عرض للطباعة
[align=center]السلام عليكم ورحمة الله وبركاته
مساكم الله بكل خير
شباب اتمنى اي واحد عند ولو خبره بسيطة
يفيدني بها الموال والطاروق هوموزون ولا لا
انا ما راح اتكلم التعليق لكم يا اساتذتي
الا مرحبا بالشاعر الي حضر حضر ..
من أهل الجزيره بدو ولا حضر حضر ..
وعميل الماسنجر جاهـ مني حضر حضر .. :مزون:
عسى الله يعزك يالديار السعوديه ..
= = = يا سلام عليكم يا رفيعين المقامي ..
سلامن يشمل الصفين والشعار والجمهور ...
في امان الله[/align]
هنا المكان الانسب .. في انتظار خبرائنا
شكرا لك على النقل
اقتباس:
المشاركة الأصلية كتبت بواسطة فهــد
جا معي أحلى من طعم العسل على الريق
الموال هذا موزوون لم يتضحلي اي خلل
ودمة بخير
عليكم السلام
مساك الله بالخير اخوي فهد
الموال مضبوط الوزن واللحن معروف بامكانك تسمعه عن طريق الساحه 2 . اطلبه بنفسك من الكنترول .
من احد محاورات الشاعر حبيب العازمي
شطر منه يقول /
(سرى الليل والمعنى هبايب هباهبا)
ــ
بالنسبه للبيت انا اشوف انه فيه كسر او اني ماعرفت لحنه
هذا البيت فيه نقص من وجهة نضري .
= = = يا سلام عليكم يا رفيعين المقامي ..
سلامن يشمل الصفين والشعار والجمهور ...
والمحاوره شكلها عبر المسنجر صعب تعرف اللحن بالطريقه هذي
اتوقع الصحيح للبيت
(ياسلامي عليكم يارفيعين المقامي = يشمل الصف و الشعار والجمهور )
تحياتي
اخي فهد
الموال مضبوط ولاعليه كلام
ولكن البيت مكسور
وبالتحديد الشطر الاول
يا سلام عليكم يا رفيعين المقامي
والشطر الثاني موزون وهو على الطرق الشيباني
والله ولي التوفيق
تحياتي
.
اخوي فهد
صح لسانك
هذال الموال ممتاز ومظبوط ...
لكـــــــــن : هذال الموال للشاعر عبدالله بن حنيف في اخدى محاوراته ...
ياليت توح انه له ..
البيت كما قال حامد ..
دمت بخير
السلام عليكم ورحمة الله وبركاته
اخوي فهد مساك الله بالخير يالغالي
من ناحية الوزن الموال موزون ميه بالميه وهو موال شقر
ومعروف
والبيت طبعآ فيه كلمه سقطت سهوآ وهذه الكلمه هي لفظ الجلاله (( الله ))
البيت اللي انت اوردت يقول :
= = = يا سلام عليكم يا رفيعين المقامي ..
سلامن يشمل الصفين والشعار والجمهور ...
ومافيه شي اسمه ياسلام عليكم يارفيعين المقام ! اذآ فيه كلمه سقطت في هذا الشطر واللي يجيب الموال والشطر الثاني صح صعب يكسر البيت
يعتدل البيت هكذا :
= = = يا سلام الله عليكم يا رفيعين المقامي ..
سلامن يشمل الصفين والشعار والجمهور ...
تحياتي
اسف شباب
انا نسيت لفظ الجلاله اسف شديد الاسف
= = يا سلام الله عليكم يا رفيعين المقامي ..
سلامن يشمل الصفين والشعار والجمهور
كذا البيت
وعلى كلامكم كذا موزون
السلام عليكم ورحمة الله وبركاته
الأخ فهد
هلا فيك في المدرسه الشعريه
بالنسبه لاستفسارك الأساتذه الشعراء هنا ماقصروا ربي يعطيهم العافيه
الموال موزون وسليم على بحر الطويل ( المنكوس ) ومنظوم على طريقة الشقر والمروبع ثلاث قوافي متشابهه وقافية القفله مختلفه
البيت أقرب الآراء صحّه هو راي الشاعر أحمد العارضي وأيضاً تعديل الشاعر حامد الروقي سليم
وحتى بعد اضافة اسم الجلاله البيت ليس على بحر واحد
يا سلام الله عليكم يا رفيعين المقامي ..
سلامن يشمل الصفين والشعار والجمهور
الصدر هنا على بحر الرمل الرباعي والعجز مختلف تماماً فهو على الشيباني كما ذكر الشاعر أحمد العارضي واللحن مختلف بينهما
تحيتي لك ولكل الشعراء هناويعطيكم العافيه
اقتباس:
المشاركة الأصلية كتبت بواسطة وجــــدان
[align=center]شاكر لكي اخت وجدان
وانت ماء شاء الله عليك بحر فالجميع لازم يستفيد منك
عندي نقطة اخالفك عليها
يوم تقولين اللحن مختلف تماما بين الصدر والعجز
انا والله ما لي خبرة تشفع لي بالبحر
لكن بالعكس اللحن واحدمو مثل ما قلتي مختلف
وماشي تمام 100/100
ويا ليت تشاهدين هذا النقطع وتشوفين لحن الصدر والعجز
وتشيلينها على نفس الطاروق
اظــغط هنا لمشاهدة المقطعشكرا لك :11rob:[/align]
,
,
,
الأخ القدير فهد:
أنهت الخلاف الغالية وجدان بعد أن أدلى بدلوه كبار شعراء غرابيل .. وأنت بدأته باستفسار فالمفترض هو قبول الرأي لا الإصرار على رأيك إذ لو أنك كنت واثق منه ماحتجت للسؤال بدايةً
لذا لتعتبر الموضوع قد انتهى ونتوق لأن نقرأك كشاعر في منتدى النبطي .
.
شكراً للجميع ...
الأخ فهد
يعافيك ربي على الحضور
وربي يعطيك العافيه على المقطع الجميل لهذه المحاوره الرائعه وانت اختصرت علي كثير
المحاوره على اللويحاني أو الشيباني ويمشي معاها عجز البيت بس اللي موجود هنا
سلامن يشمل الصفين والشعار والجمهور
تفعيلته واضحه
مفاعيلن مفاعيلن مفاعيلن مفاعيلن
صدر البيت لايمكن يمشي مع هالمحاوره وانا اقصد المحاوره بس اما الموال فهو شبيه بالموال اللي ذكرته انت هنا
يا سلام الله عليكم يا رفيعين المقامي
هذا الشطر لايمكن أن يكون على البحر الشيباني أبدا ومايمشي مع المحاوره هذي نهائي هذا الشطر مبني على تفعيلة ( فاعلاتن ) وليس ( مفاعيلن ) وهو على بحر الرمل وليس الشيباني
وكلمه في الأخير بقولها وهي ان ألحان المحاوره غالباً ماتربك الشخص الذي لايملك خبره في البحور وبالاخص حين تكون البحور متشابهه التفعيلات ( مثل فاعلاتن ومفاعيلن ومستفعلن ) الحدا ( الرجز ) والرمل والهزج ( الشيباني ) جميعها سباعيه ولكن الشاعر الخبير يعرف الفرق بينهم في النظم وفي الغناء وفي القراءه يعني لاتعتمد على الحان المحاوره بشكل كامل حتى تعرف الفرق بين البحور
تحيتي لك
اقتباس:
المشاركة الأصلية كتبت بواسطة وجــــدان
بسم الله ماشاء الله
الله لا يضرك
معلمه فوووووق المستوى
بحر يا وجدان
الله يخليك للشعر وأهله
...
اقتباس:
المشاركة الأصلية كتبت بواسطة وجــــدان
الاخت وجدان
انتي اكثر من رائعة وتملكين حس شعري رااااقي
دمتِ بخير
شكراً
لكم حبايبي