يا كيف ابلقى في ضياقك وساعه
السلام عليكم ورحمة الله وبركاته
أبيات بسيطهـ أتمنى أن تجد طريقا لذائقتكم
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يامن يواصلني وينوي القطاعه = وان جيت ابقطع بالمواصل نواني
تقطع دروبي في الهوى كل ساعه = وان جاد وصلك ماتعدى ثواني
ببحر على بعدك وبفرد شراعه = والقى هوى نفسي بعيد المواني
ياكيف ابلقى في ضياقك وساعه = لا صار طبعك في المحبه أناني
قلط على جرحي هواة الإشاعه = وارسل بصداتك كروت التهاني
إذبح خفوقي واستلذ بسماعه = يصرخ بجرحن مانطق به لساني
ببقى أنا صامل شديد المناعه = ولوّ الوجع يرجع من اول وثاني
اقطع وواصل مايهم القطاعه = أوصل وقاطع بعدك اليوم داني
لاعادها الله من محبة خضاعه = لاعادها الله من محبة هواني
بقفي ولا لك عاد سمعن وطاعه = بقفي ولا لك في حياتي مكاني[/poem]
