غشيم دنياء الحب كيف ايتعلم ؟
مساكم الله بالخير
والله ماعندي جديد محاوله بسيطه شفت اني طولت على التواصل معكم وحاولت بس محاوله قبل شوي عصير والصلاه جت الحين وعجلتني هههههههههه
وعندي والله قصايد غزليه بس في الموتر واخذه منى قصبراَ لي وله ثلاثه ايام على وجهه وعساه يعود بالسلامه وتعرفون انتم لقصايد العزليه مقدر اخلي منها شي في البيت لانها محذورره هههههههههه
وكم توقيع والله امظيته في التوقف عنها بس تدرون لجل عيونكم ياغرابيل سمو وعذروني
ويشرفني من مر وعسى تنال القليل من رضاكم
ابطلع لكم ابن الباديه اشوفه مبطي ماله
تواجد عساه سالم ودورته في ظلم ومالقيته
يمكن من اهل عفيف هو ولا الدوادمي ولا الجمش
ههههههههههه الله اعلم
واليا شفتو الشاعر احمد مناحي جاء يقرء القصيده تكفون اقرو عليه لاينظلني هههههههههههه
يبي ينكت على شان مير اللي ماتعجبه القصيده مايروح لاين يضحك
[poem=font="Arial,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه وافاني الزين في حلم= وسريت ليلي في هواااه أتحلم
سريت معه من الحساء لاورا ظلم =وهو يسولفلي وأنا ماتكلم
وصحيت من نومي حقيقه بلا علم =وسريت نايم طرقتي فالتحلم
لنه لياطرالي معاد اذهن العلم = ويسير جوي عقب نوره مظلم
حرام مادري موتري كيف هو سلم = عزالله ان الله هو اللي مسلم
لابارك الله فالهواء كلهو ظلم =وماينفع العشاق فيه التظلم
وياشين سيف الحب لا سار به ثلم = لو يذبح اصرف مير يقعد يألم
مابه احد في عالم الحب ماظلم =وماني بناول شخص فيه أتظلم
والناس لهم اسلوم والحب له سلم = وغشيم دنياء الحب كيف أيتعلم
[/poem]
وسلامتكم
رد: غشيم دنياء الحب كيف ايتعلم ؟
اقتباس:
المشاركة الأصلية كتبت بواسطة احمد مناحي الشمري
محمد الجبريني
هلا بك وغلا
اجل كذا توصيهم بالقرايه علي هين هين اوريك ..
<><::::::>< يفكر يودي الجبريني بداهيه يبي يشوف احد يعرف وين بيت الجبريني ويكتب
قصايد الجبريني الغزليه ويعطيها عيال الجبريني اذا جاو من المدرسه ...
ولاتدري :
اعيذك بكلمات الله التامه من كل شيطان وهامه ومن كل عين لامه .
والماء المقري والزيت بسيارة محمد الروقي اذا جاء استلمها منه ...
وياشين سيف الحب لا سار به ثلم
لـو يذبـح اصـرف ميـر يقـعـد يـألـم
هذا البلا
مابـه احـد فـي عالـم الحـب ماظلـم
ومانـي بنـاول شخـص فيـه أتظـلـم
عزالله انك صادق
والناس لهم اسلوم والحب له سلـم
وغشيـم دنيـاء الحـب كيـف أيتعلـم
بيت عن قصيده
لله درك يالجبريني عزالله ان قصيدك يوسع الصدر ...
خشمك خشمك
حب لي راسك وسلم لي عليك
اخوي
الشاعر احمد مناخي
صح بدنك وقلبك وكلك والمعذرره
والله زين ان احد يرد على اثرني مارد على احد
ومقصر حتى مع اطيب الطيبين واوفاء الأوفياء والأخيار المعذره يابو مناحي
ودمة بخيررر تقبل فاائق تقديرري
