نويت أصبر ولكن طحت أنا كلي
مساء الانوار
[frame="6 90"][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
توشحّت السواد بليلةٍ فارقت أنا خلّي=تقبّلت العزا في قلب من جرحه غدا مذبوح
صبرت ومانويت أخضع ولكن طحت أنا كلّي=صرخت الآآآآه ناديته بصوت من الألم مبحوح
حبيبي يابعد (طيف الوله) يا حب متعلّي=سكنت بداخل عروقي وقلبي بالهوا مفضوح
طلبتك ناظر دموعٍ بعيني قامت إتهلّي=تبي ترحل عن دروبي؟بدونك وين أنا بروح؟
عجزت أمشي عجزت أوقف عجزت أغادر إمحلّي=عجزت أمد أنا كفي عجزت أقول لك مسموح
خفوقي قام ينشدني عقب فرقاه أنا من لي؟=ألا ياكيف نبضاتي بغير إسمه تجي وتروح؟
وجرحي فيه جادلني يعاتبني ولا يملّي=يعاتبني وأنا عقبه جسد باقي بليّا روح
أنا يومي عشقته ما عشقته لعب وتسلّي=بنيت أحلام ورديه وأشيّد للأماني صروح
إلا من قال يا طيفي ألبّي له هلااا كلّي=ألبّي له هلااا آمر تدلل ياعديل الروح
وإلا منه زعل جيته أرحب فيه وأهلّي=ولافكرت في لحظه من الجارح !من المجروح؟
بعد هذا يبي يرحل يبي عن دنيتي يولّي؟=لك الله لو يفارقني أموت من الحزن والنوح
وقفّي ناوي إفراقي ويومه إلتفت قال: لي=تعالي وأسكني حضني تعالي ما قويت أروح
وجيته طفلةٍ تركض تسابق خطوتي ظلّي= و بأحضانه تعاهدنا وصرنا بالغرام نبوح [/poem][/frame]
الاخت طيف الوله - مشرفه المنتدى
الشاعره طيف ،،،،المميزه طيف ،،، المبدعه طيف ،،،، وكل المعاني ما توفي .
وجيته طفلـةٍ تركـض تسابـق خطوتـي ظلّـي
و بأحضانـه تعاهدنـا وصرنـا بالغـرام نبـوح
خاتمه رائعه لقصيده اروع ، وبدون مجامله قل ان نجد قلم ناعم يكتب بهذه الروعه والسلاسة .
اذا كان المنتدى يختزل الكثير من الجمال والروعه فانتي احد اعمدة الجمال الشعري بهذه المنتدى .
تقبلي تحياتي واعجابي بما كتبتي ، ونتمنى كل جديد بهذه الروعه .
تحياتي / عبدالرحمن
