مصافحة أولى والاهداء إلى يوسف العتيبي معدي المراقيب
أول شي يسعدني ويشرفني الانضمام الى هذا الصرح الشامخ...
واحب ان أشكر أخوي يوسف العتيبي (معدي المراقيب) على الدعوة لهذا المنتدى...
والذي عتب علي وكانت مناسبت هذه القصيدة التي اتمنى ان تحوز على رضاكم...
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
لا مني يوسف لعله مايلامي = شايل (ن) في خاطرة لو ما حكالي
بشروه الشعر شايلته عضامي = قلت اعبرله وابين ما طرالي
ماخذيت الشعر من خال وعمامي = ولا شريته خالص (ن) من حر مالي
ولا سرقته فالخفاء مثل الحرامي =ولا أستعرتة من صديق ولا هنالي
أزهم الهاجس يجيني بالهمامي = أترك الهزله وأجيب من الجزالي
كني أقطف من بساتين الزلامي = أشرب من الشعر عذب الماء زلالي
أرتويت ولو تبون الصدق ضامي = شاعر (ن) موهوب والمعنى خيالي
شاعر محنك سياسين نظامي = أرتجلت الشعر والوزن ارتجالي
امسك الطاروق واشد الخطامي = عزي الحاله وانا عزي لحالي
غارق( ن) فالبحر والمركب حطامي = من نشدني قلت له داله وسالي
والحقيقة في خفوقي جرح دامي = ما يغيره الزمان ولا الليالي
كل ما طاح الشقاء عود وقامي = ليت دولاب الدهر مره صفالي
لو يقولون أنت صوفي(ن) وجامي = أجبر النفس الشقية للحلالي
قاطع(ن) بالموس عرقك يالغرامي = ما تغزلنا ب نرمين ومعالي
لو نصحني وانتقدني باحترامي = فوق راسي وأستمع له لا حكالي
ولو وقف ضدي عليه بالحرامي = حالف (ن) بالله لو جالي مجالي
ما تعرضهم بسيف ولا سهامي = لا بس( ن) درعي وجر الصوت عالي
خبروا يوسف بعد رد السلامي = خبروه الشعر ما فيه احتمالي
قدح راسي والمعاني من كلامي = صانها خالد لعل الشك زالي
والنهاية والسموحة فالختامي = أنتهي باللي بديته في مقالي
لا مني يوسف لعله مايلامي = شايل ن في خاطرة ليته حكالي[/poem]
وعذروني على القصور والاخطاء الاملائية
