مصافحتي الاولى معكم ( ضيقة الكف )
اخواني زوار واعضاء وإدارة منتديات غرابيل يسرني مشاركتكم بهذه القصيدة كمصافحة أولى آمل ان تحوز على رضاكم واستحسانكم.
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="groove,4,gray" type=1 line=0 align=center use=ex num="0,black"]
ياشينها لي ضاقت الدنيا على وجه الشجـاع =
وياشينها لي شحت الدنيا على الكف الكريـم =
وياشينها لي صارت الخوه مثل لوي الـذراع =
ماهو بمنهاج الوفاء والطيب والفعل العظيـم =
مادامت الدنيـا ملـذات ومتاهـات ومتـاع =
يالله تكفينـي بلاهـا لا توردنـي الجحيـم =
ويالله تجعلني من الوافيـن ذربيـن الطبـاع =
والجاهل المغرور جعله مايواجهني خصيـم =
يوم انها عاشت ثعالبها مع سحـم السبـاع =
ثم اختلط وجه النقى العاقل مع الوجه اللئيـم =
والشمس لو تحجب بغربال ظهر منها الشعاع =
وانا فطيـن يامدلهنـا عـن الوقـع القديـم =
يوم انت ماتعرف ثنيتها من السـن الربـاع=
المشكله بعض العرب شايب وفي عقله فطيم=
المال لو غطـى عيـوبٍ مايغطيهـا القنـاع =
تبقى الثوابت ثابتـه كالدائـره والمستقيـم =
والناس تدري والغباء احيان ياتي في خـداع=
والوقت يحرق مابقى كالنار تحرق بالهشيـم =
ولولا التجارب بالرجال بكل وقت وكل قـاع =
ظاعت نصايح لولين وضيعوا حكمـة حكيـم =
واهل العراق اكثر بلد يعيش فتـرات النـزاع =
الا انهم ماضيعوا ماقالـه إسحـاق النديـم =
ياليل وقف لو سمحت بكلمـةٍ قبـل الـوداع =
ماهو يصح إلا الصحيح وما يطيح إلا الغشيم= [/poem]
