من صدرها ..
وتفاجأت الأبله.. واللا تدرون ماتفاجأت..
بس مديرة المدرسه كتبت تقرير سري للوزاره وش فيه ماندري..لالا ماندري..
تحيتي
كافخلها
