المشاركة الأصلية كتبت بواسطة فالح المصعوك الغنّامي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رقيت بهاجسي فوق المناره=اردد بيني وبيني عباره
الا يالله تلهمني بصبرٍ=وتجبر خاطري عقب انكساره
جريح وكبريائي مانسيته=ولكنّ الالم صعبٍ حصاره
يضيق الصدر وافكاري توسّع=وجرحي يتّسع رغم انحساره
تعشمت بزماني لين جاني=مغير ويلحق الغاره بغاره
وانا مثل الجبل راسي وثابت=ثباتٍ من علوّه لإنحداره
ربا في وسط عيني حلم طفلٍ=ربيع العمر واقف بأنتظاره
على الله اتكلّت ونعم بالله=وتكلانٍ على غيره خساره
ابمضي في طريقي متّكل به=واعوذ برحمته من حر ناره
واذا دارت رحا الدنيا ودارت=دواليب الزمن تاره وتاره
يقينٍ بالقدر يرتاح بالي=على دربي ولااغير مساره
ولااصارع على دنيا دنيّه=بزعم مواكبة ركب الحضاره
اذا هذا نهش من قسْم هذا=وذاك يصارع العالم نعاره
سعيت وعارفٍ رزقي يجيني=بأمر الرازق بحكم اقتداره
ابرضي من على الوهن حملتني=وابوي ارضيه ماادنس وقاره
واذا قسمي من الدنيا شويه=عصاره من عصاره من عصاره
اخير من المهونه والمذلّه=لو انه لجل منصب فـ/الوزاره
ليا جاء للفخر والعز طاري=وولد اللاش بالمال افتخاره
توشحت الوسام اللي يشرف=ورثته من عشاشيق الصداره
يطيب الفال لامن قلت ربعي=وذكرت افعالهم طيب وجداره
ذكرت الّلابه اللي لانشدوني=من اي الناس؟جاوبت بإثاره
ولد غنام روقيٍ عتيبي=أماره في أماره في أماره[/poem]
