البـــارحـــه مانـــمت نومــــي تمـــلال!
[align=center]السلام عليكم ورحمه الله وبركاته
اخواني اعضاءوزوار كوكبة الشعر والادب اليكم هذه القصيده واتمنى ان تنال اعجابكم[/align].
[poem=font="simplified Arabic,6,orangered,normal,normal" Bkcolor="transparent" Bkimage="" Border="solid,4,darkred" Type=1 Line=0 Align=center Use=ex Num="0,black"]
البارحه مانمـت نومـي تمـلال=سهران لين الصبح بين شروقـه
والدمع من عيني على الخد شلال=وعروق قلبي يابسـه ومغلوقـه
تفجر بقلبي مـن الهـم زلـزال=وكثرة على قلبي همـومٍ تسوقـه
بيبان حظي قفلت دونـي اقفـال=والشعـر ماينفـع بليـا طروقـه
ياما تبدينا علـى ذيـك الاطـلال=وياما بكينـا والقلـوب محروقـه
وياما تعرفنا علـى ذيـك الازوال=ويامـا تمنينـا مخايـل بروقـه
دنياً تماشينا علـى كـل منـوال=يالله لاتقطع رجـاء مـن تعوقـه
قالولي اصبر والصبر زين لو طال=يمكن بعد مـده تلاحـظ فروقـه
قلت الليالـي علمتنـي بمدخـال=لكن حظي قاعـدٍ وسـط سوقـه
يالله انا طالبك ياهـادي الضـال=تفرج لقلبٍ كاثـرات(ن) فتوقـه
تجعل لنا في جنة الخلـد منـزال=وترد دمي طالبـك فـي عروقـه
[/poem]
[align=center]مودتي[/align]
