ولدت هذه القصيدة عام 1997 ونشرت في عدةمجلات مثل مجلة عرب والرياضة والشباب وغيرها أتمنى أن تنال رضاكم
[poem=font="MS Sans Serif,4,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لاما رماني فـراق ربع(ن)وخـلان=الافراقـك هـد حيلـي ورمانـي
يلعن أبوها روّحت عبرتـي احـزان=رفعت راسي وازرق الدمـع جانـي
وطارن حمامات الوصل دون جنحان=وذبـل عليـك الفـل والزعفرانـي
أنا ادري تحفظ غيبتي بـس عتبـان=مابيك تبعـد عـن عيونـي ثوانـي
وغـلاك عنـدي ماتمنيـت إنسـان=غيرك ولكـن وش تفيـد الأمانـي
لولا الحيا من كلمـة فـلان وفـلان=لاشق ثوب مـن الحـزن ماحمانـي
وشلون اسوّي غربت شمس نيسـان=وذيب المواجع في غيابـك ولانـي
واحس فوق وسادتي ألـف شيطـان=ولانمت هذرت من وجعها المحانـي
وينهار فوقي سقف ويطيـح ثعبـان=أصرخ وصوتي ينحبس في لسانـي
حبيب عمري لو اخفيت الحزن بـان=فرقاك أكبر من مصايـب زمانـي
لو كان لي قلب(ن)هواوي وفسقـان=سلّيت نفسـي عقبـك بحـب ثانـي
ولو ما دموعي والرجا ووالي الشان=كان زهقت روحي عليـك بمكانـي [/poem]
