سوريا...اخيس سفره في حياتي
[align=center]
قصه حقيقيه حصلت لي عام 1417 ايام البنطلونات اللي تحت التنانير والبجامات اللي تحت بلايز الكت:مزون: ===والله عندي مقطع فيديو امّي مصورتني وانا صغيره وماباقي بنطلون مالبّستني اياه تحت التنوره:frown: ..تسمع بالستر:frown: عاد قاعده اركض الظاهر بروح لأبوي وفجأه وانا امشي التفت عليها وقمت اشّّر بأصبعي واقول لها لاتصدقونه :مزون:===طراه احلام يومها بالفيديو كليب:مزون:
المهم.. ايام ماكان الوصخ يتجمّع في خشمي ويتدودل بالاسبوع مااحد يمسح لي اياه:مزون: ...لين يصير يابس وينقلب لونه من اخضر الى بنّي همّن يطيح من حاله:frown:===والله لو ان خشمتس شجره :مزون:
اذكر مره جاني ضيق تنّفّس وكنت بموت لولا الدكتور الله يعطيه العافيه يوم ودوّني له سوّا لي عمليه جراحيه واستأصل جزء كبير من هالاملاح المعدنيه المترسبه في خشمي...لدرجة ان الدكتور يقول اول مره اسوي عملية الدوده الزايده في الخشم..:frown:
مااطوّل عليكم
ذاك اليوم دخل علينا ابوي وهو يصارخ ويزعّق ومخبّي يدينه ورى ظهره...وش كان عنده؟؟ تعالو نشوف مع بعض :11ughboun
**********
ياعيااااااال....خوييييييلد.. .نبضووووه...محمممممممد ...ياحررررررمه...مافيه احد بالبيت؟؟ ويييييييينكم...((لقد ارسل لك ابو خالد لتوه اشارة تنبيه)) :مزون:
طلعت من غرفتي وانا لابسه قبّعه على راسي وعندي نفيخه مليانه مويه وقعدت اضحك همن صكّيتها بوجه ابوي:مزون:
-عمىىىىىىىىى يعميتس يالتسلبه:11bomb:
انا: هماك مرسل لنا اشارة تنبيه يقال لك مدمن مسن الحين..قلت اخش معك جو:مزون:
ابوي:وين امتس واخوانتس؟؟ روحي ناديهم عندي لكم مفاجأه
انا:هااااااااه شايف لك صيده جديده؟:غمزه: معرس وجاي تب تحط امي قدام الامر الواقع هاه؟؟==وادقّه بكتفي واغمز له واقول له ترى من ناحيتي فأنا موافقه ماعندي مانع===لعنبوتس هذا وعمرتس 8سنوات وتفكيرتس تسذا :مزون:
طبعا انا آخر شئ اذكره بعد هالموقف مقاس نعال ابوي عقبها رحت اركض وانا بالعه العافيه وناديت اخواني وامي عشان نجتمع مع رئيس الولايات المتحده نشوف وش عنده يبينا ضروري..
رحنا الصاله وكل واحد قعد على كنبه ووقف ابوي بالنص وقعد يناظر فينا وانا اللي اتحمّس واحضن اخوي وابتسي واقول له كنت حّاسه اني حطلع نوميني:frown: :مزون:
طبعا للمره الثانيه شفت مقاس نعال ابوي عقبها ركدت وبرضو بلعت العافيه واستأذنت من ابوي عشان ارسل السواق يشتري لي كرتون عافيه جديد لأنه خلّص من كثر ماابّلع فيه===ها ها ها :frown:
المهم قال لنا ابوي...بكره تجهّزو واستعدّو بنروح رحله لسوريا...وهالمره بنروح بالسياره..كل واحد يجهّز شنطته ويستعد والساعه 9 الصباح يكون عند الباب..بنقعد لنا يومين ثلاثه وبنرجع..وعلى فكره...بيروحون معنا بيت جيّرانا ابو عبد الله وعياله وحرمته..قمت وخميته وتعلّقت برقبته تسني قرد ورفعت يدينه وانا اقول يعيش ابو خالد يعيش يعيش..
رحت ادقدق على صديقاتي واقول لهم انّي مسافره سوريا تسان يبون اجيب لهم معي رهش والا حلوى والا درابيل===رايحه الكويت وحنّا ماندري :مزون:
عقب رحت اجهّز اغراضي وارتّب شنطتي اللي صارت ربعها ثياب والثلاث ارباع الباقي مفرحات...خبركم توني بزر ويعنّني كييوت وآكل حلويات وتسذا===والكيوت يعني لازم ياككلون حلويات :مزون:
بالليل وحنّا منسدحين عالسرير
انا: خالد
خالد: نعم؟
انا: نمت؟ ===لاحظو السؤال :مزون:
خالد :لا وانتي؟؟==مااردى من المربوط الا المفتلت :مزون:
انا: وش رايك يعني؟ :مزون:
نوره: ياربييه والله انّي متحمسه..تتوقعون متى يجي بكره؟؟
محمد: بكره :11oto:
نوره: بالله؟؟ :مزون:
خالد:الحين بيت جيّرانا بيجون معنا بنفس السياره والا شلون؟؟
محمد: يمكن يروحون لحالهم ويمكن هم في سياره وحنا في سياره :11oto:
نوره: محمد وراه ماترقد وتفكّنا من اجاباتك اللي زي وجهك :مزون:
خالد: جهّزتو شناطكم؟؟
انا: ايه انا شنطتي جاهزه :11rob:
محمد: للأسف انا شنطتي تفصيل ها ها ها
فقهقه الجميع ثم اطفئو اللمبه وتلحّفو بالبطانيه ونامو:مزون: ==الله من المصاله:مزون:
***********
الصباح كل واحد لابس ومتكشّخ وواقف هو وعفشه عند الباب.....وانا كالعاده امّي مبلستني الشورت وفوقه البرمودا وفوقه البنطلون وفوقه التنوره وبجامه وقميص نص كم وبلوزه كت وبلوزه كم وجاكيت :frown:...يعني كل انواع الملابس ملبّستني اياهم مرتن وحده..ناقصني مايوه وقسم..:frown:
الحين على بالكم انا كل يوم ابدّل ملابسي؟؟ لا لا..كل يوم افصخ طبقه ويتغيّر اللبس لحاله:frown: ..
المهم...شغّلنا السياره وركّبنا العفش اللي كان عباره عن تسعميّة شنطه + 16 كيس+ 35 كرتون + 4 شنط يدويه صغيره ...كل هذا طبعا ل 6 افراد فقط:frown::مزون:...والله لو حنا بنهاجر...المهم رحت حجزت لي الكرسي اللي ورى..وحطيت شطنتي اللي جهزتها بالليل جنبي..وتوّنا مابعد نتحرك الا واناماكله كل الحلويات اللي جبتهم معي:مزون: ..حتى القراطيس بلعتهم ماكان فيه زباله جنبي...اذكر حتى عقبها لما رحت الحمام قمت اطلّع من تحت اكياس جاهزه:مزون:..تسني الدجاجه اللي يحطّونها في مدن الالعاب..اللي يحطون لها فيشه همن تطلع منّي بيضه لافتحتوها تشوفون كيس بطاطس مع وشوكولاته ومعهم خاتم بلاستيك صغيّر مايدخل حتى في اصبع النمله==حركات التويتاون :مزون:
المهم طلعو بيت جيرانا اللي كانو عباره عن ام عبد الله وابو عبد الله وعبد الله وريم وفيصل وخمس آلاف وثلاثميّة شنطه :مزون:...ذولا الظاهر خلاص بينقلون هناك..مااتوقع باقي شئ في البيت..اشوا بس ماصفّطو الجدارن بعد وحطّوها في كرتون وخذوها معهم.. ركبو سيّارتهم وتحركنّّا في تمام الساعه العاشره...ومن يوم مشينا لين وصلنا سوريا وانا مطلّعه لساني لبنتهم من الشبّاك واسوي لها حركة مع السلامه:مزون: ..مدري وش كنت احس به..حتى هي اذا صارو جنبا في الاشاره تأشّر علي وهي تكلّم امها وتضحك همن تسوي لي باي باي:مزون:..المشكله تونا شايفين بعض وعادي الوضع جدا..لكن اوّل مانركب السيّاره تبدا حركات البمزره ويعنّني اعرفتس وتسذا.. :مزون:
المهم وقفنا البقّاله ونزلت اشتري لي حلويات حق باقي الطريق ونزلو معنا بيت جيرانا. واشوف ولدهم فيصل اللي اصغر مني بسنتين.. كل ماآخذ شئ ياخذ له زيي..ويناظرني نظرات بنت كلب:frown::مزون: ..وانا اللي اروح انادي السكيورتي===سكيورتي في بقاله!ايه كمّلي بس :مزون:
رحت واعطيت ابوي السله وركبت السياره والتفت على سيّارة بيت جيرانا وبديت اسوي لهم با باي وتسذا :مزون:
فجأه نط لي ولدهم فيصل من الشبّاك وباس يدّه همّن نفخ عليها يعنّي انها بتطير وتجي لي البوسه الحين :frown::مزون:..وانا اللي استغرب وتصير الخلفيه وراي حمرا وتطلع فوق راسي علامات تعجّب همن ابدا اتحرك بالحركه البطيئه لين وصلت البوسه عند رقبتي عقبها طرت في الهوى واتشقلبت ثلاث ايام وصدّيت البوسه همن طحت عالارض مغمى علي===الكابتن ماجد متلطم :مزون:
لا صدز سويت نفسي مو مهتمه وتسذا:مزون:...ماباقي الا بزارين يتحرّشون فيني==الله واكبر يالتسبيره :مزون:
المهم مشينا ولما قطعنا نص الطريق جاني مغص في بطني مهوووب طبيعي==واالله من البلع:frown:
قلت لأبوي وقّف عند اقرب محطة بنزين ابغى حمااااام بأسرع وقت والا ابنفجر..قال الحين مافيه ولامحطه..تونا في البر..تحمّلي ساعه ساعتين وانشاء الله نشوف لك اي حمام ..انا: مااقدر يبه والله مغص مهوب طبيعي :frown:
ابوي: اجل انزلي في البر..وشوفي لتس صرفه..
انا: طيب وقّف
ابوي: خلي امتس تنزل معتس
امي: الله ياخذتس امشي يلاّ بسسرعه بتفشّلينا الله يلعنتس قومي قدّامي تحركي جعلتس للمغص اللي يقطّع بطنتس تقطيع ياتسلبه يلاّ بسرعه الله لايوفّقتس ...الخ===اقسم بالله ماباقي دعوه في الدنيا مادعتها علي:مزون::frown:..ماانسى هالموقف :مزون:
انا: طيب لاتقعدين تسبّين وش ذنبي انا :مزون::frown: ..ياتنزلين وانتي ساكته والا خليني انزل لحالي===مدري على ايش تهدد :مزون:
المهم اوّل ماوقّفنا في البر وتوّقف ورانا سيارة بيت جيرانا..
انا: يبه قل لهم يمشون وش يبون وقّفو ورانا الله من قطّة الوجه بعد :مزون::frown:
ابوي: عيب مانقدر نقول لهم يمشون..هم جايين معنا
انا: طيب انا ماآخذ راحتي هااااااو!!.. :11sure::مزون:
ابوي: مااقدر اقول لهم يمشون..تبين تروحين اخلصي ماتبين اركبي السياره وتحمّلي لين نشوف لك اي حمام
انا: اقول لك مااقدر..وبنفس الوقت مااقدر انزل جنبهم..حلا هو؟؟ وش يبوون بالضبط..وين المتعه اللي بالموضوع؟؟ :مزون:
امي: انززززززلي بس الله ياخذتس وياخذني معتس...الله يلعن الساعه اللي حملت بتس فيها..غلطه غلطه.....وعطتني بكس على راسي قسم بالله ولاالاندر تيكر:frown: ..للحين راسي مخفوس منه :مزون:
نزلت وبوبزت وجت امي قدّامي وفتحت عباتها تظلل لي وانا اللي تجيني الضحكه واقول لها يمه تصدقين اللي يشوفتس من بعيد على بالهم خفاش محرول :نيني:..عقب هالكلمه انا اللي تحرولت من الدعسه اللي جتني:frown: ..ماعندها تفاهم تدووووس على اللي قدّامها على طوووول ماتعطي مقدّمات:frown:===بالله؟ تبينها تستأذن منتس مره ثانيه يعني؟؟ :مزون:
خلّصت ولبست ملابسي واناظر سيّارة بيت جيرانا واشوف بنتهم للحين تسوي لي باي باي.....يلعن ام الفضاوه :مزون:
تحرّكنا وعقبها بنص ساعه جاني المغص مره ثانيه:frown: ...وربي مدري وش فيني ذاك اليوم...بس اوّل ماشفت امي طلّعت كرتون العافيه اللي شريته قبل وبلعت وحده وقلت ماراح اقول ابي حمّام الا اذا شفت محظة بنزين:مزون:...مالي خلق اتكفّخ من جديد.. :مزون:
والحمد لله شفت محطه وطمرت لأبوي قدّام واقول له يرحم ابووك وقّف هذي محطه ابي انزل قبل شوي مااخذت راحتي الله يخليك ..انا افدا ذا الشوارب صاير تسنك برينجلز:مزون: ..تكفى وقّف ونزّلني تكفى.. :frown:
ناظر امّي واشّر لها براسه يعني انزلي معها..قلت له يعني يومك بتسوي خير وتوقّف كمّل جميلك وخل حرمتك معك:frown::مزون: ..انت ماتدري وش يصير داخل..قسم بالله تتحوّل من انثى الى وحش :مزون:..ياحبي لها امّي..يعني مو ناقص الا ترمي قوطي سبانخ في الهوا همن تبلعه زي باباي ..:مزون:
وقفنا ونزلت ووراي امّي ماسكتني من شعري وتسحبني للحمّام واقوم التفت عليها واقول لها والله يمّه لو ادري انتس ماتحبين المغص تسان دقّيت عليه وقلت له يجيني بعدين لكن وش اسوي :frown: ..يجي من غير موعد التسلب السموحه هالمره ياطويلة العمر:مزون::frown: ..وعد مااكررها..واناظرها واشوفها ساكته...واقول..يمّه والله صدز تسان مضايقك المغص لهالدرجه بأمكاني ااجّله واخليه بكره مثلا:frown: ..واناظرها للحين ساكته...واقول لها..يمه..طيب شوي شوي شلتي شعري الله يهديتس:frown: ..يمّه..يمّه...واقوم ادخّل يدي تحت طرحتها واسحب شعرها واقول لها فكّي وافك:مزون:..مدري وش هالشجاعه اللي طبت علي فجأه :مزون:...عقب هالحركه ماوعيت الا و 4 عصافير مفقّعه وجيههم وكلهم دمّان يدورون فوق راسي :مزون::frown:
دخلت الحمّام ويوم شفته كذا سكّرت الباب وقفّلته بسرعه لاتشوفه امّي:مزون:..اذا في البر والوضع نظيف ذبحتني وكفّختني لين قالت بس...اجل وشلون في هالحمام الوصخ القذر:frown:..عز الله بروح ضحّية مغص :مزون::frown: ...قسمم بالله ياان الحمام وصخ بشكل...يحلفون ان كل اللي يدخلونه عميان...يعني لعنبوكم الحين مسوين لكم حفره لييييييه تحطون المنتوجات بره؟؟..والا السالفه سالفة عناد؟؟ :مزون:
لا.. ومن القذاره الزايده مافيه ولاذبّانه...حتى الذبان حامت تسبده من هالمنظر وهالروايح..:مزون:
دق الباب وارتعت وقمت قلت مييييييييييييين؟؟
قالت: ذات الرداء الاحمر..انا ليلى:مزون:
انا:ليلى؟؟ ماللذي اتى بكي الى هنا؟؟.. :مزون:
-جئت كي ادوس في بطنتس ياللي ماتستحين يالتسلبه...قال ليلى قال...وليلى فاضيه عشان تلاحقتس من حمّام لحمّام هاه؟؟ :11bomb:
انا: افا...الظاهر انها الوالده :مزون::frown:
اوّل مافتحت الباب وشاافت المنظر مسكتني من رقبتي وشالتني فوووووق ولفّت فيني 4 لفّات وصكّتني بالارض:frown:...طيب ابعرف انا وش ذنبببببي..والله مالي ذنب..هالمره من جد نزلت دمعه من عيني:frown: ====بدري :مزون:
ولبست ملابسي ورحت ركبت السياره...واناظر سيارة بيت جيرانا بس هالمره لقيت فيصل يسوي لي باي باي مهوب ريم الظاهر انها نايمه :مزون:
تحرّكنا عقبها والحمد لله وصلنا سوريا سالمين غانمين بعد مشوار دام مدري كم ساعه نسيت..
من كثر الطق فقدت الذاكره :مزون:
المهم اوّل ماوصلنا اجّرنا بيت حنّا وعايلة ابو عبد الله..وحطّينا العفش وطلعنا نتعشّى...همن رجعنا عشّان نريّح شوي ونمنا...
في صباح اليوم التالي..اول ماصحيت قمت بغسّل وجهي ولقيت قدّامي فيصل...قعد يناظر فيني وشوي شوي يقترب مني..لين حط يدّه ورى رقبتي..قلت مالي الا اتثاوب في وجهه عشان يعرف شلون يحط يده علي مره ثانيه:مزون:...وماامداني فتحت فمي الا وهو داخل غرفتهم ومقفّل عليه وبالع المفتاح بعد:مزون:===شدعوه؟ توم اند جيري؟؟ :مزون:
قسم بالله كان يتحرش فيني بشكل..هذا وحنا بزارين بعد.. :مزون::frown:
غسّلت وجهي وصحّيت ريم ورحنا اخذنا اعواد اسنان وولاّعه وطلعنا ورى البيت وقعدنا نشفّط في ذا الاعواد يقال لنا زقاير يعني:مزون: ...اذكر شكلي هههههه كنت لابسه كاب اللي يجي هديه مع شيبس تسالي ولابسه طقم الملابس اللي قلته لكم سابقا وحاطه عود الاسنان في فمي ومظلله بيديني عالولاّعه عشان اشعل العود واوّل ماسمعت صوت ابوي حفرت حفره وحطيت فيها الولاعه واعواد الاسنان:مزون: ..يعني يقال لي كنت اسوي شئ خطا:مزون:...استغفر الله مررررررض ..:مزون:
عاد كنّا حاطين حارس للبيت واحد سوري وكنت خاقه عنده انا وريم:مزون:..لاحظو كنت صغيره..يلعن ام الحاله من يومي داشره:مزون: ..نقصص ورق ونكتب عليهم ارقام خرابيط واذا مرّينا جنبه نرمي عليه همن نركض وحنا نضحك:مزون: ...مدري مين اللي لاعب علينا وقال لنا انتو كيووت.. :frown::مزون:
المهم كان فيصل اذا شافني دايما يمسك يديني وساعات يحط يده ورى رقبتي وماكنت اقول شئ:frown:===طبيعي ماتقولين شئ يالداشره..مستانسه :مزون:
لا والله كنت منقرفه منه وكنت اروح واقول لأمي عن حركاته :frown::مزون:
وكانت امي تقول ماعليتس منه يمزح وحتى ابوي يقول يمزح ..ماالومهم مو مصدقين انه يغازل وحده ركبه زيي :frown::مزون:
سكت ومشّيت السالفه لين قررنا نطلع رحله ولما ركبنا الباص جا وركب جنبي وباسني على خدّي:frown: ...وربي اذكر يومها قعدت ابتسي ورحت قلت لأمه شوفي ولدتس التسلب يغازلني:frown:===بقره ماكنت اغتنم الفرص.. :مزون:
قامت تضحك تقول لي يمزززح يمزززح...واخواني قاعدين ورى وقالبين ترمس المويه ويطبلون ويغنون علي انا وفيصل.. :frown::مزون:
والمشكله الحيوان كان مستانس...مااحد يقول له شئ:frown:..على بالهم يمزح ..وانا مدري ليش كنت معصبه :مزون:..يعني المفروض ابوس يدي وجه وقفا واقول الحمد لك يارب فيه احد يغازلني ويبيني:مزون: ..لكن كنت وقتها مطرطعه... :frown::مزون:
نكّدت عليهم ابو الطلعه لين قررنا نرجع البيت :11age5:....وحنّا في الطريق دق جوّال ابوي..رقم من السعوديه
ابوي: الو
-الو ابو خالد؟
ابوي: سم
-انا ابو مشاري جاركم..امس بالليل شفنا اثنين داخلين بيتكم..واليوم الصباح لقينا باب البيت مفتوح..والوضع مشكوك فيه
ابوي: افا؟؟ صدز؟؟طيب مين وكيف؟؟
-والله ماادري عشان كذا قلت اعطيكم خبر
ابوي: طيب طيب مشكور الله يعطيك العافيه
دق ابوي على خالي بالسعوديه وقال له روح البيت وشوف وش السالفه
راح ولقى الباب اللي بره مفتوح وباب البيت مكسور واغلب الاشياء مسروقه..:frown:
دق على ابوي وقال له الحق على بيتك تراه انسرق :frown:
على طوووول بلّغ الشرطه وقال لنا تجهّزو بنمشي السعوديه بعد شوي :frown:
مشينا واوّل ماوصلنا وشفنا خالي رحنا نشيّك عالبيت..ذهب امي مسروق+ تلفزيونات+ كنب...كل شئ.. :frown:
وطبعا الشرطه ماجو الا بعد فتره...وقالوا لنا راجعونا بعدين...
ومن يومها الى اليوم وهم ماسوو لنا اي شئ... :frown:
وش استفدنا من هالرحله؟؟
1:بيتنا انسرق:frown:
2: رجعنا على طول من غير مانستانتس
3: ضاقت صدورنا :frown:
4: انطقّيت لين قلت بس :frown:
5: في الرجعه مافيه احد سويت له باي باي :frown::مزون:
6: ماامداني اشبّك فيصل مضبوط:frown: ==تقولين ماتبينه؟؟ :مزون:
7:ماقدرت اجيب لصديقاتي رهش ودرابيل :frown::مزون:
وبس
مايستفاد من القصه
لااحد يضغط على اضافة موضوع وهو فيه النوم :frown:...لأنه في البدايه بيتحمس يكتب قصه همن يتوهق شلون يختمها :مزون:
تصبحون على خير:11rob: [/align]
