مدخل :
[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
القمر والنجم واضواء الثريا = تستمد الضو من لمعة جبينك
ليه لا وانتي جمالك جا حميا = جنب الأغراب واستوطن عرينك
حاولو به يبعدونه بس عيا = يدري انه ما يعيش الا بعينك
قلتي اكتب فيني اجمل ما تهيا = قلت انا والشعر خاتم في يمينك
غربينا واظهري نورك شويا = يشرق اللولو بطلة ياسمينك
صورتك تبقى على ماهي هنيا = وسط قلب(ن) مايلين الا بحنينك
الخفاجي ما شكى من حب ريا = يوم طلت قال وش بيني وبينك
غير وطفا لو تجي ريا وميا = ما تعادلها وانا مثله سجينك
بس خوفي لا انتهي مني وفيا = دام قلبي طير وقع في يدينك
يا عذاب الروح يا زين المحيا = يا لمع برقك ومن لمعة جبينك[/poem]
[poem=font=",6,darkblue,bold,italic" bkcolor="transparent" bkimage="http://www.g111g.com/vb/mwaextraedit2/backgrounds/13.gif" border="groove,4,darkred" type=1 line=0 align=center use=ex num="0,black""]
حديت نفسي وانتحـت بـي رعودهـا = وعطيت لكن شفـت نقصـي بزودهـا
واخذت من صافي غثاهـا واصابنـي = من سبة اللـي بيحـت لـي سدودهـا
واقلبـي اللـي مـن عذابـه يكزنـي = كـز الحـراب ولايعتنـي عهـودهـا
الجادل اللـي تنثنـي يـوم اشوفهـا = راحت وقفـت مـن وراهـا عدودهـا
راحـت وراح القلـب معهـا وعلتـي = بيـن الخـدود وبيـن زمـة نهودهـا
عـدت علـي ايـام وايـام واسرفـت = فينـي وانـا ذودي تحمـل شدودهـا
ياعاذلـي لـو شفتهـا يـوم ودعـت = والله لتنكرهـا وتـكـره جحـودهـا
كالروح راحت والجسد لـو تطاولـت = جثـه وياكلهـا مـع الوقـت دودهـا
من مد يرجـي ويتحـرى مـع العطـا = وانـا عطيـت ولا اترجـى وعودهـا
وان عودت للوصف وصفي يخوننـي = لكـن بوصفهـا واقـلـب بنـودهـا
تلحظ بطرف(ن) ساهي(ن) وان تلفتت = روحي تراهـا مـن فدايـا وجودهـا
ريمية(ن) عنقـا دواهـا مـع الثغـر = لامـن تبسـم طبهـا مـن وقـودهـا
والعين عين اللـي تحـرص لصيدتـه = تشبه لحر(ن) مرتفـع عـن سنودهـا
والخشم مصقول(ن) من الهند مصنعـه = والوسط ظبي(ن) جافل(ن) من حشودها
والردف وابو الـردف لابـوه لنهصـر = تقعد وصايفهـا وصعـب(ن) قعودهـا
والا الشعر لامن تكسر علـى الظهـر = بعثـر توازنهـا وحـطـم جمـودهـا
غنـج ودلال وكـل مــن لايـودهـا = غيرة نسا والشمـس ياقـف عمودهـا
غريبت(ن) في حسنها تقطـع الحشـا = تنقـاد لكـن عذبـت مـن يقـودهـا
هذي وصايفها وانـا جاهـل(ن) بهـا = وشلون لا لامسـت خمـرة خدودهـا
حديت نفسـي واخلفتنـي وعارضـت = وعطيـت ماعينـت منهـا ردودهــا[/poem]
