عودي ومع ريف الغرام أحضنيني
أخر البوح
[poem=font="Arial,6,black,bold,normal" bkcolor="transparent" bkimage="backgrounds/5.gif" border="none,4,gray" type=1 line=1 align=center use=ex num="0,black"]
مهما تباعدنا بقلبي قريبه=عـنـدي لـو الأميــال بينـك وبيـنــي
جيتك بعد مدة طويله وغيبه =مشتاق ودموع الفرح تحتويني
جيتك ولكن بعد رحلة عجيبه= جيت ولقيت مراحها يحترينــي
سألت وينه قلت آنا حبيبه= من بعـد غيبه جيت أزفــه حنيــني
قالو مسافر قلت هذي مصيبه=في غيبته رح بشر الحزن فيني
قلت ومتى عمر الليالي تجيبه=قالو قريبه جيّتــه عـنــد عينــي
بس البطا طال وتزايد لهيبه=وأنا بأمـل موعــد لقـانا يحـينــي
دام الليالي في غيابك كئيبه=عودي ومع ريف الغرام أحضنيني
مسافرة وغيابها بان شيبه =في عينـي اللي تحتريهــا تجينــي
يابنت فات الوقت وأنتي غريبه= عن ناظري والبعد يطوي سنيني
لوكان بدموع الرجاجيل عيبه =أن كان تفضحني وغصباً تبيني
تلمع بعيني في شموخاً وهيبه= تدمع وأكفكفـها براحــة يدينــي
بس الحقيقه بصدر الأحباب طيبه= تبقى عهد بين المحبين ديني
سيرة غلا بفراقها تنتهيبه=قصة لقا مابين عينه وعيني[/poem]
رد: عودي ومع ريف الغرام أحضنيني
اقتباس:
المشاركة الأصلية كتبت بواسطة متوٍهق
[align=center]حيوا سعود حيوه .
يا إنك أبدعت في هالقصيدة ما شاء الله عليك.
فلته يا بعدي ..
صح لسانك .
وقصيدة جزله يا مال العافية
الله يقويك يا وخيي.[/align]
تسلم يالغالي على كرم مرورك اللي اسعدني لك ودي وتقديري
رد: عودي ومع ريف الغرام أحضنيني
اقتباس:
المشاركة الأصلية كتبت بواسطة عبدالهادي الجهني
سعود المجلاد
معزوفة شعرية رائعة
بكل صدق
انت مبدع
صح لسانك بلا حد
دومت بخير
،
،
هلابك ياعبدالهادي الجهني وكلامك وسام على صدري ياشاعرناالكبير
