ياحمود شف الهوى وش لون سوّابي
[poem=font="Andalus,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحمود شف الهوى وش لون سوّابي = وشف السهر والشقا والهم والغربه
تجمعت كلها ياحمود لحسابي = ياحمود حسبي على اللي صار لي سبّه
في كل يوم افتقد واحد من اصحابي = تخلّوا الناس عني وضعت في غبّه
في عزلةٍ عن جميع الناس واقرابي = بأسباب وقتٍ سواتي قام يلعبّه
شف الهوى والمحبه تحرق أعصابي = نارٍ بوسط الحشا ياحمود مشتبّه
منول ان شفت لي فالود منصابي = اقول من حبه مسوّي هذا قبّه
لكن دار الزمن والوقت غلابي = وتسبب الحظ لي ياحمود في نكبه
تعلّق القلب في مدعوج الاهدابي = واقفا وهو مادرى اني طحت في حبّه
لو قلت ابسلا بغيره صرت كذابي = مأقدر على مواجهه ولا أقدر أكبّه
واليوم ادوّر مع اهل الطب الاسبابي = لو ان جرح الهوى محدٍ لقى طبه[/poem]
