الابيات المشاركه في المرحله الاولى..مسابقه صوره في عين شاعر
السلام عليكم رحمه الله وبركاته
اليوم سنستعرض الابيات المشاركه في المرحله الاولى..من مسابقه صوره في ع
عين شاعر..
طبعا الابيات راح تكون مرقمه بدون اسماء الشعراء..
ومحد يعرف صاحب الابيات الا سما الدوحه والشاعر نفسه..
اتنمى محد يذكر اي من الابيات خاصه فيه..
اليكم الصوره والابيات
http://sfsaleh.com/9war/uploads/c3bf32fd63.jpg
الشاعر(1)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقود الهوى خطوات رجلي لمربى الشوق=بقايا المكان اللي حضن عاطر الذكرى
هذا بابه الشامخ وذا عمري المسروق=تحت كومة احجار ٍ نواها الزمن وازرا
اجي له وقلبي من عنا عالمه مخنوق=مسافر عمر تعبان من وحشة المسرى
اجي وانثر احزاني على هالحجر واروق=واعوّد وانا اردّد ياليت الزمن يشرى[/poem]
الشاعر (2)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا ياعين بللتي إزاري = تعدى الخد من محجرك جاري
بدمع يوم فاض الكل شافه = وش استر ويش اخفي ويش اداري
درى ربي بما تخفيه نفسي = وفيض العين عنه الكل داري
بعد مريت منزلهم وشفته = من الاقراب والأصحاب عاري
وانا عهدي به يكرم ضيوفه = وصاريكرم اليوم الذواري[/poem]
الشاعر (3)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا يالمنزل اللي مابقى به غير باب السور = سلام الله على طوبك سلام الله على بابك
وانا مالي لزوم (ااااقف) واجي للموقع المهجور = وهي صعبه ولكن هانت الدعوى على حسابك
ابهرج (حسٌب) منظوري وكل انسان له منظور = ترى وضعك من الفرقى بعد ماماتوا اصحابك
فالاول كنت مزبن للرجال اللي (تحكم) الشور = شف نهاية صمودك في زمانك ويش سوابك
بعد (هذي) وداعيه وداعيه وانا (معذور) = سبب خوفي على نفسي من جنونك ومن دابك[/poem]
الشاعر(4)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقصر قلي ليه وش بك تهاوى=ومنولن شامخ وصيتك مدوّي
عزاه لك بيبان سورك تجاوى=من عقب ماكانت مزارن يضوّي
هل المبادي والتقى والمخاوى=اللي مخاواهم عليه التخوّي
عزاه لك لاجيت كنك تشاوى=جاتك معاول هدم من فكر سوّي
من نفث علماني الى بوس واوا=تبا تهاوى فالزمان المهوّي[/poem]
الشاعر(5)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سقالله يازمن من وين ذاك المنزل المهجور=بعد ماكان منزل عامراً بأهله واحبابه
تهدم مابقى منّه سوى باب وبقايا سور=ولكن مع مرور الوقت باقي شامخٍ بابه
يسولف للزمن عن ماضي الذكرى وموت النور =وكنّ الشمس من خلفه تزول وتعلن غيابه
بقى خالي بعد ماكان بأهله شامخ ومعمور=ومن جرد السنين أصبح رفات وغادر أصحابه[/poem]
الشاعر(6)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان روٌحت وان جات عز وسلامات=مايفرح الوقت الردي بأنكساري
ضاقت بي البارح وضجت ملامات=ثم قلت اعنزها على اطلال داري
لو مات حس البيت راعيه مامات=يبقى لفعله فوق طينه مواري
ورَثني العز-الكرم والمروات=يصبح علي الصبح ماطفيت ناري
أطلال بيته تمتليني بالآهات=ويجيبني طاريه واجيه ساري[/poem]
الشاعر(7)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا بـاب / أنا أذكر من قبل عدة سنين=خلفك / جلس عمي و جدّي و خالي
دارن(ن) على العزه ولوّ ساسه الطين=أسنين مرت في زماني ليالي
يا بـاب / قلّي ليش باقي لهاالحين=وراك ما ترحل وأببقى لحالي
كل ما نظرتك / سال دمعي من العين=ذكرت دار(ن) ما بقى منه غالي[/poem]
الشاعر(8)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صورة قديمه مثير حيل ياخوان=فيها بقايا بيت نجهل مكانه
تشرح لنا ماضي مع الناس قد كان=فيها الشموخ وعز ناسن تكانه
واليوم ماباقي لهم غير الاحسان=والدعوه اللي من صميم وامانه
والعاقل اللي يفتهم كان من كان=يعرف مصير الحي يفقد زمانه[/poem]
ملاحظات هامه..
*تم إدراج ابيات 8 مشاركين من أصل 9 لعدم ارسال الشاعر الاخير ابياته..
* سيتم إغلاق التصويت وعرض النتائج بالاضافه الى تحكيم اللجنه بعد 4 أيام..
*الرجاء عدم ذكر رقم الابيات اللي رشحتها..
*حقوق نشر الصور اللي فالمسابقه محفوظ لسما الدوحه..
اتمنى ان ما قدمناه حاز على رضاكم..
وباب الاقتراحات والانتقادات مفتوح دوما
تمنياتي للجميع بالتوفيق
سما
