سيييييييييييييييييكم بالخير ..
فيه سؤال يقرقع في (تسبود ) الكثير من عشاق النت وعشاق الرسم على البرامج ..
فكما تعلمون إن اكثر الناس من عشاق الفن الخسمطعش .. وهو الكروت والحاجات الحلوه هذي .. فلو كنت ماتعرف ترسم ولا تكتب بالشئ هذا رجاء اضغط back من شريط الأدوات ولا توريني خشتك الميمونه الله يصلحك . اما إذا كنت تعرف ..
لا انصحك تبقى لان فيه نصائح جوهرية <==ماتقرب لجواهر . لابد ان تتبعها وهي من واقع الخيال الحقيقي ومن نسج الصدق الكاذب .. <<== لا تحاولون تفهمون ..
فبينما انا جالس على كرسيي الميمون وبين جنبات المكتب طب علي واحد من زملائي في المكتب بعد ماانقلب عند الباب ثلاثة وعشرين قلبة من كثر ماهو طاير (( نصيحه ركب نعال برجستون بدون خط )) :)
المهووووووووهم إن الرجال جاني وطاح علي .. داخل على الله ثم عليك .
انا وبك براءه .. لاتدخل علي ولا شئ .. <<= مشكله الحضران .
قلت سم وافديك لو تبي برووووووووحي ..
<<== على نهاية الشهر عشان كذا ضامن ماراح يلقى معي شئ من الراتب :)
المهم الرجال بدووري تكفى ابيك تعلمني كيف اسوي كروت واتعلم على الفوتوشوب والفلاش والديتول ( شاطح معليش .. )
قلت ولايهمك ابشر من عيوني . بس ليه ؟؟
قال لي ياخي تعرف انا امووووووت واسعبل لما بنت تطلب مني شئ .. وصعبه ماتحققه لها . قال لو طلبت اللي تبي اسويه لها لو تبي اروح واجيب لها الدبابه اللي على بوابة القاعد الجويه بالخرج رحت وشلتها بسطحه وجبتها .
وكل شئ جبته لها ...... بس باقي اسوي لها كرت ..
(( لاحظ معي إن البنت معانا بالعمل ))
قلت وش قالت لك .؟؟؟؟؟؟
قالت تبي كرت ........ وانا مااقدر اسويه لاني ماعرف لبرنامج الفوتوشوب والفلاش والديتوووول <<= شاطح للمره الثانية .
قلت ولايهمك .. دقيت على رفيق دربي وعزيزي ابو نوال . ( عع ) وقلت له المشكله .
طبعا ابو نوال تنكر لي وقال لي وانا اكلمه عفوا يابوش الشباب من معي .
طوووووووووط طوووووووط
==>> قفل الخط ابو نوال .
قلت ولايهمك حبيبي انا احاول اسوي اللي اقدر عليه ولازم نسوي لها كرت عشان عيونك ..
<<= بالحيييييييييييييييييل :)
دقيت على عشق ليل وقلت له تفككككككككككى ياعشق الرجال يبي يموت ماعاد يقدر حتى إنه بدى يقطع النسم .
قال لي سعد خلاص دق علي بعد ربع ساعة .
وراحت ربع ساعة وادق إلا الاخ مقفل الجوال ..
بلشت بعمري .. مدري وش اسوي اشوف خويي يمووووت قدامي وانا ماقدر اسوي له شئ ؟؟؟
بس بيني وبينكم حسيت إن الرجال نصاب . مادري ليه يسوي زي افلام المصارية . ويتلوى كانه قاعد بكفر ( بني سويف ) وميته الجاموسه حقته ..
شوي إلا يوم دق باب المكتب ..
دق
دق
دق
وتدخل علينا زميلته اللي طالبة الكرت .
وتمحطني بذيك النظره اللي قامت تطشر سعابيلي مثل نوافير استاد الملك فهد . يوم يرشون الملعب .
http://www.swer123.4shia.net/shkaas/al3.jpg
هاي مرحبا .
إلا هو ينقز .
سمي ..
قالت بشر عساك زينت الكرت لي ؟؟
قام الاخ ودنها بكووووووه وقال إنشاء الله باسويه لك على بكره إنشاء الله .
ناظرته بنص عين وقالت اوكي
((( تشااااااااااااااو )))
<<= فق فمه .
قلت والله لانسويه لها واعلمك على كل البرامج اللي تبيها .
طلعت انا وياه ورحنا لعمائر الصالحية بالرياض وادور واحد يفهم بالبرامج .........إلا طلعوا كلهم دلوووووووخ ..
قلت ياولد الا نروح العليا سوق الاجهزة ..
والله ونروح ونلقى هندي يبيع سيديات ... قلت له تكفىىىىىىىىىىىى ياصديق ..
تكفىىىىىىىىىىىىىىىىىىىىىى ى افزع لي ابي CD برامج فوتو شوب وفلاش وديتول ..
<<= شاطح لسه .
قال الهندي .. غالي والطلب رخيص .. نق لي الله لايهينك 100 ريال وانا اجيبها لك منسوخه بعد خمس دقائق ..
قبل لا اهاوده بالقيمه إلا خويي ناقز بـ 150 وقال له ابيك تستعجل .. وجب لي معاه Menu عشان اعرف اشغله .
(( الاخ شاري غسالة ))
شوي يوم جانا الهندي ...
ونروح للشقه ونشتغل طول ليلنا على البرامج ...... لييييييييييييييييييييين عرف الولد يشتغل على البرامج وصار فناااااااااااااااااان ..
زين كرت تحبه قلوبكم .......... وخزنه على فلوبي ..
من جاء بكره إلا يوم رز خشته بالمكتب حقه . وقال لي تعال معي عشان تشوف الموقف الخرافي يوم تشوف الكرت ..
دق
دق
دق
<<= مسوي صوت الباب . يازينك ساكت .
هاي شباب .
http://www.swer123.4shia.net/shkaas/al3.jpg
<<== سالت سعبوله صغنونه
يوم رز خشته خويي .. وقال لها سمي .
وعطاها الفلوبي .
ناظرته وقالت وش هذا........
قال الكرت ........ ( وفيه على وجهه ضحكه كبر كبري الخليج ..)
قالت اي كرت ؟؟؟
قال اللي طلبتيه مني .......طول امس وانا اشتغل عليه لين زينته ......على الفوتوشوب ... طلع يهههههههههبل ...
ناظرته وذبت الفلوبي بوجهه .. وقالت ..... انا ابي كرت موعد حق العيادات مو الكرت ذا الله يصلحك .
<<== ناظر به وعطاه ذاك الراشدي اللي يحبه قلبك .
ورجعت لمكتبي خائر القوى بعد ما هك علي الخبل ........
بدووووووووووووووري
