والله لتتعب وانت ماقريت كل ماكتبت هنا من اجلك استاذي الشاعر احمد العارضي والمعذره
اقتباس:
المشاركة الأصلية كتبت بواسطة احمدالعارضي
محمدالجبريني
صح لساانك الا مالانهايه
نص رائع وليس غريبا عليك
ومهما قلت عنك ماراح اجيب جديد
مبدع جزل رائع . كل هذه العبارات لاتحضر الا اذا حضر (قوي الشكيمه)
فماذا ساضيف لك ايها العملاق
لله درك وعسى ربي مايضرك
ولاتطول الغيبه ولو اني مدير والله مااعطيك الاجازه لان منتدى غرابيل قائم عليك وعلى امثالك من شعراء الجزاله والابداع
تحياتي وتقديري
اخوي الشاعر احمد العارضي
صح بدنك وقلبك وكلك وتسلم بيظ الله
وجهك ياذيبان تقبل فائق تقديري واحترامي
بس عاد ماتعطيني اقازززه ليه يقدع الحمد لله انك منت مديري ولا مديني كل يوم اهجوووك ههههههههههههه ومخرب الصحبه معاك وانت شرواك معرفته والله مكسب لاهنت ابشر بما يرضيك
يالقرم خلني اخذ اجازه عشان اكتب شي انا الى بقيت فتره في مكان واحد اهنق ولاعاداكتب شي ماودي اطيل عليك بس من شان انك فسحتني شوي بكلامك الجميل والعذب ودي اعلمك بسالفه امس بعد المغرب
كنت في مملكة البحرين من الصبح سارح من شان اشتري حلاوه بحرينيه وفيه حلاوه
دايم عند اخوي في الخبر يجيبهامن البحرين ساحرتني سحر اليا جابها اشربلي ثلاث دلال قهوه
واقول سو غيرها لين اخرتها معاد يجيب هذيك الحلاوه لي بطل من اسرافي في شرب القهوه بسببها
المهم السالفه اني رحت ودجت نهااري مملكة البحرين كلها مالقيتها وماعرف اسمها مريت على حلويات
جمال الشويطر كلها في المنامه, والمحرق.
ونهاري ماتقهويت ويوم امسى على الليل بعد المغرب وانا عمسان من القهوه الى اخر درجه ورحت أشغل الموتر وني اشوف تحت الفندق الي نهاري مستاجر فيه محل للحلوي وفيه هندي بياع وفيه بنت متحجبه بحرينيه ومزيونه بالحيل ماشالله عليها الحق يقال عاد . اعتقد انها مديره المحل او صاحبته وانا انززل ومانزلت على شان زينها لاوالله بس ابي حلاوووه ههههههههههه نزلت ودخلت وسلمة عليهم قلت فيه حلاوه ماعرف اسمها مسميها انا حلاوت القهوه ماعينها عندكم قالت السيده وهي تبتسم انت تشرب قهوه قلت من امس علمي بهاهههههههههه وهي تطلع دله وتاخذ الفنجال في يمينها وتصب صبت القهوه المعتاده عندي وتسوق علي الفنجال واخوك لو لقي محل قهوه تباع الدله بخمس مية ريال ماعود عنها وانا اخذ الفنجال وهي تطلع طبق مفتوح حلاوه والينها هي نفس الحلاوه اللي ادورها ههههههههههه سبحان الله. وانا اشرب ثلاثه فناجيل ولو ماالحي الي انتابني لشربت دلتها كلهالانها قهوه بصدق نفس قهوتي التي متعود عليها
وذقت الحلاوه لتأكد بعد ههههه ونها هي حلاوتي وقلت لها هذي حلاوتي الي ابحث عنها عندي هنيه وانا ماخليت محل اليوم ماجيته ادور عليها واضحكت وهي تصد عني وهي ماودها ان تظحك مع احد يبدولي من ملامح وجهها ولأني انا ماضحكت وقلت كلمتي عفويه ههههههه لاني منقهر من نفسي والله وقاعد اعاتب نفسي واقول عزالله اني عمى عساي ادل طريق السعوديه ورجع بس بسلامه اليوم نهاري راح في التكاسي والملعنه والخساير والحلاوه تحت الفندق اللي انا ساكن فيه وقلت لها ,,, قولي للهندي يحمل الشنطه من نفس هذي الحلاوه لو سمحتي . واللي اعجبني انها حركت هاجوس الشعر لدي رغم تعبي الشديدوماطرى على بالي قبل الثلاثه الفناجيل ان اتطرق للشعر او يخطر ببالي ولاكن فجئه اندفعة هواجيسي ويالله صبرت لين اخرج من المحل
قمة أفتر في المحل تقول مجنون وابرم السبحه نص الحلويات طشرتها من صحونها ههههههه وكتبت ابيات ليس مجال لذكرها الأن الي عدة من الاجازه على خير اتواصل مع غرابيل بهاان شالله والابيات ادناه ليس من القصيده هذي تعتبر مقددمة القصيده وهذي على بحر وابياتي الاخري على بحر اخر وانا اتكلم من واقع لمتسه ولامس مشاعري جدا ويازين الثقه في النفس اكبر شي للانسان تقته بنفسه صدقوني سواء رجل ام سيده
الله الله
[poem=font="Simplified Arabic,5,darkred,bold,italic" bkcolor="transparent" bkimage="" border="inset,7,limegreen" type=2 line=0 align=center use=ex num="0,black"]
نذرأً على رقبتي ونذر عليه= ماساقت الفنجال بنت(ن) رديه
عاشة يمين(ن) ساقت الشاذليه=انشهد انهابنت اصيلين واحرار
ياكبر حجم البنت في وسط عيني=خلت بيوت الشعر غصب(ن) تجيني
وان باح سدي رغم سدي كنيني=وماني بداري وش جرالي ووش سار
امنول موقف عن الشعر مده= لاكن ذلليله وصل فوق حده
ولاخير في من شاف طيب ولاعده=ماهو بلاشاعر ولاهو ببيطار [/poem]
هذي مقدمه بسيطه وحيث اني اطلت في سرد القصه لايسعني ان اكتب المقدمه كامله والمعذره على الاطاله تحياتي وتقديرري لك اخي احمد العارضي ودمة بخير وموده
اخووووك
