قم ياسعد ماغيرك احد(ن) مبدا
[poem=font="simplified Arabic,5,black,normal,normal" Bkcolor="transparent" Bkimage="backgrounds/19.gif" Border="none,4,gray" Type=2 Line=1 Align=center Use=ex Num="0,black"]
يامل قلب كل ماقلت هدا =ارجف ورجه بين الاضلاع راجوف
من واحد(ن)يوم استرحت استعدا=وعطيته التكميل من داخل الجوف
صغير سن(ن)للعذارا تحدا=كنه على ما اسمع عن الحور موصوف
يميل خلف اليا مشا ثم ردا=وطلع السفرجل فوق والبطن ملهوف
والعين عين الي على الجول هدا=لبيض الثنادي مولع الدم خاطوف
وسود تقول الليل صعب(ن)يكدا=ماشوف غيره بالمخاليق ماشوف
عنبر وعود وصندل وريح ندا=به غنج زود وضمضت كف وكسوف
ان قلت له حول على القلب عدا=وصبح لقلبي مع رضا الروح مالوف
خيال من فكري تعشا وتغدا=قلب(ن)صعب قبله غدا اليوم معسوف
قم ياسعد ماغيرك احد(ن)مبدا=غيرك من الاصحاب يافلان معيوف
جربت غيرك ياسعد ثم تردا=ود الجواب وقل فدا نظرتك نوف
شاعرك من حبك يقول استمدا=الصبر كله والرجا وبعد الخوف
حتى بنظراته عن الكل صدا=لعيونك انته ياقطن فوق غضروف[/poem]
