السلام عليكم ورحمة الله وبركاته
الله يمسيكم / يصبحكم بالخير جميعا
لكم من باب التواصل المساجله الشعريه بيني وبين الشاعر مطلق بن صلمى الروقي
\
\
/
يقول مطلق الروقي :
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
حسبي على بعض الليالي والايام = ليه احرجت صدري يبوح بكنينه
ليه احرجتني كل ماجيت ابى انام= ليه السعاد في حياتي حزينه
ليه الحزن مجتاح قلبي له اعوام = حزن اليتيم اللي فقد والدينه
ليا طرو له قام ثم شد الاكمام = يمسح دموعه قبل يسمع ونينه
فراج انا من جور الايام منضام = خلتني الايام مثل الرهينه
والمشكله حظي له سنين ماقام = عيا يقوم ولاسعفتني سنينه
ياما نويت وسرت واتعبت الاقدام = لجل اللذي ياخوك مطغيه زينه
اخلصت له وافيت له مير مانلام = ويجحد وفاي اللي حضتبه يدينه
وياما على فرقاه عضيت الابهام =وياما اشتكة فرقا عيوني لعينه
وياما سهرت الليل والناس نيام =واخاطب نجوم السما تذكرينه
والظاهر ان المرحلة وصلت هيام = ارجوك قلي لاتضيع السفينه[/poem]
رديت اقول:
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
ان كان ابن صلمى من الحب منضام = ماقول غير الله بعدها يعينه
تعرض له الذكرى مثل عرض الافلام = حتى يشاهد كل لحظه بعينه
صدفه بلا ميعاد واخبار واعلام = واخر نهايه سجلتبه حزينه
كله لعين اللي سفرها من ايام = قصت تذاكرها يمال الغبينه
شلع بها الطيار فالجو ثم حام = وتعرض لصفق الهبايب في حينه
حتى فهق عن شوفه ديار الاسلام = لاتلتفت ماحولك اقرب مدينه
من سرعته اتقول صاروخ قسام = دوبه من ارض القاعده مطلقينه
كنه يقول الوعد قدام قدام = دار اليهودي ماش وينك ووينه
لوس انجلس لارحم ابو جده الشام = ياللي على الثنتين يصفق يدينه
يابعد دارك صدق عن ترف الاقدام = وش عاد لو تحسب مابينك وبينه
وان كان تبغى الشور يانسل الاكرام = خله يولي عنك زينه وشينه
العمر يامطلق تقفاه الايام = ويمر لاكنه فالارقاب دينه
وانته ورى العشرين طوفت كم عام = واللي في عمرك قد كمل نصف دينه[/poem]
وسلامتكم
