عندي كلام ولا نبا الناس توحيه
السلام عليكم
ابيات لتوااااصل ,,, ارجو تمريرها
[poem=font="simplified Arabic,4,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
عندي كلام ولا نبا الناس توحيه=بيني وبينك خلها سر في بير
طرق الغزل لي وقت معرض وناسيه=من غير ليه وكيف من غير تفسير
ما عاد وسط القلب خل ن يعنيه=ولا عاد لي فالحب غير المخاسير
الهم والغربال والحزن نجنيه=ولشوق والمرقاب والطير تحذير
حالي طواه الياس والغم يطويه=اجلس مع الجلاس من دون تفكير
واضحك واجامل والحزن مولع ن فيه=وليا نشدني واحد ن قلت انا بخير
والحال من عقبه تزايد بلاويه=خلن ذبحني فالهوا دون تبرير
ما يرحم الي بالمشاعر يناجيه=يوم ن معي صافي ويومين تعكير
وانا على الهقوات قلبي مضريه=ان شفت زوله شفت فالجسم تأثير
وليا ابتعد عني خذتني مشاريه=وليا حظر يقطع لساني مناشير
وصد عيني عنه ما كني اوحيه=غرون عليه الحسن والزين تصوير
ابو ثمان ن ون تكلم تحليه=العيد في شوفه وفرقاه تعزير
كني قريص الداب لوحيت طاريه=سمه مع الشريان للقلب تخدير
بنج الغرام الي من العام مخفيه=وختامها بعطيك مؤجز وتقرير
فتحت لك باب ن زمانين ناسيه=ودقيت في قلب المطوع مسامير[/poem]
