هاجس الخلان ،،،،، عبدالرحمن البراق
((هاجس الخلان))
[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الاياجفن فيك الضيم آرق = ولو إنك على ريش ونمارق
سرابك هاجس الخلان حتى = بدالك شي من يوم المفارق
تعلقت بجناح الهاجس اللي = غدابي بالمغارب المشارق
مع الذكرى وحزنٍ بالحشايا = سطا قلبي من الاحزان حارق
وعيني بالسهر يرمش هدبها = ومتني قلبه ضرب المطارق
يصافحني زمان الهم دايم = بكفٍ شدني عيا يفارق
ألا يامن يغار البدر منه = غشاه النور بالخفاق شارق
وفيه العفه اللي زان فيها = بكله صار للهاجوس سارق
علامك رافعٍ كف الموادع = وغصن الحب بالبستان وارق
ترى حبك فتح كل السدودي = كما الفاتح وإبن زياد طارق
توافيق الزمن في وقت حبك = تراني حايزٍ جل البيارق
وعلى الفرقى تهد أهرام وقتي = وبابي جاه زول الحزن طارق
وتفرح عاذلٍ يبغى الشماته = كلامه بالحسد كالرمح زارق
ترانيم اللقا وزفرات فرقى = على وجه الزمن بالبين فارق
مفارق يشبه الليل الغداري = بهيمٍ ماسرى فيه المدارق
يحل الجسم في نحل الهياكل = ولو إنه منول كالافارق
وتلاقي كنه الوسم المبشر = سحابٍ فيه رعادٍ وبارق
والا يالله طلبتك يامهيمن = تكافيني من شرور الطوارق
تسبب زفرة الهم الثقيلي = ودمعٍ صار للاجفان غارق[/poem]
((( عبدالرحمن مجاهد البراق )))
