[img]http://daemalseef.********************************************/a1.jpg[/img]
يا أهل القرى ....
[poem=font="advertisingbold,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياسلام الله عليكم دار قومٍ مؤمنين= أسأل الله يغفر أعظم ذنبكم قبل أصغره
وأسأله يرضى ويترحّم عليكم أجمعين=وايتقبّل كل فرض وكل سعيٍ يشكره
إنتم ضيوفٍ سبقتونا وحنا لاحقين=والوعد في يوم فصلٍ كل أبونا يحذره
هاه يا أهل القرى من منكم أوتي باليمين= الكتاب.. ومن هو ........او بلاش اقول الميسره
الله الغافر ولو كنتوا جميعاً مذنبين= كل ذنبٍ دون شركٍ به بحولَه يغفره
جيت يا أهل القرى أسأل عن أموال وبنين=عن غدو وعن مراح وعن علوّ ومفخره
عن حصونٍ عاتيات شيّدت وقصور طين=عن أشاوس فرّت مْن الخوف منها قسوره
وينها مابينت فيكم أثر ياميتين =كل قبرٍ قد تساوى في عيوني منظره
وينهم الأسياد وين الطالعه والنازلين=وينهم اهل الجِمال ووين راعي المنجره
وين راعي البطش والطغيان والعزم المتين=وين هذاك الذليل ووين منهو يحقره
وينها حتى الإجابه.. عارفين.. وعاجزين= والعتب مرفوع ونتوا في وسيع المعذره
الوداع الله معاكم واذكروني بعد حين= يوم اجي منكم وفيكم وأم أبونا مقبره
ليه حتى بعد حينٍ ..والقدر ماله ضمين=ساعة لاحان طاريها تجيك محظرّه
آه يارحمن لطفك إجعل ختامي حَسِين=واجعل الغفران يفرض عـالخطايا سيطره
ربي لا تجعلني أرحل خاسراً صفر اليدين=وأهدني ذاك الصراط وخل كلي يعبره
إلا ياروحي.... أجي لك بالمنى وإلا تجين =أمنيه كانت على لوح المحال مسطرّه
ودي أعرف منهو اوّل واحدٍ يدني بعين= " ثم يقفي ولخبر موتي يجول وينشره"
ودي أعرف حالة اقرابٍ وناس مقربين=وحالة خصومٍ بقت بعد الخصام مقدّره
ودي ألحظ كل دمعه وأعرف الدمعه لمين= غير أمي دمعها.... ماودي ان طرفي يره
ودي أعرف كم طووني طيّة او طيّتين =وودي امسح كل كفٍ نال نعشي عنبره
ودي أعرف من حفر قبري ومنهم واقفين= خلف جثماني صفوفٍ للصلاه مكبره
وودي أعرف من بقوا يدعون لله لاجئين=لجل سئلٍ يسأله نكير ومنكر مانكره
وأعرف آخر من طلع مـ.المقبره حاله حزين= إيتثاقل بالمشي بتقول أحدٍ أجبره
ودي أدري عن عزايه من يقصّر من يعين=من تعنى من قريب ومن بعيد ليحضره
ودي الحظ في وجيه اخواني الوجه الرزين=والصبر طاغي عليها واليدين مشمّره
بعدها ودي اطفّي جمرتينٍ من حنين= وكسري اللي ماتجبر لو تيسر أجبره
ودي أقلط مجلس اللي فارقوني من سنين = ودي القى الطيب وسطه والدهن والمبخره
وأسمع الشيخ المهي مثل خبري به مكين=وامسك بعضدٍ خسرته قبل مرجع واخسره
بعدها بكون إذن مطيّن وآخر عجين=بهجر الدنيا واقص لآخرتنا تذكره
وماهو آخر عهد فيما بيننا يالطيبين= قدروا لي حالتي والقبر لحدٍ يهجره
ربي اجعل قبري الروضه ولايصبح كمين=وخلني بالرحمة الملقاه منك أعمره
ودي أبقى به عزيز وودي انه بي يزين=مثل مادنياي كانت في يدي مستعمره
مثل ماكنت البصير وكل من حولي عمين=ومثل ماكنت اسمع المظلوم وآشد إظهره
مثل ماكنت انتهي والناس باقي مبتدين=مثل ماكنت امتُر اللي شفت غيري يشبره
مثل ماكنت المرحب يوم قطاعٍ مشين= إبلغت الأرواح من فقره لحد الحنجره
والمهم اللي بقى ....هو العمل ياعاملين = مايساوي دون رحمة خالقي وزن إشعره
جيت اذكّر وآتذكر قبل مايندى الجبين= والتقط صورة بسيطه ياعساها معبره
خلك بوسطى... نصيحه لا تشد ولا تلين =خذ من ايامك دوا لا حان وقت الغرغره
الموت حق ودنيتك حقٍ ومابيني وبين= العدل..... بيتٍ حيف والله اني آجي واشطره
((للأخره عش كنك مودع جموع المصبحين=ودنياك عشها في دوامٍ كن مابه آخره))[/poem]
وبعد ... أتمنى أن تحوز على رضاكم
وعودة بعد غياب لم يشأ أن ينتهي لولا أنتم...
