المشاركة الأصلية كتبت بواسطة محمد السريّع
[poem=font="traditional arabic,7,white,bold,italic" bkcolor="black" bkimage="" border="none,4,gray" type=2 line=0 align=center use=ex num="0,black"]
جلست اناظر بالمحيطات غرب وشـرق=مليت من منظر ضواحـي نهـر دجلـه
سلبٍ ونهبٍ وانفجـار ودمـار وحـرق=ومجازرٍ مـن يرتكبهـا ومـن لجلـه
ذراعٍ لهتك العرض واخرى لفعل السرق=وشعـبً يعـذّب والجميـع يتفرجـلـه
انا ياوجودي كل ماسمع هديـل الـورق=وجود الغريب اللي عـدوّه ذبـح نجلـه
يوم اتذكر مجد الامه واشـوف الفـرق=الـد النظـر واقـاوم العبـرة العجلـه
مواكرحرار حل فيهـا الدجـاج البـرق=وعرين الاسود مريّحٍ بـه ولـد حجلـه
وعدواً غزانـا بالجهَـر ماغزانـا درق=دنّس معالـم مجدنـا فـي قـدم رجلـه
مضارب عدانا في جبين العروبـه زرق=وحنا نغض الطـرف واعيوننـا خجلـه
بقينا شطارتنـا علـى بعضنـا بالقـرق=الاول يصرّح به والاخـر يـروج لـه
وياالله بنوٍ به يسـوق الرعـد والبـرق=سـودً قنوفـه والربـاب يتزعّـج لـه
لامن وطأ العوجا تذعذع هبوب الشـرق=يرخي سدولـه والنسايـم تسـارج لـه
لعله يحرّك بين ذيك الـدوارس عـرق=نبات السعد من بين الاجداث يخرج لـه
وتطيب القلوب اللي حرقها زعلها حرق=يرجع لنا شعب العـراق ونهـر دجلـه[/poem]
