صرنا "تكاسي" كل أبونا وننكد >>> من "الرياض لبوظبي للمنامه"
صلوا على سيدنا محمد شفيعنا يوم الحشر اللهم صلي وسلم عليه
...............................................
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
البارحه واليوم محتاج للغد = يا رب عجل بالفرج والسلامه
والوضع صاير بين واقف وممد = والعاقل إلي صار مثل "النعامه"
وشعوبنا إلي همها تعبر "الحد" = من بعدها تبدأ صراع الزعامه
ما تدري إن البحر يا "جزر يا مد" = "يمد يجزر" من يخالف نظامه
خلاصة الأفكار قم هات قم ود = و"ستايل" الرجال سر اهتمامه
والشايب إلي صار في المجتمع "جد" = شخص "ببرمودا" وطش "العمامه"
واصغر صغير يقول يا "مايس القد" =قام إيتغزل قبل يوصل فطامه
حتى النواعم بعد ما كانو السد = صاروا بوسط "السوق" سلعه وخامه
في عصر "ياستار" لا تنتقد حد = ما عاد تفرق "صقر ولا حمامه"
"الزبده" إنا ما نبي نسمع الرد = الجيد إلي قال "حب وكرامه"
هذي هي أحوال القصايد ولو لد = فيها "الثراء" بالدمع هان "الغمامه"
هذي هي أحوال القصايد ولو لد =فيها "الحجاز" انهد واصبح "تهامه"
هذي هي أحوال القصايد ولو لد = لاحوالها "بوش" اتفق مع "أسامه"
مثل "الرياضة" عندنا كلها شد = وصفيرة "الحكام" عذر الغشامه
"هلالنا والنصر" يا هوش يا هد = لين "الكثيري" أنطرد من منامه
وهزيمة "الريان" يفرح بها "السد" = لو كان يلعب ضد "نادي الكرامه"
واحد "يشوت" والف واحد نوى الصد = الألف خلفه ما توقف أمامه
هجمة ورى هجمة ولا اظن ترتد = إلا "بحارس" طوله ألفين قامه
صرنا "تكاسي" كل أبونا وننكد = من "الرياض لبوظبي للمنامه"
"تكسي" مثل "ددسن" على حوضه "الشد" = يطرح له "المرسدس" رمز الفخامه
و"مناحي ايلالي" على "الباص" لو حد = "جمس(ن)" تربى في طعوس "الثمامه"
بريال بريالين ورسالتك "شد" = و"يلجلج" الشاعر ويكرب حزامه
يجيب له مليون رد(ن) ورى رد = راتبه "ليره" زايد أكل واقامه
و"التكسي" إلي طاح عزمه ولا شد = بيعه على "التشليح" ماهو ندامه
البيع لاعلى سعر ما عاد به حد = اشتر مدام "القرش" بيدك خطامه
بالمختصر يا وقتنا تبغي الجد = "موبايل" الرجال اصبح حسامه
"حرب الموبايل" قدت اعقولنا قد = وحرب "التوابع" تسعد اهل "الاقامه"
والمسلم الي يعرف "الذنب والحد" = يبايع "الوالي" ويتبع "إمامه"
ما قلت لك يا شيخنا "عش أو غد" = الأجر لو تبغيه هات "ابتسامه"
السبت مثل السبت والحد بالحد = والعيد في وجه الزمن مثل شامه
مدام "مدغم" غاب في لحظة العد = الي حلاله راح يفقر حرامه
مدغم خروجه بين "الشد والمد" = و"طويق" ثابت لين "يوم القيامه"
"الخال" حبه جملت صافي الخد = وإن زاد "حب الخال" ما اصبح علامه
والبدر يبقى بدر ما تلحقه يد = ويجمله ليله بقسوة ظلامه
فيا سيدي الفلته على هونك وهد = شوف القمر ساكت وكله وسامه
...................
[/poem]
محمد بن دوشان
رد: صرنا "تكاسي" كل أبونا وننكد >>> من "الرياض لبوظبي للمنامه"
اقتباس:
المشاركة الأصلية كتبت بواسطة نياف العتيبي
ابن دوشان
سهام هنا وهناك لايطلق عليها طائشه
لان راميها يجيد الرمايه
صح لساااانك
ولاهنتتتتتتتتت
الناااااايف
مرحبا 1000 يا نياف
وصح بدنك
وما عليك زود وانا خوك
شرفتني بمرورك الله يشرفك بطاعته ورضاه
رد: صرنا "تكاسي" كل أبونا وننكد >>> من "الرياض لبوظبي للمنامه"
اللهم صلي وسلم على نبينا محمد
محمد بن دوشان
سلم قلبك وبنانك ملايين
ارق تحية
رد: صرنا "تكاسي" كل أبونا وننكد >>> من "الرياض لبوظبي للمنامه"
صح لسانك يامحمدبن دوشان
شاعر جميل وابداع رائع
لاتحرمنا جديدك ايها العذب
تمنياتي لك بالتوفيق
رد: صرنا "تكاسي" كل أبونا وننكد >>> من "الرياض لبوظبي للمنامه"
http://www.al-wed.com/pic-vb/10.gif
محمد بن دوشان
لله درك نص جزل وجزل وجزل إلاماله نهايه
نص الشاعر المحترف
نص ابداع وتميز وحبك وسبك وعزف منفرد
هكذا يكون الشعر وإلا فلا
صح السانك لين ترضى
رد: صرنا "تكاسي" كل أبونا وننكد >>> من "الرياض لبوظبي للمنامه"
هلا والله وسهلا فيك يااااااخو سلمى انا متابع لك في كل المنتديات
شاعر جزل وجميل بصراحه انت شرف لنا قصيده اعجبتني جدا
تستاهل الطيب ياااا بن دوشان
محبك احمد بن عجراف
رد: صرنا "تكاسي" كل أبونا وننكد >>> من "الرياض لبوظبي للمنامه"
ابن دوشان
صح لسااااانك
سلمت يمناك
سلام..
رد: صرنا "تكاسي" كل أبونا وننكد >>> من "الرياض لبوظبي للمنامه"
يا هلا والله يا بن دوشان
وصح إلسانك مدد بلا عدد
وبيض الله وجهك
قصيدة قرأتها مرات كثيره من شدة إعجابي بها ..
أبحرت في كل البحور وكأنك دليل سياحي على الدنيا وحالها ونحن السواح
بارك الله فيك ,.
