[ السعوديون والليموزينـات ]

[ السعوديين والليموزينـات ]

يمكن يعتقد البعض في مجتمعنا السعودي بالاخص
أن سواقه الليموزين والتوصيل من إختصاص الأجانب..
و [ عيب ] إن السعودي يسوق الليموزين ويوصل العالم..
بحجة إن السعوديين أرفع من أنهم يكونون [ سائقي ليموزين ]..

التوصيل وظيفه شريفه ومافيها أي مساس بالعفاف
ومافي فرق إذا كان اللي يسوق سعودي أو اجنبي..

إذا كان حنا بـ [ يوم ] أرفع مستوى من الاجانب ماديا..
راح يكونون هم أرفع منا [ سنين ] بكفاحهم وإصرارهم..

من ناحية ثانيه..

قبل فترة بسيطة كنت طالعة من السوق وبركب سيارة أبوي
لفت انتباهي سيارة ليموزين يسوقها [ سعودي ] هيئته محترمه..!!
كانت بتركبها بنتين ومعهم ولد.. لما فتحوا الباب
انتبهوا انه سعودي !!
وقالت وحده منهم: وييييه هذا سعودي ماراح أركب معه
أخاف على نفسي يختي منهم.. تعالي بس لليموزين الثاني..!

كل هالكلام .. والرجال يسمع كل حرف !!!!
وبكل أسف.. احنى راسه للأرض والحزن كان واضح عليه..

وش اللي [ تخافين على نفسك منهم ]...!!!
أبفهم وش الفرق بين السعودي ولا الهندي أو الباكستاني
كلهم جنس واحد..
يعني بتأمنين نفسك مع الهندي الغريب
أكثر من ولد ديرتك اللي فطرته من فطرته..؟!!
دنيا عجيبه غريبه!! .. والمشكله ان معهم ولد بعد..!

الحين هذولي شبابنا المفروض نوقف بصفهم ونساعدهم
مو نكرههم بالشغله لما يحسون انها " عار " عليهم..!


..//.. أسئلـــه ..//..

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
3-وش رأيك بالموقف اللي صار فوق وهل انت معهم أو ضدهم باللي سووهـ..؟!
4- كلمة تقولها بمناسبة هالموضوع..؟!

م ن ق و ل

[align=center]شاكر لكي أختي على انقل

البناء الصريح الغيور

عن فئه ليست غريبه علينا ويهمنا مصلحتهم
------------------------------------------
الاجابات /

--- أنا مع السائق السعودي ن لاني أعطيه دفعه معنويه ، على قولت المثــــل

(سمنناء في دقيقناء)

---لن أدع أهلي يذهبون بدون محرم في كلتا الحالتين ، كما اني أطمان لسائق السعودي0

---موقف بدرجه الاولى يعتبر تحطيم ، كما يحمل في أطاره قلت الوعي و الخـــــوف من التجربه0

-----------------------------------------------
الكـلــــــــمه

أنه يجب اعطاء الفرصه لسعوديين في هذا المجال، لزيادة الثقه و الخبره و الدفعه المعنويه، كما انهم تربو معنا على كرامة الاخلاق وأصول التربيه الاسلاميه
وكل واحد منا يراعي الله ، وأرجو بأن لأ تاخذ الناس ألاقاويل وألاشاعات0 الهدامه
التي تستهدف أمانة السعوديين ونزاهتهم0
-----------------------------------------
تحـــــــــــياتي

لك

كوني بخير[/align]

بصراااحه ملينااااا من الاجاااااانـــب

الى متى وشبابناا متكبرين..انا لو اقوول لو نرجع على حالنا اووول ماسايق تكاسي غير الشيووخ يمكن الشباب ماحد بلاقي وظيفه بعد لكن غرهم المااااال

وصاروا يستأمنون حريمهم وبناتهم ومالهم على العمااله الاجنبيه..


البيت.لازم له شغااله...والسياره لازملها سوااااق كلهم اجانب
.
عيالنا تربيهم شغالات واللي يوديهم المدارس سواقين اجانب..!!!!

وين فضل الام وين فضل الاب؟؟؟؟

انا خانني التعبير في هالموضوع بكل صرااحه..ماعرفت اوصل فكرتي


غير اللي شافوا صاحب التاكسي سعوودي..!!!

يعني تستأمنين الاجنبي اكثر من السعوودي؟؟؟؟؟

ماا ادري وش اقوول انقهرت وارتفع ضغطي وانحرق رزي هههههههه


مشكوره


تحيتي

[align=center][align=center]الليموزين:

جيتي والله جابك.... هذا الموضوع من مبطي وانا اهوجس فيه وجاي والله على بالي













//
1-بصراحة.. هل انت "مـع" أم "ضـد" سائقي الليموزين السعوديين؟وليه..؟!
//

لا معها أكيد .. و عمر الشغل " الشريف " ما كان عيب .. بالعكس هالمهنة بالذات تعلم الإنسان الصبر
و أشوفها رائجة و بقوووة بين الشباب كمهنة اضافية

أنا كان أول شي يلفت انتباهي في شبابنا، إنههم تنبل ويبون الراتب يوصل لهم إلين بيوتهم...
//
لكن يوم بدوا يشتغلون في كل شي ومن ضمنها سواقة الليموزينات بصراحة استانست وحسيت إنهم بدوا يفوقون ويعرفون وين مصلحتهم ومصلحة بلدهم...
//




على فكرة أنا سعودية وماعندي سواق وأعاني مع السيارات وأتمنى ألاقي من أبناء بلدي اللي يشتغلون كويس ويحطون في راسهم الشغل وبس لأن بصراحة للحين فيهم ناس يستغلون سواقة الليموزينات لمغازل البنات...
//
يعني لسه يبيلهم شوي..
//








2-بتئتمن نفسك وشرفك وعرضك مع السعودي ولد ديرتك ولا معالأجنبي الغريب..؟!


//
أكيد مع السعودي، أجل مع البنغالية المجرمين.. حسبي الله عليهن ونعم الوكيل والله يزولهن...
هم وكل الأجانب اللي في الديرة...
//




3-وش رأيك بالموقف اللي صار فوق وهل انت معهم أو ضدهم باللي سووهـ..؟!
//
أكيد ضد هالكلام كله... واحب اركب مع السعودي اسمي مأمنة على نفسي أحسن من البنغالي اللي يتصلون عليه ربعه ويرطن وتحسين إنه يخطط لشي إجرامي...
//





4-كلمة تقولها بمناسبة هالموضوع..؟!
//
الموضوع ممتاز وحساس جدا ولازم ينوخذ بعين الإعتبار ويفكرون ربعنا فيه عدل مدل...
//
//
//



مممممممممممممممم










شوفي الاميره خلينا نكون اكثر واقعيه وصريحين ؟
















انا

انا مع سواقة الليموزين للسعوديين بس هااااااااااااااااااه ؟؟

(للي يترزق الله)لأن فيه بعضهم يستخدمونها لأغراض اخرى اتوقع الكل يفهمها

وفيه ناس يا الاميره يتمنى هاالشغله على شان الشي هذا
وهو استغلاله في التعرف وانتي ماشيه

وانا اتكلم عن السعوديين والاجناس الثانيه

بس بيني وبينك اغلب السعوديين ألاحظهم يستغلون هذي الوظيفه في غرض الحرااااااااااااااااااااا اام

انا ماقول اني معك ولا اعارضك في هذا الشي (وجهة نظري) بس زي ماقلت لك

وباالنسبه للي صار للعائله يوم شافوا انه سعودي المفروض انهم بنكتمون وينطمون

ويسكرون الباب (ويمكن قد صار لهم موقف مع سعودي)

على العموم هم حرين بس ردة فعلهم قبيحه ولو انه انا (قلت لهم ابرك ساعه وجعلكم تصدمون) ههههه

لا

الله يستر عليهم









وكلمه ثانيه اقولها في هذا لموضوع لك يابعدي

(تفكيرك في الموضوع من ذهب)


[/align][/align]

[align=center][align=center]يمكن طولتها بس ودي اقول سالفة صارت معي شخصيا ووالله بغى يغشى علي من الخوف


مره ركبت مع سواق بنغالي " كلب " معذره بس قليله بحقه هذي الكلمه


كنت رايحه لـ طريق الخالديه يبعد عن منطقتي ربع ساعه بس



او ثلث

المهم


رحت وبالرجعه تأخرت وكنت اقوله عجل لان ماقدر اتأخر عن البيت اكثر من كذا


وهو يمشي ولاهمه يقول بروح اجيب ناس من منطقه ابعد

وطريق بيتي كان اقرب من مشواره

قلت له يا , طاهر لف ,. على جهة بيتنا وعدى الملف ومشى بي بعيد
انا حسيت بأن انفاسي ضاقت لاني بديت اخاف

وجوالي بطاريته على وشك ان تطفي

المهم شوي الا واحس بأني انتهيت من دنيتي

ركب معه بنغالي زيه الحقيررررر



انا خفت ودي انزل ماني قادره اتحرك وابي ادق ماعرفت اتصرف

دقيت على اخوي يوم رد قفلت بوجهه وكتبت مسج له ان

انا لحالي مع سواقين ومودين طريق بعيد عن مساري
وانا في المكان الفلاني .... ...

وماقدر اتكلم ياخووووووي البطاريه بتطفي تكفى تعال

اخاف اطيح


جد خفت اطيح : لاني وحده معي القلب ومعي ضيقة انفاس :

فأعرف نفسي ماتحمل الخوف

بس ربي قواني ولا صار ماتوقعته كنت اتوقع اني بغفى غصب عني ولا ادري وين بروح

وقفت السياره عند اشاره واخوي يدق وطفت البطاريه


مدري كيف جا والله مدري

انا غبيه مافكرت انزل يم الاشاره

بس ربي رحمني ولاصار لي شي ولا ضروني

رحمني بجية اخوي

اللي يوم شفته توني عرفت افكر ونزلت بسرعه من السياره

واخووووووووووي كسر سيارت الهندي وفقع راسه وووووو


ومشكله كبيره صارت هذاك اليوم

ماكذب عليكم السالفه لاالحين تأثر في نفسي

رغم ماصارلي شي ولله الحمد

الا ان السالفه انحكت لناس كثيرررررررررررررره


تقريبا هذا كل شي بأختصار


بالاخير


" الشرطه ... !


تتوقعون شقالوا !



مافيه اي دليل !

ذنبكم تركتو بنتكم دون محرم


واجرائات بسيطه


واخوي توقف يومين وطلعه عمي



’ تبت ماعاد اطلع مع اي حد ,[/align][/align]

الله يشفيك اختي..والمفروض ماتطلعين لحاالك والله

واخوك انا اشهد انه كفوووالله..الله يخليه لك يارب ولايحرمك منه


<<متأثر من القصه


تحيتي

الله مير يسلمك يالنشمي



ماعليك زود والله بس احسه خطر احيانا << مايمشي الا وتحت سيته عجره :مزون:


اخوي تركي

:: الله لايصيبك واحبابك اي مكروووووووهـ ::

ماتلقاها بأحبابك انشاءالله :smile:


احترامي لك :)

لا تتطلعون مع بنقالي ولا أجنبي

السعودين أرحم

بإختصار ..

ما وصلنا لمرحله أن شبابنا يكونون سواقين ليموزينات ..
حرام طالب جامعي قعد 4 سنين في الجامعه بتخصص تاريخ أو جغرافيا
ويكد بسيارة أجره والأجانب مسيطرين على الوظائف ..
من المسئول عن هذا ..
وزارة العمل أم الحكومة الرشيده

مساء الخير. أنا بصراحة ماأركب الليموزين بس لو اركبه أكييييييييييييييييييييد
سعودي .

والله افضل التاكسي السعودي اكثر من الاجنبي


,,

والله وبكل امانه هناك بعض السواقين يعم على اخوانه البقيه

هناك سواقين غير محترمين وانا اعرفهم وهم بنفسهم يقولون انهم يحصلون بنات من هالشغله يعني نيتهم باطله وفي نفس الوقت يجدون من تتمايل معهم وتوافقهم على اعمالهم
وهناك عكس كل ماقلته محترمين لدرجه كبير
ولكن انا افضل لك من يجبرها الوقت ان تركب مع سائق تكسي ان تركب مع الرجل الكبير في السن فهم أمن من غيرهم سواء اجنبي او سعودي

[align=center]
الأميرة الجميلة
ـــــــــــــــــــــــــ ــــــ
[align=justify]قيادة الليموزين ليست عيب ولا فيه قلّة مكانة, فـ أنا أعرف شخصياً رجل كبير كان في بداية شبابه يوصل المسافرين - أيام وقت الرخاء - وكانت حالته وحالة أهله ميسورة جداً, ولكنه يحب السفر وقيادة السيارة .. ومع مرور الأيام والسنوات أصبح هذا رجل أعمال وصاحب شركة ( ليموزينات ) أمّا من يضحك عليه في السابق الآن يتسلفون منه الريالات .. هذه صورة فقط من صور !![/align]

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
[align=justify]- أنا مع قيادة السعودي لـ الليموزين - لمن يرغب بها- ولست ضد وجود الأجنبي, لأنها وظيفة ومصدر رزق حلال .[/align]

2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
[align=justify]- بصراحة بعض الشباب السعوديين للأسف - يستغلّ - قيادة الليموزين بـ التعرف على الفتيات وربما يغدر بهم , ولا أستثني من ذلك الأجنبي , ولكن ربما النساء يردنَ الأجنبي حتى لا يفهم كلامهم .. والحمدلله نحن نمنع الأهل من الركوب مع الليموزين ( مع السعودي والأجنبي ) ![/align]

3-وش رأيك بالموقف اللي صار فوق وهل انت معهم أو ضدهم باللي سووهـ..؟!
[align=justify]- موقف سمعناه تكراراً , وهناك موقف آخر .. 3 نساء ركبوا مع سائق ليموزين سعودي , وبدأوا في الدردشة وتحيليل السوق ( المول ) كـ العادة وعندما وصلوا للمكان المقصود لهم .. تفاجئوا بأنه سعود وصرخت وحدة وقالت ( يووه سعودي ) .. وربما عزوف بعض الفتيات عن الركوب مع السعودي هو ( أنه يفهم سوالفهم ) . [/align]

4- كلمة تقولها بمناسبة هالموضوع..؟!- الله يرزق من يريد الرزق الحلال , ويستر من يريد الستر!

شكراً لكِ
ـــــــــــــــــــــــــ ــــــ
أخوكـ/خالد
[/align]

.. الليموزين مصدر رزق وما في فرق بين سعودي وأجنبي ...

المحترم محترم في أي مكان .. والبنت اكيد لها دور في فرض احترامها ...

ولكن يمكن اتطمن للسعودي اكثر ...

بالنسبه لي عمري ما ركبت ليموزين ويارب ما اضطر اركبه في يوم ..

الله يرزق الجميع يارب ...

الله يعطيك الف عافيه ع الموضوع

الشكر لكل من شارك
وجزاكم الله كل خير

السلام عليكم ورحمة الله وبركاته

انا واعوذ بالله من كلمة انا ما احب اليموزين ولا التاكسي ولو امشي على رجليني
والله لا يحوجني لها ولا يحوج مسلمه لانهم يخوفون ولا يؤتمنون اطلاقا السعودي والا جنبي

انا مع ناصر الراشد

ان كان ولا بد
فادور واحد طاااااااااااااااااااااااا اااااااااااااااااااااعن في السن يمكن يكون عنده رحمه
والا الباقي الله اللي يعلم نواياهم

امم بصراحه موضوع حلو ...

بس انا في النص بين مؤيده ومعارضه ... بتحفظ ...

صارلي موقف .. مره انا وختي رايحين السوق ركبنا مع واحد سعودي كل ماقلنا له يمين يقول لايسار ويضحك روعنا والله وقلنا له خلاص كافي وقف يقول لا كافي ولا شاي ...يووه عقبها تووبه من التكاسي

من راي الشغل مافيه عيب

..//.. أسئلـــه ..//..

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
3-وش رأيك بالموقف اللي صار فوق وهل انت معهم أو ضدهم باللي سووهـ..؟!
4- كلمة تقولها بمناسبة هالموضوع..؟!

م ن ق و ل

[/color][/QUOTE]

اختي الاميرة الجميله الحديث في هذا الموضوع طويل وانا ارغب الدخول بدون مقدمات وبكل اختصار
ج1: نعم انا مع ان ايكون سائق الموزين والشاحنه سعودي لعدة اسباب (1) عملية قيادة الاجنبي للموزين او الشاحنه هيمنة شركات على مصالح البلد المستفيد منها صاحب الشركة والعامل الاجنبي والمتظرر ابن البلد وليس في هذا العمل عيب بل مصدر رزق دخله وراحته افضل بكثير من الاعمال الحكوميه قبل سنوات مايقارب العشرين كان سائق التكسي سعودي غيره لا وله شروطه الخاصة به اهمها ان يكون سنه من 35 سنه فاعلا بنو منها السعوديين عمائر وتزوجو واستقرت اوضاعهم افضل من الاعمال الاخرى والحكومه في هذا الشان ابخص مني ومن غيري
(2) نعم ضد ان يكون السائق الاجنبي سائق لموزين خاصه بغض النظر عن قيادة الشاحنه لسبب اهم من غيره الاني اعلم وانا متاكد من هذه المعلومه ان سائق الموزين ابخص وادرى واعرف من قائد عربة دورية الامن في مداخل ومخارج الحي والمدينه لاني لو افترضت ان سائق الموزين البنقالي او الهندي او الباكستاني او غيره من الجنسيات انهو عميل لدولة عدوة فهو يسطيع بكل سهوله رسم كروكي مفصل عن المدينة التي يعمل فيها حتى المواقع اللذي يقال عنها انها مواقع سريه على سبيل المثال ركبت مع سائق لموزين غير سعودي صد ممكن توصل لوزارة الدفاع مافي مشكله تفضل قال صديق اي دور انت يبقاء قل دور كذا قال اي إدارة التزمت الصمت قال صديق انا معلوم كل اداره انت يبغى روح ادارة كذا او كذا او كذا واقسم بالله ان هذه القصه حقيقيه اذا نعم انا ضد ان يكون سائق الموزين غير سعودي فائدة البلد لاهله ليس للاجنبي وصاحب الشركه فقط

اما بقية الاساله يكفيني ان اقول المال السائب عرضة لسرقه

بداية أقول لمن وضحوا أن بعض السعوديين يمتهنون هذه المهنة (للمغازل وتشبيكـ البنات) ..
بأن البنت لو لم تكن موافقة ومؤيدة فوالله لن يستطيع اياً كان أن يتجرأ عليها وهذه ليست بمصيبة أو كارثة تمنعنا من الركوب مع السائقين السعوديين ..

فعلى من تتعرض لمثل هذه المواقف أن ترد عليه بأسلوب قاسي (تهزأه يعني) وبالتالي سوف ينردع وإن لم يرتدع فتستطيع النزول من السيارة بكل بساطة دون أن تتمادى معه وتسمح له بالتمادي وبعد ذلكـ تقول بأن السائقين جميعاً سيئين الأخلاق !!

بالعكس انا أؤيد وبقوووة امتهان هذه المهنة لمن انغلقت (جميع) الأبواب في وجهه ولم يجد وظيفة فهذا الوضع ارحم وأسلم وأهون من أن يجلس في المنزل ليندب حظه في عدم إيجاد وظيفة بالرغم من مؤهلاته التي تعب في الحصول عليها ..
لماذا لا يُنظر إلى هذه المهنة من منظور إيجابي ؟؟!!

حيث أن هناكـ الكثير من الشباب يجدون المتعة في القيادة و (الفرارة) <<< مصطلح شبابي ..
لأنهم يحبذون قيادة السيارات كهواية بالمقام الأول ..

أيضاً من خلال عمله يستطيع التعرف على الناس من جميع الطبقات الاجتماعية ورؤية العديد والعديد من المواقف الغريبة والجميلة ولا ننكر المؤلمة أيضاً وهذا أمر ممتع جداً خااااااصة في قضاء وقته فيما يفيده ويعود عليه بالفائدة العظمى ..

وصدقوني الاحتكاكـ المباشر بالناس من مختلف طبقاتهم وجنسياتهم وأصولهم يعطي ألإنسان حكمة وخبرة في مدرسة الحياة ومعرفة تامة في كيفية اختلاف العقول والتفكير والشخصيات والإلمام بطريقة التعامل مع مختلف العقليات وصقل شخصيته بشكل إيجابي ..

ويستفيد أيضاً أخذ الخبرات في معرفة الطرق والشركات والدوائر الحكومية والأسواق والمدارس والبنوكـ و...و...و....
لأنه لا يعلم إلى ماذا سوف تقوده أقداره في يوم من الأيام ( ربما سيمتلكـ شركة ليموزينات مثلما تفضل الأخ خالد ) وربما تخوله خبرته في العمل لشركات السياحة وغيرها ..

وإن لم يحصل ذلكـ فيكفيه فخراً بأنه لم يقضي وقته في الأشياء السيئة التي لا تخفى على الجميع وأنه أخذ قوت يومه بعرقه وكفى ..






[align=right] ..//.. أسئلـــه ..//..

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
معه قلباً وقالباً ..
لأنهم عيال ديرتي وإن وجد بينهم الطالح لكن لم يغلب على الصالح أبدأً من وجهة نظري !!





2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
السعودي طبعاً ..




3-وش رأيك بالموقف اللي صار فوق وهل انت معهم أو ضدهم باللي سووهـ..؟!
ضدهم تماماً ..
وتظل للناس طريقة تفكير مختلفة وقناعات لا تتشابه أحياناً ..



4- كلمة تقولها بمناسبة هالموضوع..؟!
ما قلته سابقاً يكفي للرد على سؤالكـ ..[/align]



تشكرات لنقلكـ هذا الموضوع بالرغم من إني أريد معرفة رأيكـ ومناقشته ,,

رحيل العمر

اقتباس:

---

بالعكس انا أؤيد وبقوووة امتهان هذه المهنة لمن انغلقت (جميع) الأبواب في وجهه ولم يجد وظيفة فهذا الوضع ارحم وأسلم وأهون من أن يجلس في المنزل ليندب حظه في عدم إيجاد وظيفة بالرغم من مؤهلاته التي تعب في الحصول عليها ..
لماذا لا يُنظر إلى هذه المهنة من منظور إيجابي ؟؟!!

حيث أن هناكـ الكثير من الشباب يجدون المتعة في القيادة و (الفرارة) <<< مصطلح شبابي ..
لأنهم يحبذون قيادة السيارات كهواية بالمقام الأول ..

---

أخت رحيل العمر
أعتقد بل أجزم أنكِ تجهلين ما وراء هذه المهنه
شركات سياراة الأجره مثلها مثل البنوك أو أي جهه تهدف للربح
فهي تفرض ( Target) يومي على السائق ، وهذا مايزيد من التوتر والإحباط عند الكثير
خصوصا الناس لا تدفع ولا تقدر مثل هؤلاء المحتاجين ..

،
،
بإعتقادي أنه بالإمكان استغلال هذه الكوادر المتعلمه بشكل أفضل خاصه دولتنا تغص بالأجانب ..

ماشوف فيها عيب السعوديين كثيرين معهم ليموزين...

بس المشكله في بنات الحلال السعوديات والقصه اللي ذكرتيها تتكرر كثيراً للأسف.. شاب سعودي ركبت معه وكنت سعيد جداً لأنه سعودي ..سألته كيف تقبل المجتمع لكم..فال كنا مانوقف أذا شفنا ((حرمه)) لأنهن
خايفات السعودي يعرف بيتهن ويصير يسأل هذا البيت لمين وكذا وكذا تفكير موش مزبوط
لأن الواحد موفاضي لمثل هذه الأمور يعني كم بيشيل وحده فاليوم !!؟؟ بس ألآن بدأت تتحسن ألأمور ويصير الوضع عادي وقالي على قصة وحده ركبت معه زمان ..هي وبنتها الصغيره وبعد ماوصلها لبيتها قالت له أخوي أنا أثق فيك أكثرمن الأجنبي وأبيك توصل بنتي لمدرستها كل يوم وتجيبها بعد الدوام .. وأحاسبك كل آخر شهر لأني خايفه عليها من الأجانب يقول وأنا بالعاده ما أصحي من النوم إلا بعد مايروحون الطلاب للمدارس بوقت..بس ماقدرت أرفض بعد ماحطت ثقتها في ووافقت ولي ألأن مدة وأنا أجي كل صباح وأخذ البنت للمدرسه وبعد ماينتهي الدوام أخذها وأوصلها للبيت..ووالله ماشفت أمها من ذاك الوقت مع أن رقم جوالها معي أكلهما الصباح وأقولها خلي البنت تطلع وهي أذا تأخرت تتصل وتسألني أذا كنت بجي وكل أخر شهر ألقا فلوسي مع البنت ..وجلس يمدح في أخلاق المرأة ..

وأنا نقلت القصه ..وأتمنا أن صاحبي سائق اليموزين مازال حياً يرزق ومازال شريفاً عفيفاً شهماً..

والله السعوديين فيهم ناس كثير كثير طيبين وأذا كان فيهم أثنين مش كويسين هذا حال البشر يعني الأجانب ملائكه!!

يبدو أني ساذهب لعبد اللطيف جميل جزاه الله خيراً كي يعطيني ليموزين ((أكدها))

الشكر لكل من شارك
وجزاكم الله كل خير

خلوا الحريم يسوقن افضل

كل انسان يخدم نفسه احسن ماتمشي مع رجل غريب سواء كان هندي ولا سعودي

راي شخصي