[align=center]السلام عليكم ورحمة الله
صباحكم ورد
ردي على قصيدة محمد ضاوي
اللي مسندها له شهور
وعيا يجي الرد دقرت القريحة هههههه
مارديت ولا حرف وراح الرجل ونزلها بالنت عشان يحرجني ارد
ولي اسبوعين اقابله واقوله كتبت بيت ومرات كتبت بيتين وانا والله ماسويت فيها ولا حرف
الا اليوم العصر جت مرة وحدة خلال ساعة ونص ههههه وانا مدقر لي شهور سبحان الله
وحسيت اني سددت الدين ياناس اتهرب منه لي فترة هههههههههه كنه يطلبني
والحقيقة ان ابداعه يجبر الواحد انه يرد بحرص وتروي وبشي يحاول الوصول لمستواه
ودقيت عليه وبرواية ابن ضاوي دقيت علاه وسمعته الرد ولله الحمد
والحين اضعها بين ايديكم[/align]
[align=center]
البداية مع قصيدة محمد ضاوي [/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بديت من أنزل تبارك والانفال=سبحانه الله عن سواه مْـتعالي
المبتدا بالله في كل الاحوال=رضيت به ربا ً على كل حالي
ثم ملت للدفتر وسجلت مرسال=مرسال مني لطيبين الرجالي
ينصى رفيقي مسندي طيب الفال=رجال من روس الرجال الثقالي
ينصاك يافايز ويشكي لك الحال=والمشتكى لله منشي الخيالي
ما أشتكي من ضعف أو قلة المال=أنت تعرفني ياحميد الخصالي
شكواي من غرون تركني ولا زال=حبه بقلبي مثل راسي الجبالي
يقول يما شرع ولا تسهّـال=وانا حكمني سلم عمي وخالي
لابوك ياسلمن هدم كل الآمال=حرمني الغالي وانا به أغالي
بنيت حلم أطفال وايـّـست وانهال=حلم الخيال وعشت باقي خيالي
الذكريات اللي لها القلب مدهال=اللي تسليني ليا ضاق بالي
اللي غديت ابـْـها عن الناس في حال=بين الخيال وواقعن ماصفالي
وش هي سواة اللي محدودن على الجال=فدني بشورك ياكريم السبالي
فدني بشورن يقطع القيل والقال=وجنبني المنقود واعرف مجالي
تمت ولا تمت تحرى لإرسال=جوابك اللي يحل آلن وآلي[/poem]
[align=center]
وهي على هالرابط
هـــنا[/align]
[align=center]=======================
ردي[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أخذت لي من دلة الشعر فنجال =يادلتن ماهي بمثل الدلالي
فنجالها ياصاحبي يشرح البال=لاضاق بالك عقبها لاتبالي
ياشاعراً مالك شبيهاً ولا امثال =ياللي اشوفك في عيوني مثالي
ماانته من اللي للهزيلات ميّال =دايم بيوتك كلبوها جزالي
من غير هذا ان قلت رجال رجااااااال=اقولها ماهي بقولة يقالي
يامرحبا يامعرب الجد والخال= اللي لو اني مااعني له عنا لي
من روس قوماً طيبهم مضرب امثال =فيما مضى والا السنين التوالي
ياطيّب المجنى وياذرب الافعال =انا عضيدك لو تجور الليالي
ان قلت تكفى قلت لبيه بالحال =افداك انا ياخوك لو هو بحالي
مير الهوى ماله دوا غير الاهمال =حاول تناسى كان جاله مجالي
ومظنون عيناً بينك وبينه اميال =وش فايدة حزنك ليا صرت خالي
ماهو بداري عنك لو شفت الانكال = أكيد قلبه من عنا الوقت خالي
لو كان صادق بالحكي كان مااحتال =يبذل لقربك كل ماكان غالي
مثلك لعب بي عشق ابو رمش قتّال =ياما جرالي بالهوى ماجرالي
وحبيبي اللي كنت له ستر وظلال =راح وتركني يامحمد لحالي
والدنيا هذي كل يوماً لها حال =تسقيك مر ونوب تسقيك حالي
والرابح اللي لا ابتدا يومه وقال = يارب عفوك ياعزيز الجلالي [/poem]
[align=center]وسلامتكم[/align]
