جــديدي اتمنى ان تنـــال الرضاء .
وترضي ذائقتـــكم .
[poem=font="simplified Arabic,4,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
الحقيقــه غير والواقــع خيال = والهقاوي ماتّبل عروقها
والاماني ماتبــا تمشي عــدال = تحتها زندي وباسي فوقها
سانحــه (والفال قافيه العقال) = كّنها ليلــى وأنا معشوقها
لكــن الاحلام وإنجــاز المحال = مامشى من جـــور وقتي سوقها
من ثلاث سنيــن ماجالي مجال = شايل جروحي وأخيط فتوقها
ثانيّن ساقي موجّها شمال = ومع يميــن الدرب كيف آسوقها
الفكر مشغول طاويــه الحيّال = لابـــدت لي مابــداء منطوقها
أرخّي حبالي ليــا شدّ الحبال = وأسبر الغيمــه وأخيّل بروقها
والهنوف الي بقلبي ماتـــزال = بيّن(ن )في ضلع جمبي عوقها
الستر ضافي عليها والجلال = ولّنتخــت راكّز عليــها طوقهــــا
عيطموس(ن) تسلب عقول الرجال = شوق منــهو طامح(ن )في شوقها
مانباها غـــير ياتركي حلال= لو تصافحني ..هـذا من ذوقها[/poem]
