أسرار الأميــــــــــــــــــــ ــــره ...
[align=center]ايها الأخوه والأخوات أضع بين أيديكم هذه المتواضعه
التي أمل ان تجد لديكم القبول والإستحسان .. وبدون مقدمات:[/align]
[poem=font="Simplified Arabic,5,black,normal,normal" bkcolor="transparent" bkimage="" border="double,3,gray" type=1 line=0 align=center use=ex num="0,black"]
الهجوس تداعب الخاطر وتدهن سيره = والقريحه تعشقه وتعانقه وتسوقه
والقصيد ان ما لقا من شاعره تقديره = مستحيل يجمله والا يوافق ذوقه
كل همي فالقصيد استدرجه واثيره = استبيح بقدرته ستر العقل وحقوقه
لين احط اسرار همي كلها في بيره = ما يطلع دره الطواش من صندوقه
واوجودي وجد صقار(ن) نقفت طيره = عجت(ن) هبت عليه وفلته بسبوقه
في جبال من قرى الحره ماحوله ديره = انقطع منه الرجا ما عاد له بلحوقه
اشقر(ن) صافي وعينه تقل عين اميره = يوم نادت عبدها للسبرمان يسوقه
سيده في المجتمع ومدللـه وصغيره = زوجها تاجر ذهب من عائله مرموقه
وكن راسه رأس داباً للصفير يديره = كل ما ارخى مسمعه عود يلوط شدوقه
ما شراه ولا دفع به من حلاله ليره = ولو بغا يشريه ما يقدر يسوق فروقه
جاء من ( محمد ولد زايد ) فريد السيره = واحد(ن) يمناه ماهي بالعطا مسبوقه
حاتمياً مدته تعطي الفقر تسفيره = يتحدى أهل الكرم تلعب على طاروقه
جاله الصقار زاير طامعاً في خيره = قال خذ هاذا هديه ريشته محروقه
من بعدها صار ما يملا عيونه غيره = كن كبده من بعد طيره غلا مشقوقه
آه .. ياوجدي مثل وجده عساها خيره = لا تذكرت السنين اللي مضت ممحوقه
والنصيب اللي حفت رجلي على تدويره = ما لقيته في مسا عمري ولا في شروقه
علم .. مادري حلم .. وايقظ نومتي تفسيره = كن نفسي من شقاها للتعب مخلوقه
وان ذكرت اللي لعب في خافقي تمريره = بين قلبي والحجاب ومهجتي وعروقه
من غرامه شب من بين الضلوع سعيره = ما يطفيها سوى شيئاً عجزت اذوقه
هرجته مع قلها من شفته تخديره = آه .. يا لبيه يا حكيَه .. ويا منطوقه
صفح صدره فيه من نور القمر دويره = وكن ملمس طلع صدره بيضة(ن) مسلوقه
واله خصر(ن) لو بغا يلبس عليه أسويره = كن مابه عظم غير القامه الممشوقه
الخيال يتوه في وصفه وفي تصويره = وصفه أكبر من خيال العشق للمعشوقه
هو بعيني جوهره واللي بقى قصديره = فص مرجانة بحر عنها الصدف مفلوقه
احتفظ به سـرَ.. ما للبوحته تبريره = الحنايا بيت همه والحشا صندوقه [/poem]
[align=center]وسلامتكم ،،،،،[/align]
