جريش جدتي وجدتك بالدجاج {بالخطوات المصوره}
الطريقه سهله ومظبوطه ميه بالميه حتى اللي ماعمرها سوته
بتظبطه ان شاء الله لان مقاديري حتى بالمويه
وغير كذا مايبي منك اكثر من ساعتين ويطلع ولا احلى
المهم نبدا الشغل
اول شي من الليل اغسلي كاسين جريش غسله وحده بس عشان
مايروح النشا اللي فيه ونقعيه بكاس مويه حاره
وكاسين حليب لوحصل طازج افضل وملعقتين سمن
المراعي افضل شي نكهته حلوه
وهذا شكله
http://www3.0zz0.com/2008/03/01/17/151435665.jpg
وبعد ماتصحين شبي عليه وحطي له ملعقتين صغارملح
وملعقه ماجي ابيض وملعقه كمون
وبعد الغليان صبي عليه كاسين لبن وممكن اكثر على راحتك
وحركيه في اتجاه واحد ترى اذا غيرتي الاتجاه يخرب عليك
مايصير متماسك وخليه يطبخ شوي وانتبهي له لايحترق
واذا تشرب بسرعه وحسيتي انه يبغى مويه زيديه شوي
مويه اولبن واذا وصل لهاشكل قصري له مرررره
http://www3.0zz0.com/2008/03/01/18/296749560.jpg
وخليه نص ساعه بعدين ضيفي له دجاج منتف او لحم
وحركيه بنفس الاتجاه وخليه ساعه بس طلي عليه كل شوي
http://www3.0zz0.com/2008/03/01/18/912682392.jpg
وبعد ساعه ونص من الطبخ حطي عليه ربع اصبع زبده ورشة مسمنه
وعلوب حبحر وخليه نص ساعه اخيره
http://www3.0zz0.com/2008/03/01/18/235819911.jpg
وبعد النص ساعه طلعي الحبحر وحركيه بقوه بنفس الاتجاه
وبامكانك تقديمه بهالشكل
http://www3.0zz0.com/2008/03/01/18/714064684.jpg
والكشنه هذي عباره عن بصل مكشن وتبلته بهيل
وليمون اسود ومسمنه اهم شي
ولازم مع الرز
http://www3.0zz0.com/2008/03/01/18/909994516.jpg
وعليكم بالف صحه وعافيه
والقادم احلى واحلى باذن الله :مزون:
