مباركه للنصر واهداء للهلال وجماهيره ،،، وقصيده أخرى ,, ثلاثه في واحد

السلام عليكم ورحمة الله وبركاته

في البدايه أرحّب بالحضور من الشيوخ واللجنه ( شاطيء الراحه ) ههههه وأرحّب بالجمهور الكريم هنا وخلف الشاشات

وأستسمح اللجنه الكريمه بكم بيت أهديها للهلال نادي وجماهير بعد الهجوم الشرس عليه من النصراويين والاتحاديين ( ماتقصد أمل ) ههههههه وتناسى من تهجّم على الزعيم الـ 46 بطوله التي فاز بها على مر تاريخه بكل جداره


[poem=font="Simplified Arabic,6,white,normal,normal" bkcolor="blue" bkimage="" border="ridge,5,gray" type=2 line=0 align=center use=ex num="0,black"]
أشوف بعض العرب بالفوز منحشره=وقامت تعذرب بتاريخي وعثراتي
أنا زعيم النوادي ما اقبل الخشره=زعامتي تاج صولاتي وجولاتي
في كل موسم أجدّد للفخر نشره=تعال نحسب سوا كم هي بطولاتي
عشره وعشره وعشره فوقها عشره=وستة بطولات بالله منهو سواتي
أخذت لبّ الزمان وطاحت القشره=تركتها للبقيّه تاخذ فتاتي
من كثر الأفراح صارت بيننا عشره=الحزن ماله طريق لسيل عبراتي
واللي بيشره وجا في خاطره يشره=يشره على الوقت لايبكي ولايحاتي
وأقول للنصر موعدنا بعد عشره=ويلّه من ألحين نحسبها بطولاتي[/poem]

من يعيش ومن يموت لبعد عشر سنين يالله الخيره هههههههههههههههههههه :11ccer:

وهذي أبيات بسيطه كانت تطبيق في مدرسة معلمتنا الكبيره أمل أتمنى تنال بعض رضاكم


[poem=font="Simplified Arabic,6,teal,normal,normal" bkcolor="black" bkimage="" border="ridge,5,teal" type=2 line=0 align=center use=ex num="0,black"]
ياغربة أحزاني=ياضيعة أشجاني
صوت الحزن حرفي=والمرّ بلساني
البارحه مانمت=النوم جافاني
ماشافته عيني=من صدّ خلاني
ياكم تحرّيته=أبطا ولاجاني
معقوله يصدّق=فيني وينساني ؟
ويطاوعه قلبه=ويزيد حرماني ؟
ياكثر ماردّد = ياحي ( وجداني )
وياكثر مارفرف=له كل وجداني
واليوم بعد الوصل=هاجر وخلاني
بالله منهو له=وردي وريحاني
لو زاد في هجره=أو ضاع عنواني
والمشكله قلبي=بالهجر يعصاني
بالله دلوني=ردوا على أحزاني[/poem]

وشكراً لمروركم مقدّماً

وجدان
صح لسانك لين ترضين
وقصيده رائعه والله يعين النصراويه عليها تحمس الكبد
تقبلي مروري
اسمى التحايا

وجدان

هلا بك وغلا

صح لسانك الى رضاك

الزعيم كفو وجماهير الزعيم تستاهل والتاريخ خير شاهد ..

وانا بااسم كل النصراويين اقول لك الوعد قدام ان شاءالله

موعدنا كاس الملك ونشوف من اللي بيكتب قصيده الفوز

نصراوي ولاهلالي ...

لانه كاس الدوري والعلم عند الله انه خلاص اخذه الاتي بكل

جداره وبقت المسأله مسألة وقت ليس الا وهو يستاهل

وجمهور العنيد يستاهل ....

قصيده رائعه ياوجدان وهذه هي الرياضه بمفهومها الصحيح

التنافس الشريف....

طولتي الغيبه عن الكتابه وغيابك ملموس لكن عدتي برائعه

امتعتنا........

تقبلي مروري

صح لسانك

يعطيك العافية

أنا زعيم النوادي ما اقبل الخشـره
زعامتي تاج صولاتـي وجولاتـي
في كل موسم أجدّد للفخـر نشـره
تعال نحسب سوا كم هي بطولاتـي
عشره وعشره وعشره فوقها عشره
وستة بطولات بالله منهـو سواتـي
أخذت لبّ الزمان وطاحت القشـره
تركتهـا للبقيّـه تـاخـذ فتـاتـي



كفو والله الزعيم

وصح الله لسانك مليوم ويزيدون

تسلمين ودمتي متألقه في سماء الإبداع

أطربتيني لاهنتي

أطيب التحيه’,,

ايووووووووووووووووه

ياوجدان عطيهم وعلميهم من الازرق

والله ما احد ينكر الازرق ويستاهل المدح

ولكل جواد عثره وصح لساااااااااااااانك الى رضاك

.


أخذت لبّ الزمان وطاحت القشـره
................تركتهـا للبقيّـه تـاخـذ فتـاتـي
من كثر الأفراح صارت بيننا عشره
.................الحزن ماله طريق لسيل عبراتـي


الله الله

الله يسعد قلبك على هالبيتين اللي تسوى قصيده معنى رائع .




الشاعره : وجدان



ابيات اكثر من رائعه وجميله , ولله درك والزعيم زعيم ياوجدان لا تشيلين هم , امل هذي نبي نشوف لنا طريقه معها هههههه.

والابيات التطبيقيه ممتازه وبالتوفيق والى الامام ..


صـح لســاااانك لاهنتي



دمتي بخير


محمد بن نايف

وجدان


قصيده رائعه واسلوب خطير في

صياغة الابيات

الله يعين النصراويه عليك :)

صح كلك ولا هنتِ

كوني بخير

ايه يا وجدان

هذي القصايد اللي تفتح النفس



صح قلبك وكلك اختي

ودمتي بهذا الدم الازرق والقلب الابيض


تحيتي لكِ

[align=center]
وجــدان
ـــــــــــــــــــــــــ ــــــ
هذي القصايد اللي تنقرأ

صح لسانك وقلبك اختي

وتسلمين على القصيدة .. لاهنتِ
ـــــــــــــــــــــــــ ــــــ
أخوكـ/خالد
[/align]

الاخت وجدان بنسبه للهلال الهلال معروف قدره
من دون اى محاماه لانه فووووووووووووووووووووق
وتسلمين ياغاليه
وبنسبه للابيات التى استمتعت بها
في قمة الروعه
والله يجمعكم
تقبلى مرورى
خــــــــــــــــــــالد0� �لروقي

الأخ الشاعر بدر المورقي

صح بدنك

والله لايهينك على المرور الكريم

تحيتي لك

[align=left]... بصفتي نصراااوي أقول صح لسـ111نك
واعتلى شانك...
ـــــــــــــــــــــ...
ومثل ماقال أخوي / أحمد الشمري الوعد قد1111م[/align]

يـاكـم تحرّيـتـه
أبطـا ولاجـانـي


صح لسانك ياوجدان على هالقصيده الكايفه


عاد الهلال ماراح ارد عليها
ماخذ منهم موقف ههههههه

بعدين حتى لو ماني ماخذ منهم موقف

انا مشرف وكيفي
اللي بسويه اسويه ههههههههههههههه

صحححححححححححح قلبك ولسانك وخشمك

وفالك انتصارات الهلال القادمة :11umbup::11umbup:

والزعييييييييييييييييم زعييييييييييييم:11ap:

ومع ذلك فرحنا للنصراويون من زمان ماذاقوا طعم الانتصارات ولا صعدوا المنصات ولا حملوا الكاس:11utup:

بس عاد لايكثرون علينا النصراويون ترى الوعد قدام

لاخلي وجدان تنظم فيهم قصيدة يحرمون يتحرشون بالهلالين :مزون:

الراقيه والغاليه وجدان


تبقين من اميز الاقلام النسائيه


احساس ومعنى


وزدتيها روعه بالكتابه عن الازرق


ساظل هنا كثيرا


اشجع وجدان والهلال ههههههههههههه


صح لسااانك


ولاهنتتتي



الناااااايف

وجدان


لافض فوك



والهلال وماشاء الله عليه


حتى بطولة حليب السعوديه اخذها خخخخخخ



صح لسانك


مدد

ولاهنتي

السلام عليكم ورحمة الله وبركاته

بسم الله الرحمن الرحيم


اللهم صل على محمد وعلى آله وصحبه أجمعين


هلاوالله ومليون غلا تو مانور المنتدى

مبرووووووك من الاعماق والى الامام

وبدايةً أحب أمسي بالخير على الجمهور الكريم وأقول لهم في شاطيء الراحة حياكم وبياكم وأمسي على الشيوخ والمصورين والكاميرات والمعلقين والمعلقات وعلى حليمة بولند في الصفوف الأمامية وعلى الغالية حيل حيل نشوى الرويني والمرزوعي وجميع البزارين في الصفوف الخلفية
ولا أنسى أرحب بالكاتب الكبير والشاعر الصغير والضيف القدير اللي جا مع هذوليك عشان هذولاك :11ctor:
فياهلا فيه مليوون
والآن مع هلالة الحمداني وقصيدتها النسوية العذبة
الصراحة فيها روح انثوية كبيرة يعني من يشوفها يحلف إن أللي كاتبتها بنت عمانية هلالية ماهي عصبية بتاتاً:11ap:
بحر القصيدة جميل وعذب وسوف اقتبسها كلها على بعضها واناقش في بعض الصور

أشوف بعض العرب بالفوز منحشره
وقامت تعذرب بتاريخي وعثراتـي
أنا زعيم النوادي ما اقبل الخشـره
زعامتي تاج صولاتـي وجولاتـي
في كل موسم أجدّد للفخـر نشـره
تعال نحسب سوا كم هي بطولاتـي
عشره وعشره وعشره فوقها عشره
وستة بطولات بالله منهـو سواتـي
أخذت لبّ الزمان وطاحت القشـره
تركتهـا للبقيّـه تـاخـذ فتـاتـي
من كثر الأفراح صارت بيننا عشره
الحزن ماله طريق لسيل عبراتـي
واللي بيشره وجا في خاطره يشره
يشره على الوقت لايبكي ولايحاتي
وأقول للنصر موعدنا بعـد عشـره
ويلّه من ألحين نحسبهـا بطولاتـي


طبعاً بحرها هو بحر الهجيني الطويل وهو بحر حليوو وماعلااااه
وبالنسبة للصور فربما بعض مفردات التي استخدمتيها فيه مثل( حشرة ) يعني ليه؟ ياوجدان؟ حشرة؟ شوي وتكتبين لي ضاطور ههههههههههههههه :11ctor:
وبعدين كلمة ( نشره ) ؟؟ الكلمة فيها محذور شرعي حيث أن النشرة هي نوع من أنواع السحر !! هذا لو قصدتي النشرة السحرية وإن كان قصدتي نشرةالأخبار فهذي فكرة سبقك عليها تلفزيون المملكة العربية السعودية بخمسين سنة :harp::harp:
وعن قولك طاحت القشرة؟ فأنا أعرف أن التقشير يعني تعب وأصابع تفر فر على ظهر البردقانة ألين تطلع وعمرها ماتطيح وأللي يطيح هو الورق الخفيف فهذا مايبرر لك استخدام الكلمة في غير مكانها وكله عشان وشو؟ الهلال؟؟:vampire:
وتكرارك كلمة عشرة ذي والله ماحسستني إلا أن البيت كأنه دعاية لمحل للتقبيل وكل شيء على عشرة عشرة ههههههههه

طبعا ياوجدان الشاطيء بتاع الراحة لازم يكون كذا وإلا شلون يرتقي الشعر فهنا فيذا نلتقي كي نرتقي
ولاتزعلين فكل ماذكرته أعلاه لاينفي شاعريتك وروعتها والدليل القصيدة التالية والتى أعدها من عيون الشعر وخشومه بعد
وصحيح الزين مايكمل لأنك حلوة وكاملة وكلش فيك زين بس لو أنك ماتشجعين الهلال؟ كان بالفعل كااااااااااااملة
وكان عطيتك البيرق الحين كذا عباطة:واو:
وفالختااام
بقول لك الوعد ماهو قدااام لااا الوعد في الفسحة ولاا في الطلعة ياحلوووه
وبدون شرهات

صح احم احم لسااانك

الشاعره وجدان

صح لسانك حد الرضا
أبدعتي وأمتعتي


كل قصيده تتفرد بالتميز


مودتي لك .