عبدالرحمن البراق مدح بالشيخ طالب إبن شريم وآل مره
هذه القصيده كتبتها بمن يستحق المدح بالشيخ طالب إبن شريم المري وقبيلته في موقفه النبيل حين سعى بجاهه وماله في عتق رقبة الحميدي العتيبي وقد تبرع بمليون ريال في هذا السبيل ،،،،،،،،،
[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
لاصارت جزال الفرايد ترتقب لأمجادها = والمدح يغمرها فرح في سيرة الشهم الكريم
هو مجدها هو فخرها هو حلمها مرادها = اللي لقت عنده سمات المدح والمجد المقيم
إبن شريم اللي سبق بالطايلات وسادها = شيخٍ تعلا نايف الامجاد من وقتٍ قديم
الشيخ نسل الطيب لاشبت بقدح زنادها = شمر ذراعه وإحتزم وأقبل كما البحر الطميم
موجٍ على نار الفتن أقبل يريد إخمادها = وكن المواقف قايله مالي ياكود إبن شريم
خلى ليال الجور بسمه مثل وقت أعيادها = وقت الصوادف قدها بالعزم والقول السليم
طالب ياكنز المعرفه لاحيرت بضدادها = جاهك مع الكف الندي ربيع من روضة خريم
سعيت في عتق رقبه بعد نزلت في مادها = ماهي غريبه والجمايل بالليالي تستديم
من لابةٍ بالصيت مثل الشمس فوق بلادها = وإرجالها متوارثين الطيب والراي الحكيم
ألآد مره بالليال وجورها وشدادها = تارد ذحاح الموت والاخطار والخطب الجسيم
هذي شجاعه والوفا معها بسلم أجدادها = والجود والاكرام ماكنه سوى هتان غيم
عزوه سوات جبال مكه شامخه ببيادها = ماهزها طول الزمن والا ذعاذيع النسيم
سجل لها التاريخ والحجه عطيت إسنادها = ياحي هاك البحر الروس قلته والولي فيني عليم
مااشوف مري غير أشوف المرجله يقتادها = ومااشوف مري غير اشوفه بالطريق المستقيم
الفعل واحد ياحرارٍ نومسة بإهدادها = ألآد مره مثلهم ماجابت بطون الحريم [/poem]
((( عبدالرحمن البراق العتيبي )))
رد: عبدالرحمن البراق مدح بالشيخ طالب إبن شريم وآل مره
ابو عبدالرحمن صح بدنك يالغالي ولاعليك زود
