المشاركة الأصلية كتبت بواسطة عبدالعزيز عبيد العدواني
يوم أمس هطلت أمطار على مدينتي حفر
الباطن وأثناء ذهابي للدوام وفي الفجر كتبت هذه القصيده حينما إنفتحت شهيتي
للشعر بأجواء ممطره ولم أستطع أن أخرج عن أجوائي المضطربه التي خرجت
لتخرجني قسرا عني من أجواء المطر وأتجه الشعر بطبيعته إلى ما يخالج الشعور
ليداعبه ويخرجه كما هو .
[poem=font=",6,darkblue,bold,italic" bkcolor="transparent" bkimage="http://www.g111g.com/vb/mwaextraedit2/backgrounds/13.gif" border="groove,4,darkred" type=1 line=0 align=center use=ex num="0,black""]
في جو ماطر شدني للكتابه = حاولت فيه ابعد عن الهم وارتاح
مع سحره اللي ما يعرف الكآبه = حتى بدا همي مع الجو ينزاح
واخذت ادور ما يثير الغرابه = فكره جديده فوقها النو ما طاح
وسألت قلبي والبلى بالإجابه = يوم انحصر ما بين ترويض وصياح
البوح حضر له وهو ما سعا به = والشعر يفضح من نقل هم وجراح
يا جو انا استأذنك جوي غدابه =طير(ن) على نزل المحبين سواح
غربال شوفه ما حسبت احتسابه = يا ما تبين وارتفع بعد ما لاح
كشر علي وقطع القلب نابه = في منزل(ن) ما يسكنه غير الاشباح
هذا الفراق وكل حي(ن) مشابه = ما به ونس عكر على كل الافراح
شربت منه وعلني من شرابه = والمشكله مره على الكبد ما راح
يا خاينه قلبك يزيده صلابه = يا صافحت يمنى المخاسير الارباح
كنك بقفر(ن) موحش(ن) وسط غابه = وبيديك درع وطاس وسيوف ورماح
ماهو هوى ماهو غلى لو سحابه = يملى السما يبقى مع الوقت فضاح
لا تحسبين الناس عندك تشابه = ماهم خرز مرتوب في سلك مسباح
عبدالعزيز اقولها لك واجابه = كان ان مثلي حب مثلك ولا ناح
على الشجر على الصفى لو حكابه = من يجهل فنون الهوى جد ومزاح
خنتي هوانا والخيانه ذرابه = عندك وعند اللي عن الصدق طماح
النجم يرقى للقمر في عتابه = والليل ديجوره تلاشى بالاصباح
والما تعوذ من سخافة سرابه = يا صادف الضميان مع كل مرواح
والعمر غالي والكرامه زهابه = والحب حسره واكثر الشوق ذباح
مليت من جو الشعر والكتابه = ما دامني بالجو ماني بمرتاح[/poem]
