[align=center]عالم الطيب[/align]
[glow=0033FF][poem=font="Traditional Arabic,7,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ترى الرجل في عالم الطيب له شان=ولا يأكل الا من مكاسب يدينه
وعلى دروب المرجله مثله يبان=يبذل ، شماله مادرت عـن يمينـه
نفسه عزيزه ماقبل يوم ينهان=حاز المراجل والعرب خابرينه
على الفزايع فزّته فزت حصان=يطلب من الله دايم إنّه يعينه
من جاه يبشر كاين ٍ ويش ماكان=له وقفة ٍ للكل بيضاءحسينه
مبداه كنّه ضربت السيف شامان=تعبان من هو حاول إنّه يدينه
بيته مشّرع للكرم دون بيبان=ضيفه إلى من جاه حط السمينه
على الكرم مفطور من رب منّان=يبذل ويبذل ماسمع حاسدينه
معطيه من هو رازق الإنس والجان=الواحد المعبودمنج السفينه
وألا البخيل إن عاش لاشك مرضان=محروم حتى من رضا والدينه
حب الدراهم يعشقه عشق شفقان=ومهما ملك ياناس حاله غبينه
قلته وعذرا َإن حصل أي نقصان=شعورشاعرإكتبتها يمينه[/poem][/glow]
[align=center]تقديري للجميع
أبوابراهيم,,,,[/align]
