المشاركة الأصلية كتبت بواسطة يوسف العتيبي
رد محمد فراج الغنامي على قصيدتي ( مل قلب من عنا الوقت يامحمد عليل)
هذه قصيدتي اللتي نشرتها هنا قبل فتره
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
حمد يوم أعدي على الرجم الطويل = وأبدع القيفان من هاجسي وأشيلها
مل قلبٍ من عنا الوقت يامحمد عليل = قلتها من حر مونس وأبي تحليلها
وأنت أعرفك شاعرٍ ماتجيب الا الجزيل = والسّحب قامت تزبّر وابيك تخيلها
جعل برقٍ لاح مالاح يامحمد بخيل = فالمزون اللي هواها علاك يميلها
أرعدت لك وأبرقت والمطر ماهو قليل = وأنت ميزان العداله علاك تكيلها
والحزم رويت وأبشرك بالوادي يسيل = من مزونٍ خلق ربي روت من سيلها
أحمد الله وأشكره في نهار وكل ليل = وآيةٍ مرت علي أبدع بترتيلها
والله أني فارسٍ وأعجب الطرف الكحيل =الهنوف اللي أنثنتلي وأنا أغنيلها
وأنت أعرفك شيخ يامحمد وعندي دليل = كلمتك دايم ليا قلتها توفيلها
ماتجيب الا الجزيله ومالك فالهزيل = والمراجل معك تمشي ورى عميلها
ولا يكيّف راسي وراسك الا ريح هيل = الدلال اللي على النار زد في هيلها
فسر المعنى يابو فيصل المعنى ثقيل = وأنت تبرك للثقيله جمل و تشيلها[/poem]
وهذا رد أبو فيصل
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
مرحبا يافارسٍ يطربه صوت الصهيل = في يديه أعنان صفرآ عماه صهيلها
صاحبك في قبضة يمينه السيف الصقيل = لعنبو رجلٍ ليا طرفت ياويّلها
من هجوسي يقدح البيت ويشب الفتيل = في دجا ليلٍ خلا موقدٍ قنديلها
أحتزمبي لاجرالك من الايام ميل= لو هقيت أنك يايوسف تبيد حيلها
والمزون اللي قدح برقها يشف الغليل = نظرةٍ في غبت مزونها وأصحيلها
أشهد أنك تصخر القاف وتحط الجميل= محتم حلو المعاني لجل تبنيلها
شاعرٍ من صلب شاعر طلع مطلع سهيل= كب هزلات المعاني ودور حيلها
كل هرجه يوم يطلع سوات السلسبيل = والأوادم غصب من حلوها تصغيلها
لكن أسمع زبدة الهرج ياحام الغفيل = الحنش سمه فمه والعقارب ذيلها
والزمن داير على العبد بكتاب الجليل = والليالي حضها قل من يصفيلها
أبرهه غاز ن بجيشه وراكب فوق فيل = ورجمته طيور أبابيل من سجيلها
والمخايل كم وكم من طرف قولك نخيل = وشبحة بالعين واقف معك وقضيلها
ومن فقد هيله يبهر دلاله جنزبيل = عادت الشجعان مثلك تقهوي جيلها[/poem]
