رحـــــــــــلة الــــــمـــــوت........؟
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
في طريق الأمل للمستحيل=
=مات شاعر وعاش اللي قراه
جيت للمعركة فارس أصيل=
=اكسي المجد واطّرز رداه
لين عج الفضا صوت وصهيل=
=قلت حلم البقا ماذا دهاه
يا قصاص الورق حملي ثقيل=
=وانت تطلب مدد صوت النجاه
غبت بعيونهم مثل الرحيل=
=بس ما غبت بعلوم الرواه
كنت محتار من وصف البخيل=
=لين جاد الزمن شعر وهجاه
يوم كان الوفا عابر سبيل=
=قلت هذا العمى هذا عصاه
ما كرهت الصبر لانه جميل=
=ولا سألت السوي عن مستواه
شاعر ٍحر مشواره طويل=
=تاه عن غايته لين اهتداه
يعرف الشعر مخلوقٍ نبيل=
=ضمه لعالمه لين احتواه
ما تعلم طواريق الخليل=
=بس علم بجيله مارآه
يا رغيف الغلا وين البديل=
=في تراب الفقر ولاّ سماه
ايه واحلامنا مده هزيل=
=جلّها مات في أول صباه
لو تشابهت مع شم النخيل=
=ما تشابهت مع شدة ضماه
حاجة الوقت ما تغني ذليل=
=يا مدى الصوت عبّر عن صداه
ورحلة الموت ما تبغى دليل=
=اسأل العمر لا تسأل سواه
يوم كان الوطن هم ورحيل=
=قلت حلم البقا ماذا دهاه؟[/poem]
