المشاركة الأصلية كتبت بواسطة نايف السليطي
[poem=font="simplified Arabic,5,darkred,normal,normal" Bkcolor="transparent" Bkimage="" Border="groove,4,gray" Type=1 Line=0 Align=center Use=ex Num="0,black"]
يضيع حق الناس بيدين خدّاع=وحنّا على بيض النوايا صعاصيع
حتى كلونا ناس أشباه جيّاع=ثم زرطونا مثل زرط المراصيع
ناسٍ على دجل الخوي صيتهم شاع=يالله تكافينا بلى كل خدّيع
يمشون فينا شبر , ونطمر لهم باع=ونطبّع الملعون بالطيب تطبيع
حتى يصير لطيّب الذكر مرباع=وكلٍ على بيته سواة المهازيع
واللي رفض درب السليطي ولاطاع=بقريح أبو زنّه ليا ربّع الريع
وش لي بوجع الراس وأخوان هزّاع=اللي يبون السالفة منّك تذيع
أجنّب اللي جاب إلـ راسي صداع=وأحطّه بيسراي وأعرضه للبيع
واللي بيميني حر للصيد فدّاع=غصبٍ على اللي شاف أفعاله يطيع
هوايته جمع المزايا والإقلاع=فوق السحاب اللي رعوده مقابيع
يمطر على ربعه من الخير أنواع=بسحابةٍ همّالها سبع أسابيع
لأنّه سبع وأجداده الشمّخ أسباع=اللي حموا (برزان) من جيش تبّيع
اللي ليا صاحوا تزلزل بنا القاع=ثم إنتخوا من فوق قبّ ومفاريع
كنهم على كبد المعادين جيّاع=من شافهم غصبٍ من الهيبة يضيع
يخونني التعبير والقلب طمّاع=ولاقلت في ربعي كلام الفقاقيع
هذي الحياة إمّا تخاويك بذراع=بيدك تحرّكها لو انها زعازيع
وإلا ليا بار الخوي والقوي طاع=المووووت أبرك من حياة التواقيع
هذا زمان المال ياراع الإيداع=إنت الحظيظ اللي ينوش الأصابيع
وإلا الكريم الوقت هذا ليا جاع=ياكل ويشرب من مرار القراطيع
من كان يحمل فوق متنينه إبداع=يطيح لو إنّه على نخوته ذيع
قلبي غدى من لايع الوقت مرتاع=من لايعٍ يسطي على القلب وتميع
عروق قلبي كلبوها بالإجماع=من دون حذف المشكلة والمواضيع
أطباعي اللي عشتها مالها أطباع=ياعزّتي لأبو العيون المداميع
يامووووووووت عجّل وأقبل اليوم وبساع=زهقت من دنيا تشيب المراضيع
زهقت من دنيا تشيب المراضيع[/poem]
