خابرين الحرام وخابرين الحلال...........ما ندور شهود ولا ندور دليل
مساء الخير
اقدم لكم جديدي وعسى ان تنال اعجابكم
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لوتبـور الليالـي ماتبـور الرجـال=والعهـد مانخونـه والليالـي رحيـل
لو تهب الهبايب من جنوب وشمـال=مايميل الجبل عـن وقفتـه مايميـل
ابركي يالركايـب وابـردي يالـدلال=خابرين القصير وخابريـن الطويـل
وخابرين الحرام وخابريـن الحـلال=مانـدور شهـود ولانـدور دلـيـل
لو رؤوس الحقايق تندفـن فالرمـال=ماتغـيـر كثـيـر ولاتغيرقـلـيـل
لاتـزال المواقـع باقيـه لاتــزال=ولايـزال العزيـز ولايـزال الذليـل
قافليـن الـدروب وقافليـن المجـال=مستحيل الـردى يستاقنـا مستحيـل
ماعقلت الذلول ولانقضـت العقـال=حلها اللي هجوسـه ماتـدور مقيـل
ترثع الحالها واشدادهـا فـوق مـال=فالخلا المختلي قامت تحـط وتشيـل
مرخيه راسها والذيل شايـل وشـال=مير ربي عثرها فالخـلا المستقيـل
طاحت بحملهـا والله عزيـز وينـال=والعوض فالكريم اليا عرفت البخيـل
والله اني ليـا دار الجـدل والجـدال=قلت ربي على الدعوى بصير ووكيل
يالله انك تجملني علـى كـل حـال=ولا تشره علي الناس وانـت الجليـل
خوة اهل الشجاعه تعتبر راس مـال=ومن يفرط براس المال ماله عميـل
ماحسبت ابرصيدي كم عندي ريـال=احسب الوقت هذا كم عنـدي زميـل
والليالـي تعاقـب والزمـن للـزوال=ولاندور ورى الايام غيـر الجميـل
هيه ياللي كساك الوقت غنـج ودلال=اشرب اعروق قلبي دام مالك مثيـل
واسقني لين تاخذنـي لحـد الثمـال=والله انك على قلبـي لحالـك نزيـل
تملك الحسن ولحالك ملكـت الجمـال=واعذابي عليك اليا نقضـت الجديـل
كل مااكتب قصيده قال طيفك تعـال=حطني فالقصيده ثـم شـب الفتيـل
قلت تبشر وانا فوقي حمول الجبـال=مانسيتك ولو حمـل القصيـده ثقيـل
بس انا خايف انك تسمع اللـي يقـال=وخايف ان الخليل يصير ضد الخليل
المشاكل تعاقـب والسوالـف طـوال=وانت توك على سن الطفوله دخيـل
عمرك اصغير لكن رمش عينك جلال=واشهد اني تحت رمشك طريح وقتيل
ماعشقت الجنون ولاعشقت المحـال=لين شفتك وصرت آموت فالمستحيل
وآخر السالفه عندي مجـرد سـؤال=ليش بعض البشر مايذكرون الجميـل [/poem]
