أدفع لجيّتك عمري / بخاشيش 00
اخواني ادارة واعضاء غرابيل اعود لكم في هذالنص الجديد بعد
الغياب امل ان ارضي قلوبكم الكريمه000
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
روّح الليل/ ماباقي عراميش = والفجر قرب/ وولع سراجه
والمشاعر /على وصلك معاطيش= وأنت/ عنيّ بخيل بالمواجه
كل ما قلت: قدر لقمة العيش = قلت :طارت بالاحلام/ العجاجه
ليش؟ طفيت شمعات الغلا /ليش؟! =يوم فكيت عن قلبي/ سياجه !
تحسبني ليا من غبت/ أبااعيش != وأنت شوفك /هنا القلب وعلاجه !
لا /ورب السما/ دونك/ فلانيش = أنت ضحكة زماني / وابتهاجه
أدفع لجيّتك عمري / بخاشيش = بس أبي منك / لامن جيت /حاجه
لاتزيّن لي/ بلبس الدنانيش= الذهب مايزين / وانت تاجه
لو تجي/ لابس /قطعة من الخيش= كان حسنك /يزوّد في رواجه
فيك /ملح /ودلع غنج /وولع طيش=من جينك/ لتقويسة حجاجة
لاتبّسمت /بالغر المراهيش = يعلن/ الثلج /للجمر /إحتجاجه
ياوجودي/ على لاماك/ حتّيش = لو وصالك /صعيب /وبه عواجه
دونك /الغبن /وكثر المحاريش= والصدر ممتلي /شوق ولجاجه
كم تحرّيت؟ يلفون المطاريش= مثل من: ينتظر ليلة زواجه !
وانت مرتاح/ وفراشك /من الريش = ماشغلك القصيد/ ولا مزاجه
روّح الليل / مثل: مقابل الجيش= وإنكسر خاطري/ مثل الزجاجه![/poem]منشوره بجريدة اليوم
http://www.alyaum.com/issue/page.php?IN=12775&P=23&G=2
رد: أدفع لجيّتك عمري / بخاشيش 00
هلا وغلا بالذيب حيه وحي ماجاب
راائعه تعبر الى الروح دون استئذان
ابدعت ياسعد
صح لساااانك
ولاهنتتتتتتتتتتت
النااااايف
رد: أدفع لجيّتك عمري / بخاشيش 00
سعد الجميلي
الغائب الحاضر في قلوبنا
صح قلبك وكلك اخوي
وسلمت اناملك
جزل ومبدع دوما
وننتظر جديد قلمك
تحيتي لك
رد: أدفع لجيّتك عمري / بخاشيش 00
,
,
الشاعر العذب سعد الجميلي:
وحضور بعد طول غياب مختلف
صح قلبك وكلك
على هذه العذوبة والجمال
لك أعذب تحية
ونتوق لجديدك...
رد: أدفع لجيّتك عمري / بخاشيش 00
ليش؟ طفيت شمعات الغلا /ليش؟!
يوم فكيت عن قلبـي/ سياجـه !
تحسبني ليا من غبت/ أبااعيـش !
وأنت شوفك /هنا القلب وعلاجه !
الله درك على جمال بوحك
صح السانك مليار
دمت بوود
رد: أدفع لجيّتك عمري / بخاشيش 00
سعد الجميلي
هلا بك وغلا
صح لسانك الى رضاك
لوغبت عن عيونا بقلوبنا حاضر يابو مروي
شاعر متمكن والشهاده فيك مجروحه يعلم الله
ماعندي شي اقوله غير
سلموا لي على الشعر الصحيح
تقبل مروري
رد: أدفع لجيّتك عمري / بخاشيش 00
لاتبّسمـت /بالغـر المراهـيـش
يعلن/ الثلج /للجمـر /إحتجاجـه
الله الله
الشاعر المبدع الغالي
سعد الجميلي
والله اننا نشفق على حروفك بالجزل
وحضورك نوماس
صح لسانك ملايين
وحياك الله
تحيتي لك
رد: أدفع لجيّتك عمري / بخاشيش 00
سعد الجميلي
صح لسانك
هذا هو الشعر وهذا هو الكلام
مبدع ولاهنت ياسعد
