الشعــر حنـّـا بيته الصدق ورواقــه ...

,
,
,

السلام عليكم ورحمة الله وبركاته ..
مساء الخير والعذوبة لشعراء وأعضاء غرابيل الموقرين ..


هنا سأضع بين أيديكم صرخة في وجه برنامج ( شاعر المليون ) وهي بصدق نبضات قلب صًدِم من هكذا ظلم وزيف وإن لم يقع على شخصي بعينه ولكن وقع على وطني برمّتِه :


[poem=font="Simplified Arabic,6,white,bold,normal" bkcolor="green" bkimage="" border="ridge,9,teal" type=2 line=0 align=center use=ex num="0,black"]
يادار أبو ظبي ( الخلا ) منتي وثاقه=قبل الشعر هاتي الأمانه وبيرقها
وياشيخ ابن زايد ترى ماهي سراقه=شمس الشعر مايجهلك وين مشرقها
حنّا أساس الشعر والبيت ورواقه=للّي يحاول من زمانين يسرقها
حطّيت رايك بين جاهل وبوّاقه=الله يحرق جهل رايه ويحرقها
مصريّةٍ جتنا من الجوع والفاقه=قبل أمس نضحك لالمحنا زبارقها
سلّمتها شيء كبيرٍ على الطاقه=ودروب ماكل المخاليق تطرقها
وهي مالها في الشعر ذودٍ ولا ناقه=ولا درت وش غربها من مشارقها
وراحوا فحول الشعر والشعر وأوراقه=تشتتوا بين الدروب ومفارقها
بالمختصر ( ياشيخ ) خلّتك طقطاقه=شوري عليك إن طعت شوري تفارقها
ماهي مقامك كذبة ( الحصن ) و ( الطاقه )=بعض الحصون تطيح من فعل مارقها
جزل القصايد جت شواطيه منساقه=وضاعت وسط زايف بحوره زوارقها
الشعر قبل المال إحساس وذواقه=أعذب من الغيمات لاناض بارقها
ترتاح له كل الخلايق وتشتاقه=وتعرف هزيله من جزيله وتفرقها
باقي بحور الشعر بقلوب عشّاقه=مهما يحاول ( شاعر الهمّ ) يغرقها
والشعر حنّا بيته الصدق ورواقه=ومبروك للدوحه على زيف بيرقها[/poem]


,
,
أمل بنت عبدالعزيز.
.

حطّيـت رايـك بيـن جـاهـل وبـوّاقـه
الله يحـرق جـهـل رايــه ويحرقـهـا
مصريّـةٍ جتنـا مـن الجـوع والفـاقـه
قبـل أمـس نضحـك لالمحنـا زبارقهـا
سلّمتهـا شـيء كبيـرٍ علـى الطـاقـه
ودروب مـاكـل المخالـيـق تطرقـهـا
وهي مالهـا فـي الشعـر ذودٍ ولا ناقـه
ولا درت وش غربهـا مـن مشارقـهـا

،

،

الاستاذه/ امل عبدالعزيز

نبض وبوح ونزف صادق

صح لسانك بلا حد

مقعد اول هنا ولى الشرف

دومتي بخير

الاخت أمل بنت عبد العزيز

صح لسانك وسلم فكرك

ردة فعل متوقعه منك ومن الجميع

ولكن البعض قد يبوح بها والكثير لايتكلمون

عن ذلك ولكن سياسة البرامج قد تفرض مثل

هذه الخطوات

هناك أحصائية لردود أفعال الجمهور عن برنامج شاعر

المليون والنتيجة التي ألت إليها نهائة المسابقة

وذلك من خلال الشارع الخليجي بصفه عامه والشعراء

بصفه خاصه وسوف يراء النور قريبا من خلال جريدة الجميع

جريدة عكاظ بأذن الله

لك احترامي ومودتي

.

والشعـر حنّـا بيتـه الصـدق ورواقـه
.............ومبـروك للدوحـه علـى زيـف بيرقهـا


.


امل عبدالعزيز

ابك ابك ابك من طول الغيبات جاب الغنايم .. بعدي والله

<< يقول ترى رد على قصيدتك حقت النصر وهو مغمض ماقرى الا البيت الاول هههههههههه




امل ابداع كالعاده ,


صــح لســااااانــك لاهنت ِ



دمتي بخير



محمد بن نايف (هلالــي )ههههههههه الوعد بكره

اقتباس:

---

المشاركة الأصلية كتبت بواسطة أمل عبدالعزيز

,
,
,

السلام عليكم ورحمة الله وبركاته ..
مساء الخير والعذوبة لشعراء وأعضاء غرابيل الموقرين ..


هنا سأضع بين أيديكم صرخة في وجه برنامج ( شاعر المليون ) وهي بصدق نبضات قلب صًدِم من هكذا ظلم وزيف وإن لم يقع على شخصي بعينه ولكن وقع على وطني برمّتِه :


[poem=font="Simplified Arabic,6,white,bold,normal" bkcolor="green" bkimage="" border="ridge,9,teal" type=2 line=0 align=center use=ex num="0,black"]
يادار أبو ظبي ( الخلا ) منتي وثاقه=قبل الشعر هاتي الأمانه وبيرقها
وياشيخ ابن زايد ترى ماهي سراقه=شمس الشعر مايجهلك وين مشرقها
حنّا أساس الشعر والبيت ورواقه=للّي يحاول من زمانين يسرقها
حطّيت رايك بين جاهل وبوّاقه=الله يحرق جهل رايه ويحرقها
مصريّةٍ جتنا من الجوع والفاقه=قبل أمس نضحك لالمحنا زبارقها
سلّمتها شيء كبيرٍ على الطاقه=ودروب ماكل المخاليق تطرقها
وهي مالها في الشعر ذودٍ ولا ناقه=ولا درت وش غربها من مشارقها
وراحوا فحول الشعر والشعر وأوراقه=تشتتوا بين الدروب ومفارقها
بالمختصر ( ياشيخ ) خلّتك طقطاقه=شوري عليك إن طعت شوري تفارقها
ماهي مقامك كذبة ( الحصن ) و ( الطاقه )=بعض الحصون تطيح من فعل مارقها
جزل القصايد جت شواطيه منساقه=وضاعت وسط زايف بحوره زوارقها
الشعر قبل المال إحساس وذواقه=أعذب من الغيمات لاناض بارقها
ترتاح له كل الخلايق وتشتاقه=وتعرف هزيله من جزيله وتفرقها
باقي بحور الشعر بقلوب عشّاقه=مهما يحاول ( شاعر الهمّ ) يغرقها
والشعر حنّا بيته الصدق ورواقه=ومبروك للدوحه على زيف بيرقها[/poem]


,
,
أمل بنت عبدالعزيز.
.

---

شاعرتنا ومعلّمتنا الكبيره

صح لسانك ملايييييين

حضورك في كل موقف دائماً مختلف وهذه القصيده نطقت بلسان حال الجميع بجزالتها واحتوائها لكل جوانب الموقف

لاهنتي يا أمل ودام اشراق فكرك

تحيتي القلبيه لك

صح لسانك






والبيرق الحقيقي


هي روح الشعر الحيه


بداخل الكبيره


دوما أمل



فائق الاحترام

ماهي مقامك كذبة ( الحصن ) و ( الطاقه )
بعض الحصون تطيح مـن فعـل مارقهـا
جزل القصايـد جـت شواطيـه منساقـه
وضاعت وسط زايـف بحـوره زوارقهـا
الشعـر قبـل المـال إحسـاس وذواقـه
أعـذب مـن الغيمـات لانـاض بارقهـا
ترتـاح لـه كـل الخـلايـق وتشتـاقـه
وتعـرف هزيلـه مـن جزيلـه وتفرقهـا

امل بنت
عبدالعزيز
صح السااانك
تقبلي فااائق تقديرري

مرحبا أمل ,,,

شاعريتك ماراح نقول عنها شي لانها صارت واضحه للجميع

لكن موضوع القصيده انا ما اوافقك في بعض انقاط اللي ذكرتيها

وراحوا فحول الشعـر والشعـر وأوراقـه
....... تشتتـوا بـيـن الــدروب ومفارقـهـا

اصلا هم رايحين من قبل البرنامج واذا بيبكون على حظهم بنهدي لهم اغنيه محدن ضربكم على ايديكم

مشكلة اكثر شعرائنا انهم قاعدين يبحثون عن هدف زائف اللي هو الشهره
بعضهم يبيها عشان يغتني وبعضهم يبيها عشان النقص اللي يحس فيه وبعضهم يبيها عشان معجباته وبعضهم يبيها عشان الشهره بس هههههههههههه

اللي اعرفه ان الشاعر يكتب لنفسه اول شي
يكتب عشان يستانس ويرتاح ويطرب

يعني وشلون الرجل يرضى بالطريقه ذي؟
وشلون يتنازل عن مشاعره ويروح ينافس بها او يعرضها للي يسوى واللي مايسوى؟
المشاعر مابه اغلا منها ولا اعز منها
مو من حق اي احد انو يقعد يطقطق عليها او ياخذها بمهزله مثل سالفة دربن دربن وغيرها
والله شي مؤلم كثير حالهم وهم باسطين بقصايدهم هههههههه الله يعفايهم ولا يبلانا



بالمختصـر ( ياشيـخ ) خلّتـك طقطاقـه
......... شوري عليك إن طعـت شـوري تفارقهـا

محمد بن زايد ماهوب ولي على السعوديين ولا ابون لهم ولا عليه منهم

بعدين شاعر المليون متوليته هيئة ثقافه ابو ظبي او شي من هالنوع
لكنها دائره تعنى بالمناشط السياحيه للاماره
يعني هالبرنامج كله المقصد منه تنشيط السياحه اولا واخيرا ,, ماعليه من القصيد ولا الشعار
ويحق للشيخ انه يطور امارته ويهتم فيها ويسوي لها دعايه
والدليل على ذلك تناقل وكالات الانباء العالميه لهذا المنشط

واذا بغيتي دليل ثاني من عندنا شوفي مهرجان الجنادريه وشوفي ضيوفه العام والسنه ذي
اكثرهم من انتاج شاعر المليون
وينهم ربعنا عن شعارنا قبل شاعر المليون؟
ولا اللي عندنا كخيييه بس اذا طلع برا صار حلو؟؟
ليه مافيه مبادره من الداخل تفك هالشعار من الشحذه الدوليه؟
ومثل ماقال الشيخ تركي بن حميد
من لايدوس الراي من قبل لاديس
,,,,, عليه داسوه العيال القرومي

انا لما اقول كذا ماهو عشان الشعر لاوالله ..لان الشعر موضوعه بسيط ولايستاهل كل هالضجيج الاعلامي
ولكن عشان تنشيط السياحه في البلد اللي يترتب عليها مصالح كثيره له

حقيقه الحكي يطول ولكن صح لسانك ولا هنتي على هالشاعريه المنفرده
وعقبال ما اصير مشهور انا هههههههههههه ثم عقبها دوروني ماتلقوني الا في غرابيل ههههههههه

أختي الغالية والحبيبة والتي فقدتها واشتقتها كثيراً وجداً / أمل عبد العزيز ,

صح لسانك ونبضك وكلك يالحبيبة ,

قصيدة قوية على لسان الصدق والواقع المؤلم

لـ نهاية شاعر المليون ومن يحمل البيرق ؟

وكنت لا أود رؤية الحلقة الأخيرة والختامية ومن الفائز

لاني أعلم جيداً بأنه سيكون اختيار غير منصف أبداً

وأكتفي إلى هذا الحد من التعليق

ولكن برنامج شاعر المليون أخذ التراجع بقفزة قوية

إلى الخلف بهذا العام وبالتالي هناك برامج أخرى منافسة

له وأتوقع بالسنوات المقبلة ستكون ضربة قوية عليه

لا عدمنا شعرك المتعدد والمتموج والمتنوع

بغلاف الرقي الشعري الحقيقي والصادق الناطق ليس من لسان أي شاعرة ,

دمتِ لنا بـ شعرك يا أمل ,

خالص حبي وتقديري وشوقي العميق لك

امل صح لسانك لاتعبين نفسك هومن اول
الوضع والناس كاشفتن الغش واضح حين تسرب ان الي يبي ياخذه الاماراتي راحو يرقعون ويعطون الاماراتي نص مليون وغيرو وعطوالبيرق الشبرمي ومن الحقد اليماني الي اقل واحده بهم عطوه الربع يامل وهذه تبي عتب واضح وحناصوتنابموقع انهارعلى مقاطعت التصويت السنه الجايه
والظلم واضح اجل الاردني الي من أهل الباديه يجاز بدون تصويت من قبل الجنه ويخلا الربع وسعد الاماراتي الي اقوى منه شعر على شان حمد يبي يقنص للاردن وقلتها من قبل وفي الاخير هو ذكرها يمكن تذكرونها قال من شافني بالاردن واناقانص قال فالك المليون كلن يزين علاقاته على حساب شاعرالمليون وتذكرون بدر يوم يقول صراحه مافيه احد اصاب منكم الا الاردني لنه غار من حمد انه سوى علاقه معه يوم قال يابوخالد وهو اساس يزين العلاقه على شان يبي يقنص للاردن يبي الحباري وووو؟؟و,,وو هههههههه ماتبي نشدت شيخ ماروسعي صدرك حمدوتركي اصل ٍوجودهم غلط من اولها

الشعـر قبـل المـال إحسـاس وذواقـه
أعـذب مـن الغيمـات لانـاض بارقـهـا

.

.

أمل عبد العزيز

والله إن حروفك وقصيدك بشكل عام له الوقع الخاص في نفسي

صح لسانك ملايييييييييييين
ولا هنتِ ولا هان بوحك .

السلام عليكم ورحمة الله وبركاته

قنابل عتاب عنقوديّه

لله درك ياأبله أمل
قصيده من الطراز الرفيع
رغم كبر حجم ثورة الغضب
إلا أن الجزاله كانت ظاهره بحجم أكبر من هذه الثوره



أبيات وتعليقات

وياشيخ ابن زايـد تـرى ماهـي سراقـه
شمس الشعـر مايجهلـك ويـن مشرقهـا

... الله يا أبله أمل " ياشيخ إبن زايد"
هنا سمو أدبي
في توجيه العتاب وتذكير عن شيء مفهوم واضح


حطّيـت رايـك بيـن جـاهـل وبـوّاقـه
الله يحـرق جـهـل رايــه ويحرقـهـا

فعلاً إدارة شاعر المليون الفنيه
والتنظيميه تحتاج إعادة هيكله



بالمختصـر ( ياشيـخ ) خلّتـك طقطاقـه
شوري عليك إن طعـت شـوري تفارقهـا
إي والله أبو خالد ليس من اللائق
أن تكون بجوار نشوى




ماهي مقامك كذبة ( الحصن ) و ( الطاقه )
بعض الحصون تطيح مـن فعـل مارقهـا

الله الله يا أبله أمل



من جد إنتي حصن شعري منيع


بقية الأبيات تمنيت أني أملك الوقت لكي أعطيها
كل مابداخلي ولكن سأترك المجال لبقية الزوار




ولا ندري قد يكون خروخ ناصر الفراعنه
مكروه سوف يكون فيما بعد خير لنا
سواء بظهور مسابقات افضل منه
أو إعادة ضبط مايستوجب ضبطه في برنامج شاعر المليون
الذي إستطاع أن يكون أفضل تظاهره ثقافيه من المحيط إلى المحيط خلال هذين الموسمين الفائتين


ختاماً أبله أمل
أبسألك بالله كم واحدٍ قال
...إنك بترتيب الشعر رقم واحد

ههههههههههههه


لاتعليق

مير الله يصح لساانش

والله يبيض وجهش


سالم اليامي

الشعـر قبـل المـال إحسـاس وذواقـه
أعـذب مـن الغيمـات لانـاض بارقهـا
ترتـاح لـه كـل الخـلايـق وتشتـاقـه
وتعـرف هزيلـه مـن جزيلـه وتفرقهـا
باقـي بحـور الشعـر بقلـوب عشّاقـه
مهما يحـاول ( شاعـر الهـمّ ) يغرقهـا
والشعـر حنّـا بيتـه الصـدق ورواقـه
ومبـروك للدوحـه علـى زيـف بيرقهـا



صح السانك وقلبك يا امل


فعلا ابدعتي يالغلا

لك تقديري واحترامي


دمتي ودام نبض قلبك

,



,



الشعـر قبـل المـال إحسـاس وذواقـه * * أعـذب مـن الغيمـات لانـاض بارقـهـا



غاليتي ( أمل بنت عبدالعزيز )



سبحان من وهبكِ هذه القريحة المتجدّدةْ....



حفظ الله لكِ هذه القريحة وزادها....



وصحّ لسانك بلايين....ولا هنتِ....ولاهان بوحكْ....



تحيّتي لكِ....ولروعة احساسكِ / قلمكِْ....



دمتِ بودّ....


http://www.almton.com/vb/images/smilies/aaaaa22.gif

[align=center]
أمل عبدالعزيز
ـــــــــــــــــــــــــ ــــــ
صح لسانك ملايين

وتسلمين على القصيدة

لا هنتِ
ـــــــــــــــــــــــــ ــــــ
أخوكـ/خالد
[/align]

امل



صح لساااااااااانك ايتها الرااائعه


قصيده اقف احترام لها و لصاحبتها



لكن اختف معك في اقحام الشيخ محمد بن زايد لانه وضع لجنه و مسؤلين لتحمل المسؤليه بشتى صورها


و هناك هيئة الثقافه فوق اللجنه



و هذا الخطاء من اللجنه و المسؤلين عن البرنامج يحملهم تبعيات هذا الخطاء من مقاطعه و تجريد من المصداقيه امام الجماهير المتابعه





و في الاخر اقول لك ايتها الرائعه


صححححححححح لساااااااااااانك حتى ترضي



دمتي بخير


...