[align=center]/
\
[align=left]المخرج : ....![/align]
لاتمد الشوف صدر الضيق ماهو مستتر
ــــــــــ ماكفاك إنك خذلته .. يوم بيدك / تكشفه
ياترى هو كلما طال العمر مال / الصبر
ــــــــــ وكلما مال الصبر / جانا الجراد / وأتلفه
من حنين وذكريات الأمس وأحلام الصِغر
ــــــــــ لين صمتي وإحتضار أشواق بك متلهفه
كم زرعتك حُب تثمر لي عناقيدك قهر !
ــــــــــ كني إللي يزرع إسهاده ، وبيده يقطفه !
كم تعكزني شحوب الدهر أعرج / مِنكسر
ــــــــــ كم شحذت الوقت يعطيني حلولٍ منصفه
مو حرام إنك تخلي حسرتي بأول سطر
ــــــــــ إنقضى عمري وانا أدور لوجهي أغلفه
قلت أصب النوم في عيني تغافلني سهر
ــــــــــ لوّن أشيائي .. وباتت هالحلوم إمطرّفه
طاحت متوني من متوني وصبري إنتثر
ــــــــــ فوق خد الريح وأسراب البلابل ترشفه
أعتلي مركاي وآخذ من على رفّي كدر
ــــــــــ وأقعد أتصفّح زمانٍ شآخ ، علّك تسعفه
في غيابك يستفز الطير أغصان الشجر
ــــــــــ وانت مامليت من وسّع الفضا والرفرفه
لاتخليني زجاجة غل في وسط / البحر !
ــــــــــ لاتبيع إللي شرى ودك برخّص التكلفه .!
مو مصيبه : لو أدور للعمر بعدك عُمر !
ــــــــــ المصيبه لو مضى عمري وبيدك تنسفه
شاعرك ماكنه إلآ عاش للضيقه / صدر
ــــــــــ فك أزاريره .. وطيّر لك حمامة أفئفه !
عاشقك شافك بعينه موطنه بالمخـ. تصر
ــــــــــ وإن بقى به مُخ تصرّ إنك تغيب وتجرفه
( أعطني حريتي أطلق يديّا بـ أنتشر )
ــــــــــ ليش يومن قال لك أطلق يديّا / إتكتفه !
كنت له شمسٍ يداعب ضيها خد البحر !
ــــــــــ كنت له غيمة وفا صادق ، تبلل معطفه
كنت له أقرب لنفسه من ملايين البشر !
ــــــــــ كل همه لاظلمّه الدهر .. قُربك ينصفه ؟
عالاقل حس بحنينه ياخي الهجران مُر
ــــــــــ ولّع البهجه طفى قنديل أيآمه ( شفه )
القهر : ماهو الا منك هجرته .. القهر
ــــــــــ لالقاك وقال يامحلى الصدف / ماتعرفه !
[align=right]المدخل : .....! [/align]
.... / نَ
[/align]
