\
\
مـراحب ..
أنـا لا أجيــد المقــدمات واقـدم لكـم هــذا النـص واتمنى يرتقي الى ذائقتكم الشعـريه ...
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شتـاي حــر وصيفــي ألهـب من النــار = وثـوبي شكـى سيـل المحـاجر شليلـه
والمـاي مـر وفـوق مـره بعــد حــار = أشــرب ويـدرج مع عيــوني مسيـله
وراسـي أصفــق به مـن جـدار لـ جـدار = منشـل فكـري ما لقيــت أي حيـله
أطلـب وأصـلي مع بـدايات الأسحــار =وأدعي كـريم كلنـا نلتجـي لـه
يفكـني من قيــد ظـالم وجبــار = قريـب حـاجرني بشــرع القبيــله
لا .. يا ولـد عمي لو صـار ما صـار = كنـت أحسبـك ظمـن العقــول الثقيـله
لا قلـت .. لا .. ما هيب فشـله ولا عـار = ولا تلنـي صـوت الحصـان وصهيـله
أبغيــك ذخــري في متاهـات الأقـدار = ولا غـاب أخــوي بيـوم تصبـح بديــله
حــره وبنــت أحــرار وافيـن الاشبـار = مابينـهم من جـاب لأهـله فشيـله
في شــرع رب البيـت من حقـي أختــار = هـذا عمـر ما هو بيـوم وليـله
خمـسة سنيـن أشكـي بهـا عبـر الأشعـار = حـتى الشعـر من شكـوتي طاح حيـله
مـرت عشـريني هبـوب بهـا غبــار = ما شفـت يا أهـل العــرف لحـظه جميـله
ذبـل جمـالي مثـل ما تذبـل أزهــار = من عقــب ذيك الطـله المستحيــله
وش خـانة الجنحـان في طيـر ما طـار = وسـط القفـص يبكـي سنيـن طـويله
كـل من سمـع شكــواه ضيـق له الـدار = وإن مـات ما ماتـت حـرايق غليـله[/poem]
وســلامتكم ..
