مساكم الله بالخير
واعتذر عن انقطاعي
وهذه مصافحه مني لكم
اذكروا الله
وصلوا على محمد
والعنوا بليس
بسم الله الرحمن الرحيم
السلام عليكم ورحمة الله وبركاته
[poem=font="simplified Arabic,5,black,bold,normal" Bkcolor="transparent" Bkimage="" Border="outset,10,white" Type=0 Line=0 Align=center Use=ex Num="0,black"]
ياجابر محمد سلامات يامير=شهرين اجر الصوت بأسمك وانادي
محدٍ طرالي ياحفيد المناعير=مثلك مثل شرواك يسمع مفادي
من تجربة واقع حياة المشاهير=ومزاحم الشعّار وأهل الرشادي
في ذا الزمن ان لم تكن سالم الزير=لعبو بك الخبلان في كل وادي
وتصير سلعه تُنشرى بالدنانير=ويضيع حقك بين ملفي وغادي
لكن اذا وقفت وقفة اساطير=سقها ولا تخشى الردي والمعادي
سقها وعند الله كل التدابير=سقها ووكلها اله العبادي
ولساني اللي حد سيف وسواطير=ماخوّفه ضرب الفشق والهنادي
ارهابي الساحه حظر ياجماهير=صيحوا وانا باصير ماني بعادي
اسكر على صوت السيوف البواتير=وافقد لمنّه اعتزابي عبادي
احس في راسي عبيد ومزامير=واصوات لتلفاز وأهل الراودي
بتقول وسط الراس خمسين شرير=وتقلع معي لاعشت جوّ انفرادي
وادون اللي داخلي دون تقصير=لابوك ياذا الخوف جاني عنادي
ياذا الزمان اللي همومك مناشير=نحرتنا نحر البدو للمبادي
يسقى زمان مفرقين الطوابير=في عهد ابن حثلين ولا المهادي
لو كان عهدٍ فيه غزوه وتدمير=والسيف والبندق وخيل الطرادي
مير القلوب نظاف ماهي مغابير=والسلم عايش والشّيم والقوادي
ولا الزمن ذا ياعرب ماهو بخير=ولا تكثرون من الحكي والدوادي
واكبر دليل أوثقه بالتعابير=انك بوادي وابن عمك بوادي
ولا الخوي بيقول لك طير ياطير=خوة فلس ماهي بخوة سنادي
وتكرم بعض صدقان وقت المعاسير=اللي معي وقت الرخى والهجادي
ومد النظر من دون حاجز وتأثير=وهد الفكر خله يجول البلادي
في حزةٍ تلقى بها شبه تحرير=ومابه كلبشه بين كف وزنادي
القدس بيدين الكلاب الخنازير=وبغداد راحت في يدين الأعادي
ثنتين مملوكات للبوش وبلير=وحنا نطارد راقصات النوادي
وعروقنا فيها من الذل تخدير=وهمومنا نعرف عُريب وهنادي
وغزواتنا من غير قاصر وتحقير=مابين بقّاله وسوق ومنادي
وشعب السعوديه كلوه الهوامير=وين الحكومه تستمع لنتقادي
هذي مجرد شبه نبذه وتقرير=تقرير شاعر حاز رتبة قيادي
ولا الشعر وأهل الشعر والشواعير=بسم الله أكبر عند هبد الرمادي
مادامني واقف وعايش وباسير=ومستمتع بشربي ولذّات زادي
والله لحاربهم من عصير لعصير=واموت ماتنكس بيارق حدادي
ووالله لناشبهم على جغمة البير=اما بها ولا بقطع الأيادي
وان ضاع حق القدس وعيال كشمير=ماضاع حقي في عيون الجرادي[/poem]
وسلامتكم
سالم اليامي
