[poem=font="simplified Arabic,5,green,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
لأسكن بصحراء خريف الوقـت لايعهـا=ورغم القساوه شقاها يسعـد اعيونـي
صحراء بعيده عـن الارسـال موقعهـا=لامـن موبايـل ولا حتـى تليفـونـي
وان طاعت النفس والاّ الوقت طوعهـا=نرضى القدر غصب والاّ طيب ترضوني
ماعنـدي الا ّالرسايـل بـس أطالعهـا=واكتب على خاطري واقرأ على هونـي
اروح وارجع على الصنـدوق اتابعهـا=خمسيـن ستيـن مــره مايكفّـونـي
وعلى الرمال اكتب اشعـاري ووزّعهـا=واسقي من انهار شعري يابس اغصوني
واكتب احروفـي وابعثرهـا واجمّعهـا=والعب بكيفي واشكّل صفحـة افنونـي
هذي قصيـده جديـده وذيـك اودّعهـا=باحساس مرهف وهمسه تمطر امزونـي
وابعد عن النت والشاشـه واصابعهـا=احروف شعري من الكيبـورد يبكونـي [/poem]
