وين أنت ياللي غبت عن عيني وطولت الغياب
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارق اللي لاح قدم العين في عرض السحاب = انا أشهد أنه متعب الاقدام لاعنيتها
البارحه عديت أنا والهم في روس الهضاب= مع غفوة عيون الخلايق ليت ماعديتها
قام يحداني هاجسٍ ماكنت أنا أحسب له حساب = والضيقه اللي جاتني من خاطره غنيتها
وين أنت ياللي غبت عن عيني وطولت الغياب = ياللي تبى تكحل عيون الحب وأنت أعميتها
ياصاحبي وأن عودت مابه سؤال بلاجواب = والمسأله طالت قدم عينك ولاحليتها
وش فيك يابن الناس مدري كل مارسلك كتاب = قدام خلق الله قروه الا أنت مامريتها
هذا جزايه يوم أداريها وألبسها الثياب = من كثر حبك قدم كل الناس ماعريتها
أصوغها لجلك وألبسها عن الخلق الحجاب = والخلق تقرا مير ماتدري لمن سويتها
واليوم يومني ضميت أصبحت لي مثل السراب= نشفت ريقي وأرضك لياأقبلت لك خليتها
وأنا أتبعك من شان عينك كم تحملت العذاب = والدمعه اللي واضحه فالعين ماهليتها
من شان لك بالعين صوره مايغطيها الضباب= أخاف مع سيل الدموع تروح لادنيتها
وأكنّ دمع العين وأعذل على القلب المصاب = وأنته تشوف جروح قلبي مير ماداويتها[/poem]
رد: وين أنت ياللي غبت عن عيني وطولت الغياب
البارق اللي في دجى الليل وقاد
من قال أنه مالمع من نحرها
بيتك الاول ذكرني فالبيت هذا
صح لسانك
رد: وين أنت ياللي غبت عن عيني وطولت الغياب
صح لسانك وبيض الله وجهك
لاهنت
رد: وين أنت ياللي غبت عن عيني وطولت الغياب
[align=center] صح لسانك أخوي على الأبيات..[/align]
رد: وين أنت ياللي غبت عن عيني وطولت الغياب
يوسف الغنامي صح لسانك وبيض الله وجهك قصيدة جزلة من شاعر جزل تقبل مروري وفائق اعجابي بها...
رد: وين أنت ياللي غبت عن عيني وطولت الغياب
هذا جزايه يـوم أداريهـا وألبسهـا الثيـاب
من كثر حبك قـدم كـل النـاس ماعريتهـا
,
,
,
رااااائع يابوعبدالله
والف صح لسانك ولاهنت
