..........مقاييس الصداقة..........
ان من اصعب الامور على الانسان عندما يصدم في صديق عزيز ..... واليكم مايعبر عن ذلك امل ان يرتقي الى اعجابكم
[poem=font="simplified Arabic,6,darkblue,bold,normal" Bkcolor="transparent" Bkimage="" Border="ridge,6,gray" Type=2 Line=0 Align=center Use=ex Num="0,black"]
ياراشد الفكر لعبت به هواجيسه =والوقت زود علينا اليوم زلاته
عفت وحوشة وبذتنا هداريسه= وقت(ن) ظلومن تعبنا في مجاراته
كم واحدن سالين نامت نواعيسه = وكم واحدن لاهين في وسط لذاته
و انا منامي تفجعني كوابيسه = وافز واعي منام الليل ماباته
لي صاحبن باعني يانعنبوا بليسه=باع الوفاء ثم باع الصدق في ذاته
ماكنت اعرف الصداقة في مقاييسه=واثر الردي باعنا من دون حاجاته
ليه سنيين وانا اداري احاسيسه= الين بان الغدرو الكذب بصفاته
بضاعتة بايره من كثر تدليسه= يبيع للناس كذبه في محلاته
هوكيف يلبس ثويبه دون تقييسه= بانت خفاياه وبانت لي علاماته
قالواترا المرء ياخذ من جواليسه= وانا اخذت القهر من كبر غلطاته
هو يحسبنّا نعيش اليوم من كيسه= من باعنا بالرخص بتخيب هقواته
ومن يجهل العلم مانبحل بتدريسه=بافعالنا الطيبة بيشوف مافاته
الطيب ياصاحبي جبنا نواميسه = والا الردى مامشينا في مداراته
ومن قل ماله ترا ماهي بتفليسه= المفلس الي حسبهم في حساباته
والحرف هذا كتبته في قراطيسه= والقلب يشكي لكم من كثر طعناته[/poem]
