مساء الخيرـ كل عام وانتم بخير
[poem=font="simplified Arabic,4,black,bold,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
في عمري الحالي وفي عمري قبل سن الفطام = مالوم من حالت صروف الوقت دونه لويبي
ياصل خويه بعد غيبة وقت تايه فالزحام = ولا القطاعه والكبر ماهوب طبع اليعربي
والعذر مادورت عذر الصاحب اللي مايلام = على غيابه في متاهات الزمان الأشهبي
ياسامي الدنيا كذا يوم ن صحو يوم عسام = يبيّن المعدن زمان فيه ذيب يقنبي
واللي تراخا للذيابه راحت عظامه حطام = واصبح بعد ماكان ذيب مع الذيابه ثعلبي
واللي قنب معها وجاوبها هذا الرجل الهمام= ياقف مثل وقفة جمل ويشيل حمل مرعبي
ماخاف غير الله وحده لايضيم ولا يظام = هو كافل ارزاق البشر بالمشرق او فا لمغربي
ادع وتراك اقرب إلى مولاك في شهر الصيام = والله كريم بتالي الليل لسمانا يقربي
ويجيب دعوة من دعاه وبعض خلق الله نيام = هذا الاكيد اللي ورد معناه في قول النبي
وافضل صلوات وسلام الله على خير الأنام= محمد الهادي النذير الهاشمي اليعربي [/poem]
تحياتي .
