. . . ( إلى غرابيل وأعضاءها الكرام ) . . . !!
[align=center]مساءكم سكر :
.
.
.
لا أعرف كم مر من الغياب . . لإن ( الغياب) من أجل ( الحضور) .. حضور مختلف !!
.
.
إلى غرابيل يوماً يوماً . .!!
إلى مساءات الشعر التي كانت . . !!
وكان ( الهوى الغايب ) . . !!
.
/
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هنا هنا كوَنت لي في غرابيل = جمهور من أهل الادب والثقافة !!
وكسبت معرفة الرجال المشاكيل = اللي لهم في سيرة الطيب إضافة !!
والشعر ديوان العرب مثل ماقيل = والأجمل اللي مايعرف الكلافه !!
ولولا إختلاف الذائقة للتماثيل = تساوت بيوت الذهب .. بالسخافة !!
مايجتمع عدل القصايد مع الميل = الأول أبقى .. وأكثر الشعر تافه !!
أغرق بحوره من زمان .. الجهاهيل = وطبل لهم أصحابهم بالصحافه !!
أتعب ورى اللي ودها ينهك الحيل = وأقطف نواعمها برفق ولطافه !!
حتى الليا مرت سموع الرجاجيل = تحتار . . هي حقيقة ٍ أو خرافه !!
تفتح لها قلوب النشامى مداهيل = تقول معزومة بقصر الضيافه !!
وتبقى مع الأجيال جيل ٍ بعد جيل = رمز ٍ يورثه السلف للخلافه !!
لعيون من تزهى الذهب والخلاخيل = اللي لها سعي الخفوق وطوافه !!
لو تنقطع منها جميع المراسيل = وإلا تطول مع الغياب المسافه !!
باقي غلاها مايبي أي تعديل = صرح ٍ بعيني كل من مر شافه !!
والليا تذكرت السنين المقابيل = أخذت من بوح الخفوق إعترافه !!
كنه ينشدني وأنا أحط وأشيل = بين الصبر والتضحية والحسافة !!
وأقول ياقلب ٍ نسته المواصيل = قلب ٍ عطاك (أحلى العمر) لاتعافه !!
إلا الليا ضاقت عليك المداخيل = وذابت عروقك حزن ( ليلة زفافه ) !!
مايقتل العشاق إلا هاك الليل = ألليا أنتهى عمر الغرام بجفافه !![/poem]
.
.
.
وسلامتكم .. !!
منصور الحربي
23/2/2008م[/align]
