هذي علوم وباقي علوم وعلوم
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من صبح يسبح في سما راسي غيوم = فى العين بارقها وفى اذني رعدها
صقر الفكر من حولها دوبه يحوم = قدها ياصقر الفكر بالعرف قدها
حذراك تهضم شي فى الوقت مهضوم = دوّر نوادرها ودوّر جددها
أمطر على اللي يسمعك در منظوم= خلّه من إعجابه يقوللك عدها
مقولة ان الناس معطى ومحروم = مؤمن بها في وقتي ومعتمدها
شفني لياشفت السما كلّها نجوم= أرفع يدي واقول ويارب زدها
مير الكلام اللّي يصحّي من النوم = أيّامنا ماسبتها مثل أحدها
فى الدرب تلقى واحد يطيح ويقوم = وتلقى اللذي يمشي على غير يدها
وتلقى اللذي يرقى الطويلات ويروم = وتلقى اللذي ينزل بعد ماصعدها
وام الولد لو حاولوا دايم الدوم = ما غيّروا من حبّها في ولدها
ياكم رضيعٍ ودّك يصير مفطوم= وكم روح حيّه تندفن في لحدها
وكم سيف له لمعه وهو سيف مثلوم= وكم نفس تتعب مير ضايع جهدها
وكم من ليالي تنتج إنتاج معدوم= ودّك لوّ ان اللي سهرها رقدها
لا قلت ياقلبي على ويش مهموم = يقول سل سيوفنا من غمدها
على العرب تحالف الفرس والروم = واقول باقي حاجه أمر وادها
لكن ياقلبي تريّح ومخدوم= اللي رغب فيها لك الله زهدها
هذي علوم وباقي علوم وعلوم = يحلّها ياقلبي اللي عقدها
ماكل ماينقال واضح ومفهوم = لكن من دوّر عليها وجدها[/poem]
